ປະທານາທິບໍດີ Barack Obama ໄດ້ມີຄວາມຄວາມສົງໄສຢ່າງແຮງທີ່ວ່າ ສະຫະລັດ ຈະສາມາດເຊື່ອ ຣັດເຊຍ ໄດ້ຫຼືບໍ່ ທີ່ວ່າ ຈະເປັນຄູ່ຕຳແໜ່ງທີ່ຈະຍຸຕິສົງຄາມກາງເມືອງໃນຊີເຣຍ ນັ້ນ.
“ຂ້າພະເຈົ້າບໍ່ໝັ້ນໃຈທີ່ວ່າ ພວກເຮົາສາມາດໄວ້ວາງໃຈຣັດເຊຍ ແລະ ທ່ານ Vladimir Putin ໃນອັນທີ່ ພວກເຮົາຕ້ອງໄດ້ທົດສອບ ຫລືບໍ່ ວ່າພວກເຮົາສາມາດຢຸດຍິງຈາກການເປັນປໍລະປັກກັນ ຢ່າງແທ້ຈິງ” ທ່ານ Obama ໄດ້ກ່າວຕໍ່ບັນດານັກຂ່າວຢູ່ທຳນຽບຫ້າແຈ ໃນວັນພະຫັດວານນີ້ຫລັງຈາກໄດ້ພົບປະກັບ ບັນດາສະມາຊິກສະພາຄວາມໝັ້ນຄົງຂອງທ່ານ ເພື່ອໂອ້ລົມສົນທະນາກ່ຽວກັບການຕໍ່ສູ້ຕ້ານກຸ່ມລັດອິສລາມ.
ປະທານາທິບໍດີກ່າວວ່າ ຣັດເຊຍອາດບໍ່ສາມາດຊ່ວຍໃນການຍຸຕິຄວາມຮຸນແຮງລົງ "ເປັນເພາະວ່າພວກເຂົາເຈົ້າບໍ່ຕ້ອງການ ຫລືເພາະວ່າພວກເຂົາເຈົ້າບໍ່ມີອິດທິພົນພຽງພໍ ກັບປະ ທານາທິບໍດີ ຊີເຣຍ ທ່ານ Bashar al-Assad
ປະທ່ານາທິບໍດີ Obama ກ່າວວ່າ “ນັ້ນເປັນສິ່ງທີ່ພວກເຮົາຈະທົດສອບ ພວກເຮົາເຂົ້າໄປອີກ ທີ່ປາດສະຈາກການປິດບັງກີດກັນໃດໆ.”
ລັດຖະບານຊີເຣຍ ແລະພັນທະມິດຣັດເຊຍ ກຳລັງຕໍ່ສູ້ກັບພວກຕໍ່ຕ້ານລັດຖະບານ ທີ່ຄວບ ຄຸມຂົງເຂດຢູ່ໃນ ແລະນອກເມືອງ Aleppo ໃນອັນທີ່ພວກສັງເກດການອະທິບາຍວ່າ ເປັນການສູ້ລົບທີ່ຮ້າຍແຮງສຸດໃນຫລາຍເດືອນ. ການສູ້ລົບໄດ້ແຜ່ລາມມາເປັນເວລາກວ່າສອງເດືອນ ແລະບັນດາຜູ້ສັງເກດການຈາກອົງການສິ້ງຊອມສິດທິມະນຸດໃນຊີເຣຍ ລາຍງານວ່າ ມີ ຢ່າງໜ້ອຍ 6,000 ຄົນໄດ້ເສຍຊີວິດ ແລະໄດ້ຮັບບາດເຈັບໃນ ຮອບ 80 ມື້ ທີ່ຜ່ານມາ.
