ໜັງສືພີມທີ່ມີຊື່ສຽງຂອງສະຫະລັດສະບັບນຶ່ງກ່າວວ່າ ປະທານາທິບໍດີສະຫະ
ລັດ ທ່ານບາຣັກ ໂອບາມາ ໄດ້ມີຄຳສັ່ງໃຫ້ທຳການໂຈມຕີທາງອິນເຕີແນັດແບບ
ລັບໆ ສະລັບຊັບຊ້ອນ ຕໍ່ສະຖານທີ່ນີວເຄລຍໃຫຍ່ທີ່ສຸດຂອງອີຣ່ານ.
ໜັງສືພິມ New York Times ໄດ້ອ້າງແຫລ່ງຂ່າວບໍ່ລະບຸຊື່ ທີ່ໃກ້ຊິດກັບໂຄງການ
ທີ່ກ່າວວ່າ ທ່ານໂອບາມາໄດ້ອອກຄໍາສັ່ງດັ່ງກ່າວ ຫລັງຈາກທ່ານເຂົ້າຮັບຕໍາແໜ່ງ
ໃນເດືອນມັງກອນປີ 2009 ຊຶ່ງໄດ້ພາໃຫ້ມີການຂະຫຍາຍໂຄງການອາ ວຸດທາງ
ອິນເຕີແນັດເປັນການໃຫຍ່.
ໜັງສືພີມ New York Times ລາຍງານວ່າ ໂຄງການໂຈມຕີທາງລະບົບອິນເຕີແນັດ
ໄດ້ເລີ້ມຂຶ້ນ ພາຍໃຕ້ລັດຖະບານອະດີດປະທານາທິບໍດີ George W. Bush ທີ່ຊຸກ
ຍູ້ໃຫ້ທ່ານໂອບາມາດໍາເນີນການຕໍ່ໄປ ແລະປະທານາທິບໍດີໂອບາມາ ກໍໄດ້ປະຕິ
ບັດຕາມ.
ການໂຈມຕີທີ່ວ່ານີ້ແມ່ນໃຊ້ເຊື້ອໄວຣັສຄອມພິວເຕີ້ ທີ່ໄດ້ຮູ້ກັນໃນພາຍຫລັງຕໍ່ມາວ່າ
Stuxnet ຊຶ່ງເຊື້ອໄວຣັສດັ່ງກ່າວນີ້ໄດ້ແຊກຊຶມເຂົ້າໄປສູ່ຕາໜ່າງຄອມພີວເຕີ ທີ່ຄວບ
ຄຸມການປະຕິບັດງານສ່ວນໃຫຍ່ຢູ່ທີ່ບອ່ນກັ່ນທາດຢູເຣນຽມທີ່ສຳຄັນຂອງ
ໂຮງໄຟຟ້າ Natanz.
ໜັງສຶພີມ New York Times ລາຍງານວ່າ ຕາໜ່າງຄອມພິວເຕີດັ່ງກ່າວຂອງອີຣ່ານ
ບໍ່ໄດ້ເຊື່ອມຕໍ່ກັບລະບົບອີນເຕີແນັດ ແລະການແຜ່ເຊື້ອໄວຣັສໄປ ສູ່ຕາໜ່າງຄອມ
ພິວເຕີແມ່ນໃຊ້ວິທີທີ່ຍັງເປັນຄວາມລັບຢູ່. ແຫລ່ງຂ່າວແຈ້ງວ່າອົງການຮັກສາຄວາມ
ໝັ້ນຄົງແຫ່ງຊາດຂອງສະຫະລັດ ໄດ້ທໍາການຮວ່ມມືກັບ ອີສຣາແອລ ກ່ຽວກັບ
ໂຄງການດັ່ງກ່າວນີ້.
ເຊື້ອໄວຣັສໄດ້ເກັບກໍາເອົາຂໍ້ມູນກ່ຽວກັບວ່າ ລະບົບຄວບຄຸມຂອງອີຣ່ານດຳເນີນ
ການທີ່ສຳຄັນຢ່າງໃດ ຫຼັງຈາກນັ້ນກໍເລີ້ມທໍາການກໍ່ວິນາດສະກຳ ໂດຍເຮັດໃຫ້
ເຄື່ອງຈັກເລີ້ມແລະຢຸດເຊົາແລ່ນຊໍ້າແລ້ວຊໍ້າອີກຊຶ່ງເຊື່ອກັນວ່າເຄື່ອງຈັກດັ່ງກ່າວນີ້
ແມ່ນໃຊ້ເພື່ອຜະລິດທາດຢູເຣນຽມທີ່ສາມາດນຳໄປສ້າງອາວຸດໄດ້ ໃນວິທີທີ່ ທຳ
ລາຍອຸບປະກອນດັ່ງກ່າວ.