ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ເວ
ລານີ້ິ້ພວກເຈົ້າໜ້າທີ່ສືບລັບແລະເຈົ້າໜ້າທີ່ຕໍ່ຕ້ານພວກກໍ່ການ
ຮ້າຍ ບໍ່ມີຂ່າວ ທີ່ສະເພາະເຈາະຈົງ ແລະ ໜ້າເຊື່ອຖືໃດໆ ກ່ຽວ
ກັບການໂຈມຕີທີ່ອາດມີຂຶ້ນ ຢູ່ໃນສະຫະລັດ.
ປະທານາທິບໍດີໂອບາມາ ອີກຄັ້ງນຶ່ງ ແມ່ນໃຫ້ການຄ້ຳປະກັນ
ແກ່ຊາວອາເມຣິກັນ ກ່ຽວກັບຄວາມສ່ຽງໃນດ້ານຄວາມປອດ
ໄພ ຢູ່ໃນສະຫະລັດ ຫລັງຈາກໄດ້ມີການໂຈມຕີກໍ່ການຮ້າຍຢູ່
ນະຄອນປາຣີ ເມື່ອເດືອນພະຈິກຜ່ານມາ ແລະການໂຈມຕີທີ່
ເມືອງ San Bernardino ໃນລັດຄາລີຟໍເນຍ ເມື່ອຕົ້ນເດືອນ
ນີ້.
ໃນຄຳປາໄສທີ່ສູນກາງຕໍ່ຕ້ານພວກກໍ່ການຮ້າຍແຫ່ງຊາດຢູ່ເມືອງ McLean ລັດເວີຈີເນຍ
ໃນວັນພະຫັດວານນີ້ ປະທານາທິບໍດີໂອບາມາກ່າວຕໍ່ປະຊາຊົນອາເມຣິກັນວ່າ ໃນຂະນະ
ທີ່ຫຼາຍໆຄົນ ພວມເດີນທາງ ເນື່ອງໃນໂອກາດວັນພັກແລະກະກຽມທີ່ຈະສະເຫຼີມສະຫຼອງ
ວັນຂຶ້ນປີໃໝ່ຢູ່ນີ້ພວກເຂົາເຈົ້າຄວນຈົດຈຳໄວ້ວ່າມີຜູ້ຮັກຊາດທີ່ໄດ້ອຸທິດຕົນເຮັດວຽກເຮັດ
ການຕະຫລອດຊາວສີ່ຊົ່ວໂມງເພື່ອປົກ ປ້ອງເຂົາເຈົ້າ.
ກ່ອນທີ່ຈະຖະແຫຼງ ຕໍ່ສື່ມວນຊົນນັ້ນ ປະທານາທິບໍດີໂອບາມາ ໄດ້ພົບປະກັບຄະນະທີມ
ງານຄວາມໝັ້ນຄົງແຫ່ງຊາດ ທີ່ສູນກາງດັ່ງກ່າວ ບ່ອນທີ່ທ່ານ ໄດ້ຮັບລາຍງານຫລ້າສຸດ
ກ່ຽວກັບການສືບສວນໃນການສັງຫານໝູ່ທີ່ເມືອງ San Bernardino ແລະການດຳເນີນ
ຄວາມພະຍາຍາມເພື່ອປ້ອງກັນການໂຈມຕີກໍ່ການຮ້າຍຢູ່ທັງພາຍໃນແລະຕ່າງປະເທດ.
ທ່ານກ່າວເຖິງສູນກາງນີ້ວ່າ ເປັນບ່ອນເກັບກຳແລະແບ່ງປັນຂໍ້ມູນສືບລັບເພື່ອໃຫ້ການປົກ
ປ້ອງຄຸ້ມຄອງປະເທດຊາດ.
ປະທານາທິບໍດີ ໄດ້ສັ່ງໃຫ້ທຳການສືບສວນ ຢ່າງລະອຽດຖີ່ຖ້ວນ ໃນຂະນະທີ່ເຈົ້າໜ້າທີ່
ຮຽນຮູ້ວ່າ ການໂຈມຕີທີ່ເມືອງ San Bernardino ໄດ້ເກີດຂຶ້ນແບບໃດແລະເປັນດ້ວຍ
ເຫດໃດ. ນອກນັ້ນສະຫະລັດຍັງສືບຕໍ່ສຳຫລວດກວດກາເບິ່ງໂຄງ ການວີຊ່າ K-1 ຊຶ່ງຮູ້
ກັນໃນອີກຊື່ນຶ່ງວ່າ ວີຊ່າສຳລັບຄູຸ່ໝັ້ນນັ້ນ.
ເບິ່ງວີດີໂອກ່ຽວຂ້ອງ:
