ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປະທານາທິບໍດີ ໂອບາມາ ຮ່ວມໄວ້ອາໄລ ແກ່ພວກເຄາະຮ້າຍ ຢູ່ໂຮງຮຽນປະຖົມ


ປະທານາທິບໍດີ ສະຫະລັດ ທ່ານ Barack Obama ກ່າວໄວ້ອາ ໄລ ຢູ່ໂຮງຮຽນມັດທະຍົມ Newtown ໃນພິທີໄວ້ອາໄລແກ່ ພວກໄດ້ຮັບເຄາະ ຈາກການສັງຫານໝູ່ ທີ່ໂຮງຮຽນປະຖົມ Sandy Hook.
ປະທານາທິບໍດີ ສະຫະລັດ ທ່ານ Barack Obama ກ່າວໄວ້ອາ ໄລ ຢູ່ໂຮງຮຽນມັດທະຍົມ Newtown ໃນພິທີໄວ້ອາໄລແກ່ ພວກໄດ້ຮັບເຄາະ ຈາກການສັງຫານໝູ່ ທີ່ໂຮງຮຽນປະຖົມ Sandy Hook.
ປະ​ທາ​ນາ​ທິບໍດີ ສະຫະລັດ ທ່ານ Barack Obama ​ໄດ້​ປະຕິ
ຍານ ທີ່​ຈະໃຊ້​ອໍານາດ​ທຸກ​ໆຢ່າງ​ຂອງ​ທ່ານ​ ​ເພື່ອ​ໃຫ້​ເປັນ​ທີ່​ແນ່
ນອນ​ວ່າ ໂສກ​ນາດຕະກໍາອັນ​ຮ້າຍ​ແຮງ​ ຄື​ກັນ​ກັບການ​ສັງຫານ
​ເດັກນ້ອຍ 20 ຄົນ ແລະ​ຜູ້​ໃຫຍ່ 6 ຄົນ ຢູ່​ໂຮງຮຽນປະຖົມມື້​ວັນ
​ສຸກ​ນັ້ນ ຈະ​ບໍ່​ເກີດ​ຂຶ້ນ​ຊໍ້າອີກ.

ທ່ານ Obama ​ໄດ້​ໄປ​ຮ່​ວມກັບ​ບັນດາ​ຜູ້​ໄວ້ອາ​ໄລ​ ​ໃນ​ແລງ​ວັນ​
ອາທິດ ທີ່ເມືອງ Newtonພາກ​ເໜືອ​ຂອງລັດ Connecticut
ບ່ອນ​ທີ່​ມື​ປືນ​ຄົນ​ນຶ່ງໄດ້ລະດົມ​ຍິງ​ສັງຫານຢ່າງ​ບໍ່​ເລືອກໜ້າ 26
ຄົນ​ຢູ່ທີ່​ໂຮງຮຽນ ຫລັງ​ຈາກທີ່​ໄດ້​ສັງຫານ​ແມ່​ຂອງ​ຕົນ​ເອງ.

ທ່ານ​ໂອ​ບາມາໄດ້ກ່າວ​ຕໍ່​ບັນດາ​ຜູ້ທີ່​ໄປ​ເຕົ້າໂຮມ​ເພື່ອໄວ້ອາ​ໄລ
​ແກ່​ຜູ້​ເຄາະ​ຮ້າຍ​ວ່າ ​ເຂົາ​ເຈົ້າ​ບໍ່ໄດ້​ຢູ່​ໂດດດ່ຽວ​ໃນ​ຄວາມ​ໂສກ​ເສົ້າ
​ຂອງ​ເຂົາເຈົ້ານັ້ນ​ແລະວ່າ ປະຊາຊົນທົ່ວ​ປະ​ເທດ ກໍພາກັນ​ໂສກ​ເສົ້າຮ່ວມກັບ​ເຂົາ​ເຈົ້ານໍາ.

ທ່ານ Obama ກ່າວວ່າ ​ປະ​ເທດ​ຊາດ​ຍັງ​ມີ​ຄໍາ​ຖາມ​ຍາກ​ໆທີ່ຈະ​ຕ້ອງ​ໄດ້​ຫາ​ຄໍາ​ຕອບ​ຢູ່. ທ່ານ​ໃຫ້​ຂໍ້​ສັງ​ເກດ​ວ່າ ນີ້ແມ່ນເປັນ​ຄັ້ງ​ທີ່​ສີ່​ທີ່​ເຫດ ​ການ​ສັງຫານໝູ່​ໄດ້​ເກີດ​ຂື້ນ ນັບ​ແຕ່ທ່ານ​ໄດ້​ຂຶ້ນ​ເປັນປະທານາທິບໍດີ​ມາ ​ເມື່ອເກືອບ​ສີ່​ປີ​ກ່ອນ. ທ່ານ Obama ກ່າວ​ວ່າ:

