ປະທານາທິບໍດີສະຫະລັດ ທ່ານ Barack Obama ແລະ ນາຍົກ
ລັດຖະມົນຕີອິສຣາແອລ ທ່ານ Benjamin Netanyahu ໄດ້ພົບ
ປະກັນ ຢູ່ທຳນຽບຂາວ ໃນວັນພຸດວານນີ້ ດ້ວຍການໃຫ້ຄວາມເຫັນ
ແບບສຸພາບ ແຕ່ໜັກແໜ້ນ ກ່ຽວກັບບັນຫາຕ່າງໆ ໃນພາກຕາເວັນ
ອອກກາງ ທີ່ມີການຖົກຖຽງໂຕ້ແຍ້ງກັນນັ້ນ.
ນີ້ແມ່ນການພົບປະແບບ ເຊິ່ງໜ້າເທື່ອທຳອິດ ນັບຕັ້ງແຕ່
ອິສຣາແອລ ໄດ້ທຳສົງຄາມກັບກຸ່ມຫົວຮຸນແຮງ Hamas ໃນເຂດ
Gaza ເມື່ອເດືອນກໍລະກົດ ແລະ ສິງຫາ ຜ່ານມາ ຊຶ່ງເຮັດໃຫ້ຊາວ
ປາແລສໄຕນ໌ ຫຼາຍ ກວ່າ 2,100 ຄົນເສຍຊີວິດ ໂດຍສ່ວນໃຫຍ່
ແລ້ວ ແມ່ນພົນລະເຮືອນ.
ທ່ານ Obama ໄດ້ກ່າວວ່າ ອິສຣາແອລ ແລະປາແລສໄຕນ໌ ຕ້ອງຫາທາງເພື່ອ “ຫັນປ່ຽນ ສະພາບການໃນປັດຈຸບັນ” ໄປສູ່ການແກ້ໄຂບັນຫາຕ່າງໆ ທີ່ພາໃຫ້ເກີດການສູ້ລົບ
ກັນນັ້ນ.
ທ່ານ Netanyahu ໄດ້ຍ້ອງຍໍ ຜູ້ນຳສະຫະລັດ ຕໍ່ “ການສະໜັບສະໜຸນທີ່ບໍ່ທໍ້ຖອຍ”
ໃນລະຫວ່າງທີ່ເກີດບັນຫາຂັດແຍ້ງກັນນັ້ນ ແຕ່ທ່ານກ່າວວ່າ ຄວາມເປັນໄປໄດ້ ໃນການ
ພັດທະນາອາວຸດນິວເຄລຍຂອງອີ ຣ່ານນັ້ນ ແມ່ນມີ “ຄວາມສຳຄັນຍິ່ງໄປກວ່ານີ້.”
ຜູ້ນຳອິສຣາແອລກ່າວຕໍ່ໄປວ່າ ທ່ານມີຄວາມຫວັງຢ່າງ “ແຮງກ້າ” ວ່າ ສະຫະລັດ ຈະບໍ່
ຍົກເລີກການລົງໂທດຕ່າງໆ ຕໍ່ເຕຫະຣ່ານ.
