ສະພາສູງສະຫະລັດໄດ້ປະຕິເສດຕໍ່ແຜນການຂອງປະທານາທິບໍດີ ບາຣັກໂອບາມາ ເພື່ອ
ຈະສ້າງໜ້າວຽກຂຶ້ນໃໝ່ຫລາຍລ້ານໜ້າວຽກ ໂດຍຜ່ານໂຄງການຕ່າງໆຂອງລັດຖະບານ
ແລະຍົກເວ້ນພາສີໃຫ້ແກ່ທຸລະກິດນັ້ນ.
ການລົງມະຕິກັນໃນວັນອັງຄານວານນີ້ ເປັນການລົງມະຕິໃນຫລັກການ ທີ່ຮຽກໃຫ້ມີ
ຂຶ້ນໂດຍພວກສະມາຊິກສັງກັດພັກເດໂມແກຣັດຊຶ່ງຢາກເຫັນວ່າຮ່າງຍັດຕິດັ່ງກ່າວຈະສາ
ມາດນໍາມາສະເໜີຕໍ່ສະພາສູງໄດ້ຫລືບໍ່ເພື່ອໃຫ້ມີການໂຕ້ວາທີກັນໄດ້ຢ່າງເຕັມທີ່ ແລະມີ
ການພິຈາລະນາກັນບັ້ນສຸດທ້າຍນັ້ນ.
ໃນຕອນເຊົ້າວັນອັງຄານວານນີ້ ທ່ານໂອບາມາຮຽກຮ້ອງໃຫ້ພວກສະມາຊິກສະພານິຕິ
ບັນຍັດໃຫ້ຖືເອົາເລື້ອງປະເທດສຳຄັນກ່ອນເລື້ອງພັກການເມືອງ ແລະໃຫ້ຮັບຜ່ານຮ່າງ
ຍັດຕິສ້າງໜ້າວຽກດັ່ງກ່າວໃນວົງເງິນ 447 ຕື້ໂດລານັ້ນ. ທ່ານໂອບາມາກ່າວວ່າ ພວກ
ຝ່າຍຄ້ານສັງກັດພັກ Republican ຈະມີຄວາມຫຍຸ້ງຍາກຫລາຍ ທີ່ຈະອະທິບາຍເລື້ອງ
ນີ້ຕໍ່ປະຊາຊົນວ່າ ເປັນຫຍັງພວກເຂົ້າເຈົ້າຈຶ່ງຄັດຄ້ານຕໍ່ຮ່າງຍັດຕິສະບັບນີ້.
ໃນຂະນະທີ່ການເສດຖະກິດກໍາລັງຄືບໜ້າເລັກນ້ອຍ ແລະອັດຕາຄົນຫວ່າງງານຢູ່ໃນລະ
ດັບປະມານ 9 ເປີເຊັນນີ້ ທ່ານໂອບາມາກ່າວວ່າ ຮ່າງຍັດຕິດັ່ງກ່າວ ຈະພາໃຫ້ມີການຈ້າງ
ພວກນາຍຄູ ຕໍາຫລວດແລະພະນັກງານກໍ່ສ້າງຫລາຍພັນຄົນຄືນອີກ. ທ່ານໂອບາມາກ່າວ
ຕໍ່ໄປວ່າ ພາສີສໍາລັບພວກພະນັກງານແລະທຸລະກິດຂະໜາດນ້ອຍຈະຖືກຕັດລົງ.
ແຕ່ພວກຝ່າຍຄ້ານກ່າວວ່າ ແຜນການຂອງປະທານາທິບໍດີສໍາລັບເສຍຄ່າໃຊ້ຈ່າຍດັ່ງກ່າວ
ຈະໄດ້ມາຈາກການຂຶ້ນພາສີສໍາລັບພວກຄົນຮັ່ງມີ ຊຶ່ງພວກຄັດຄ້ານເຫລົ່ານີ້ກ່າວວ່າ ມັນ
ຈະສ້າງຄວາມເສຍຫາຍຕໍ່ການ ລົງທຶນແລະການເຕີບໂຕດ້ານເສດຖະກິດ. ນອກນັ້ນ
ພວກຄັດຄ້ານເຫລົ່ານນີ້ຍັງໂຕ້ແຍ້ງວ່່າ ແຜນການກະຕຸກຊຸກຍູ້ເສດຖະກິດໃນວົງເງິນ
825 ຕື້ໂດລາຂອງປະທານາທິບໍດີກ່ອນໜ້ານັ້ນ ໄດ້ປະສົບກັບຄວາມລົ້ມແຫລວ.
ເບິ່ງວີດີໂອ ລາຍງານກ່ຽວກັບທ່ານໂອບາມາ ຮຽກຮ້ອງໃຫ້ສະພາຮັບຜ່ານຮ່າງ
ກົດໝາຍຂອງທ່ານ:
