ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ປ. ໂອບາມາ ແຕ່ງຕັ້ງ ລມຕ ປ້ອງກັນປະເທດ ແລະຫົວໜ້າ ຊີໄອເອ (ວີດີໂອ)


ທ່ານ Barack Obama (ກາງ) ແຕ່ງຕັ້ງທ່ານ Chuck Hagel (ຂວາ) ເປັນລັດຖະມົນຕີປ້ອງກັນປະເທດ ແລະ ທ່ານ John Brennan (ຊ້າຍ) ເປັນຫົວໜ້າສືບລັບ
ທ່ານ Barack Obama (ກາງ) ແຕ່ງຕັ້ງທ່ານ Chuck Hagel (ຂວາ) ເປັນລັດຖະມົນຕີປ້ອງກັນປະເທດ ແລະ ທ່ານ John Brennan (ຊ້າຍ) ເປັນຫົວໜ້າສືບລັບ
ປະ​ທາ​ນາ​ທິບໍດີສະຫະລັດ ທ່ານ Barack Obama ​ໄດ້​ຕັດສິນ​
ໃຈຂັ້ນ​ສຸດ​ທ້າຍກ່ຽວກັບ​ທີ​ມງານດ້ານ​ຄວາມ​ປ​ອດ​ໄພ​ແຫ່ງ​ຊາດ
​ສຳລັບ​ສະ​ໄໝ​ທີ​ສອງ​ຂອງ​ທ່ານ​ໂດຍຮຽກຮ້ອງ​ໃຫ້​ສະພາ​ສູງ
“ຈົ່ງ​ເຄື່ອນໄຫວ​ຢ່າງ​ວ່ອງ​ ໄວ” ​ແລະໃຫ້ການ​ອະນຸມັດ​ຕໍ່​ການ​ຄັດ
ເລື​ອກຂອງ​ທ່ານ​ເພື່ອ​ມາເປັນ​ຜູ້​ນໍາ ພາ​ກະຊວງ​ປ້ອງ​ກັນ​ປະ​ເທດ ​
ແລະ​ອົງການ​ສືບ​ລັບ​ຊີ​ໄອ​ເອ.

ທ່ານ Obama ​ໃນ​ວັນ​ຈັນ​ວານ​ນີ້ ​ໄດ້ແຕ່​ງຕັ້ງ​ໃຫ້ອະດີດ​ສະມາ
ຊິກ​ສະພາ​ສູງ ສັງກັດພັກ​ຣີ​ພັບ​ບລິ​ກັນ ທ່ານ Chuck Hagel
ຈາກລັດNebraska​ ​ໃນ​ພາ​ກກາງຂອງ​ສະຫະລັດ ເປັນລັດຖະ
ມົນຕີກະຊວງປ້ອງ​ກັນ​ປະ​ເທດຄົນ​ຕໍ່​ໄປ ​ແລະ​ທີ່​ປຶກສາ​ດ້ານຕໍ່
ຕ້ານ​ການກໍ່​ການ​ຮ້າຍ ທ່ານ John Brennan ​ເປັນ​ຫົວໜ້າ
ອົງການ​ສືບ​ລັບຊີ​ໄອ​ເອ.

ປະທານາທິບໍດີ ຮ້ອງ​ທ່ານ Hagel ວ່າ “​ເປັນ​ຜູ້​ນໍາ​ ທີ່​ກອງ​ທັບ​ຂອງ​ພວກ​ເຮົາ​ຄວນ​ຈະ​ໄດ້​ຮັບ.” ນອກ​ນັ້ນ ທ່ານຍັງ​ກ່າວ​ອີກ​ວ່າ ອ​ະດີດສະສະມາຊິກ​ສະພາ​ສູງຈາກ​ລັດ Nebraska ທ່ານ​ນີ້ ຍັງ​ເປັນ​ຜູ້ຕາງໜ້າ “ປະ​ເພນີການ​ຮ່ວມ​ມື​ຈາກ​ທັງ​ສອງ​ພັກ​ການ​ເມືອງ ທີ່​ພວກ​ເຮົາ​ຕ້ອງການ​ຫລາຍ​ຂື້ນ​ທີ່ວໍ​ຊິງ​ຕັນ.”

ທ່ານ Obama ໄດ້ກ່າວສັນລະ​ເສີນທ່ານ Brennan ​ໃນ​ການ​ເປັນ​ຜູ້ ນຳ​ພາ​ການ​ດຳ​ເນີນ​ຄວາມ​ພະຍາຍາມ​ຕໍ່ຕ້ານພວກ​ກໍ່​ການ​ຮ້າຍ al-Qaida ​ໃນ​ຂະນະ​ທີ່​ຍັງມີ​ຄວາມ​ໝາຍ​ໝັ້ນ
ຕໍ່ “ຄຸນ​ຄ່າ​ທີ່ບົ່ງ​ບອກວ່າເຮົາເປັນ ຊາວອາ​ເມຣິກັນ.”

ທັງ​ທ່ານ Hagel ​ແລະທ່ານ Brennan ຈະ​ຕ້ອງ​ໄດ້​ຮັບ​ການ​ຢືນຢັນ ຈາກສະພາ​ສູງສະ
ຫະລັດ​ ບ່ອນ​ທີ່​ບັນດາ​ສະມາຊິກ​ສະພາ​ສູງ ບາງ​ທ່ານ​ໄດ້​ພາກັນ​ສະ​ແດງ​ຄວາມ​ເຫັນ​ຄັດ
ຄ້ານ​ອອກມາ​ແລ້ວ.

XS
SM
MD
LG