ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານ ໂອບາມາ ຈະຮ້ອງຮຽນຕໍ່ WTO ກ່ຽວກັບພາກປະຕິບັດ ດ້ານການຄ້າຂອງຈີນ


ປະທານາທິບໍດີ Barack Obama ຈະປະກາດທໍາການຕໍ່ວ່າ ປະເທດ ຈີນ ຢູ່ທີ່ລັດ ໂອໄຮໂອ ບ່ອນທີ່ມີອຸດສາຫະກໍາສ້າງລົດຍົນ
ປະທານາທິບໍດີ Barack Obama ຈະປະກາດທໍາການຕໍ່ວ່າ ປະເທດ ຈີນ ຢູ່ທີ່ລັດ ໂອໄຮໂອ ບ່ອນທີ່ມີອຸດສາຫະກໍາສ້າງລົດຍົນ
ປະທານາທິບໍດີ ສະຫະລັດ ທ່ານ Barack Obama ຈະເປີດ
​ສາກ​ທໍາ​ການ​ຕໍ່​ວ່າຕໍ່ຂານປະ​ເທດປະ​ເທດ​ຈີນ ​ໃນ​ວັນ​ຈັນ​ມື້​ນີ້
ກ່ຽວ​ກັບ​ການເກື້ອ​ກຸນ​ຂອງລັດຖະ ບານຈີນ ແກ່​ອຸດສາຫະກໍາ
​ການ​ສ້າງ​ລົດຍົນ​ຂອງຈີນ​ນັ້ນ.

ບັນດາເຈົ້າ​ໜ້າ​ທີ່​ລັດຖະບານ​ກ່າວ​ວ່າ ທ່ານ Obama ຈະ​ປະ
ກາດ​ການ​ເຄື່ອນ​ໄຫວດັ່ງກ່າວ ໃນ​ລະຫວ່າງການໂຄສະນາ​
ຫາ​ສຽງບັ້ນ​ນຶ່ງ ​ທີ່ລັດ Ohio ທາງ ພາກ​ກາງຂອງສະຫະລັດ.
ລັດ​ໂອ​ໄຮ​ໂອ ທີ່​ຖື​ວ່າ​ເປັນລັດນຶ່ງ​ທີ່​ມີ​ຄວາມສໍາຄັນສູງ​ຕໍ່ການ​
ເລືອກ​ຕັ້ງ​ທີ່​ຈະມາ​ເຖິງ​ນີ້ ​ແມ່ນມີ​ພື້ນຖານດ້ານອຸດສາຫະກໍ​າ
ທີ່​ໃຫຍ່ ແລະ​ເປັນ​ບ່ອນທີ່​ຫລາຍໆ​ຄົນ​ຕິ​ຕຽນ​ຈີນ ວ່າເຮັດ​ໃຫ້
​ອຸດສາຫະກໍາ​ຂອງ​ຕົນ​ຝືດເຄືອງນັ້ນ.

ລັດຖະບານ​ທ່ານ Obama ກ່າວ​ວ່າ ຕົນ “ກໍາລັງຈະ​ເລີ້​ມທໍາ​ການ​ຮ້ອງ​ຮຽນ​ຕໍ່ ອົງການ
​ການ​ຄ້າ​ໂລກ​ ​ໃຫ້​ເອົາ​ບາດກ້າວ​ຕ້ານຈີນ​” ​ເ​ພາະວໍ​ຊິງ​ຕັນ​ກ່າວ​ວ່າ ປັກກິ່ງໃຫ້ການ​ອຸດ​
ໜຸນ​ເກື້ອ​ກຸນ​ທີ່​ຜິດ​ກົດໝາຍ ​ແກ່​ການ​ສົ່ງ​ອອກລົດຍົນ ​ແລະ​ເຄື່ອງ​ອາ​ໄຫລ່​ລົດ.

ສະຫະລັດ ກ່າວ​ວ່າ ພາກ​ປະຕິບັດ​ດັ່ງກ່າວ ​ເຮັດ​ໃຫ້ບັນດາ​ອຸດສາຫະກໍາຂອງສະຫະລັດ ​ ເສຍປຽບ​ໃນ​ການ​ແຂ່ງຂັນ ​ແລະ​ຊຸກຍູ້​ໃຫ້​ມີ​ການ​ຍ້າຍ​ສິນຄ້າ​ໄປ​ຜະ​ລິດ ຢູ່​ປະ​ເທດຈີນ ​ ເພາະ​ຄ່າ​ໃຊ້​ຈ່າຍ​ຖືກ​ກວ່າ​ຢູ່​ໃນ​ສະຫະລັດ.

ການ​ປະກາດນີ້​ໄດ້​ມີ​ຂື້ນ ​ໃນ​ຂະນະ​ທີ່ຜູ້​ສະມັກເລືອກ​ຕັ້ງ​ປະທານາທິບໍດີ ຂອງ​ ພັກ​ຣີພັບບ​ລິ
ກັນ ທ່ານ Mitt Romney ​ໄດ້ທະວີ​ການ​ຕິຕຽນ​ໜັກ​ຂຶ້ນ ຕໍ່​ທ່າ​ທີຂອ ​ທ່ານ Obama ກ່ຽວ​ກັບ​ຈີນ. ຜູ້​ສະມັກ​ທັງ​ສອງ ​ໄດ້ເອົາ​ເລື້ອງຈີນ ​ໂດຍ​ສະ​ເພາະເລື້ອງ​ພາກ​ປະຕິບັດ​ຂອງ​ຈີນ​ໃນ​ດ້ານ​ຄ້ານັ້ນ ​ມາ​ເປັນບັນຫາຖົກ​ຖຽງ​ກັນ ​ໃນການ​ໂຄສະ​ນາ​ຫາ​ສຽງ.​

ກ່ຽວຂ້ອງກັນ

XS
SM
MD
LG