ປະທານາທິບໍດີ ບາຣັກ ໂອບາມາ ໄດ້ປົກປ້ອງນະໂຍບາຍຂອງສະຫະລັດກ່ຽວກັບອິຣ່ານ
ໂດຍກ່າວວ່າ ເວລານີ້ເຕຫະຣ່ານກໍາລັງປະເຊີນກັບການລົງໂທດທີ່ຮຸນແຮງຢ່າງບໍ່ເຄີຍມີມາ
ກ່ອນ ແລະບັດນີ້ ລັດຖະບານອິຣ່ານໄດ້ ຖືກໂດດດ່ຽວໄປແລ້ວ.
ໃນກອງປະຊຸມໃຫ້ສໍາພາດຂ່າວທີ່ທໍານຽບຂາວເມື່ອວັນອັງຄານວານນີ້ ທ່ານໂອບາມາໄດ້
ເນັ້ນຍໍ້າວ່າ ເຈົ້າໜ້າທີ່ສືບລັບຂອງສະຫະລັດແລະອີສຣາແອລຄິດວ່າ ຄວາມເຄັ່ງຕຶງກັບອິ
ຣ່ານນັ້ນ ຍັງສາມາດແກ້ໄຂໄດ້ໂດຍທາງການທູດຢູ່.
ທ່ານໂອບາມາຍັງໄດ້ກ່າວອີກວ່າ ພວກຜູ້ນໍາໂລກຈະບໍ່ປ່ອຍໃຫ້ອິຣ່ານມີອາວຸດນີວເຄລຍ.
ກ່ຽວກັບການສັນນິຖານກັນທີ່ວ່າ ອີສຣາແອລອາດໂຈມຕີສະຖານນີວເຄລຍຕ່າງໆຂອງ
ອິຣ່ານນັ້ນ ປະທານາທິບໍດີໂອບາມາກ່າວວ່າ ອີສຣາແອລເປັນປະເທດອະທິປະໄຕ ທີ່ຈະ
ຕ້ອງເປັນຜູ້ຕັດສິນໃຈເອງ ກ່ຽວກັບວິທີທາງຮັກສາຄວາມໝັ້ນຄົງຂອງປະເທດຊາດຂອງຕົນ.
ທ່ານໂອບາມາ ກ່າວອີກວ່າ ທ່ານຮູ້ດີກ່ຽວກັບເຫດການຕ່າງໆໃນປະວັດສາດ ທີ່ພວກຜູ້
ນໍາອີສຣາແອລ ຈະຕ້ອງພິຈາລະນາຊັ່ງຊາ ເວລາພວກເຂົາເຈົ້າຄິດເຖິງໄພຂົ່ມຂູ່ ທີ່ອາດເປັນ
ໄປໄດ້ ຕໍ່ປະເທດຊາດຂອງພວກເຂົາເຈົ້ານັ້ນ.
ນອກນີ້ແລ້ວ ທ່ານໂອບາມາຍັງເວົ້າອີກວ່າ ທ່ານບໍ່ຄາດໝາຍວ່າຈະມີຄວາມກ້າວໜ້າໃດໆ
ໃນການພົບປະກັນເທື່ອທໍາອິດກັບອິຣ່ານ ເວລາປະຊາຄົມໂລກ ຮື້ຟື້ນການເຈລະຈາຄືນໃໝ່
ກ່ຽວກັບໂຄງການປະລະມະນູຂອງອິຣ່ານນັ້ນ. ໃນວັນອັງຄານວານນີ້ ກ່ອນໜ້າທ່ານໂອ
ບາມາໃຫ້ສໍາພາດຂ່າວນັ້ນ ກຸ່ມທີ່ເອີ້ນກັນວ່າ P5 ບວກນຶ່ງກໍຄືກຸ່ມຫ້າປະເທດສະມາຊິກຖາ
ວອນຂອງສະພາຄວາມໝັ້ນຄົງສະຫະປະຊາຊາດ ບວກກັບ ເຢຍຣະມັນນັ້ນ ໄດ້ສະເໜີທີ່ຈະ
ກັບຄືນໄປເຈລະຈາກັນໃໝ່ກັບອິຣ່ານ ຫລັງຈາກທີ່ໄດ້ຍຢຸດຊະງັກມາດົນນານແລ້ວນັ້ນ.