“ພວກ​ເຮົາປ່ອຍ​ໃຫ້​ມັນ​ເກີດ​ຂຶ້ນ​ຕໍ່​ໄປ​ອີກ​ບໍ່​ໄດ້ອີກ​ແລ້ວ. ໂສກ​ນາດຕະກໍາ​ເຫລົ່າ​ນີ້​ຕ້ອງຍຸດຕິ​ລົງ ​ແລະ​ເພື່ອ​ຍຸດຕິ​ມັນ​ລົງ​ນັ້ນ​ ພວກ​ເຮົາຕ້ອງມີ​ການ​ປ່ຽນ​ແປງ. ຈະ​ມີ​ຄົນບອກ​ພວກ​ເຮົາວ່າ ສາ​ເຫດ​ຂອງ​ຄວາມ​ຮຸນ​ແຮງ​ແບບ​ນັ້ນແມ່ນ​ສະ​ລັບ​ຊັບ​ຊ້ອນ ​ແລະ​ນັ້ນ​ກໍ​ແມ່ນ​ຄວາມ​ຈິງ. ບໍ່​ມີ​ກົດໝາຍ​ຂໍ້ດຽວ ບໍ່​ມີກົດໝາຍ​ເປັນຊຸດ​ ທີ່ຈະ​ສາມາດ​ກໍາຈັດຜີ​ສາດ​ໄປຈາກ​ໂລກ​ນີ້​ ​ໄດ້ ​ແລະ​ປ້ອງກັນ​ທຸກໆ​ການກະ​ທໍາ​ຂອງ​ຄວາມ​ຮຸນ​ແຮງ ຢູ່​ໃນ​ສັງຄົມ ຂອງ​ພວກ​ເຮົາ. ​ແຕ່ວ່າ ນັ້ນບໍ່ແມ່ນ​ຂໍ້​ອ້າງ ທີ່​ພວກ​ເຮົາຈະ​ບໍ່​ເຮັດ​ຫຍັງ ​ເພື່ອ​ແກ້​ໄຂມັນ.”



​ກ່ອນ​ໜ້າ​ນັ້ນ ປະທານາທິບໍດີ​ໂອ​ບາ​ມາ ​ໄດ້​ພົບປະເປັນ​ການ​ສ່ວນ​ໂຕ ກັບບັນດາສະມາຊິກ​ຂອງ​ຄອບ​ຄົວ ທີ່​ໄດ້​ສູນ​ເສຍຄົນ​ຮັກ​ຄົນ​ແພງ​ ຢູ່ທີ່​ໂຮງຮຽນປະຖົມ Sandy Hook ​ແລະ​ກ່າວ​ຂອບ​ໃຈ​ຕໍ່​ບັນດາ​ເຈົ້າ​ໜ້າ​ທີ່​ທີ່​ຟ້າວ​ຟັ່ງ​ໄປຮັບ​ມືກັບເຫດ​ຮ້າຍ​ດັ່ງກ່າວ.

​ລາຍ​ຊື່ຂອງ​ພວກ​ເຄາະ​ຮ້າຍ​ແມ່ນ​ມີ​ໂຮມ​ທັງ​ຊື່​ຂອງເດັກຍິງ 12 ຄົນ ​ແລະເດັກ​ຊາຍ 8 ຄົນທີ່
ຮຽນຢູ່​ຊັ້ນ​ແລະ​ຫ້ອງດຽວ​ກັນ ​ແລະ​ອາຍຸ 6 ຫາ 7 ປີ. ພວກ​ຜູ້​ໃຫຍ່​ທີ່​ເຄາະ​ຮ້າຍ​ນັ້ນ​ແມ່ນຜູ້ຍິງ
ໃນ​ນັ້ນ​ມີຮວມ​ທັງ ​ຄູ​ໃຫຍ່​ຂອງ​ໂຮງຮຽນ ທ່ານ​ນາງ Dawn Hochsprung ທີ່ລາຍ​ງານ​ເວົ້າ​ວ່າ
ພະຍາຍາມ​ຈະ​ຍັບ​ຢັ້ງມື​ປືນ ​ແລະ ຄູ​ສອນ Victoria Sota ທີ່ ໄດ້​ຮັບ​ຊື່​ສຽງ​ວ່າ ​ໄດ້ຊ່ວຍຊີວິດ
ນັກຮຽນຂອງລາວ​ຈໍາ​ນວນ​ນຶ່ງ​ໄວ້​ ​ໂດຍ​ເອົາ​ໂຕ​ຂອງ​ລາວ​ໄປກັ້ນ​ ຢູ່​ລ​ະຫວ່າງ​ກາງພວກ​ເດັກ
ນ້ອຍ​ແລະມື​ປືນ.

ເບິ່ງວີດິໂອກ່ຽວກັບພິທີໄວ້ອາໄລ:
Obama Consoles Grief-Stricken Connecticut Town
please wait

No media source currently available

0:00 0:02:21 0:00
ລິງໂດຍກົງ
XS
SM
MD
LG