ລິ້ງ ສຳຫລັບເຂົ້າຫາ

logo-print

ປ. ໂອບາມາ ຂໍຮ້ອງໃຫ້ໂລກ ສົມທົບກັບ ສຫລ ໃນການຕໍ່ສູ້ ກັບກຸ່ມກໍ່ການຮ້າຍ ລັດອິສລາມ


ປະທານາທິບໍດີໂອບາມາ ຂໍຮ້ອງໃຫ້ໂລກ ສົມທົບກັບສະຫະລັດ ໃນການຕໍ່ສູ້ກັບ ກຸ່ມກໍ່ການຮ້າຍ ລັດອິສລາມ ໃນຄຳປາໄສຕໍ່ ກອງປະຊຸມສະມັດຊາໃຫຍ່ ສະຫະປະຊາຊາດ, ວັນທີ 24 ກັນຍາ 2014.

ເມື່ອ​ວັນ​ພຸດ​ທີ່​ຜ່ານ​ມາ​ນີ້ ປະທານາທິບໍດີ​ສະຫະລັດ ທ່ານ Barack
Obama ​ໄດ້​ຮ້ອງ​ຂໍ​ໂລກ ​ໃຫ້ “ຮ່ວມ​ທຳ​ງານ​ກັບ​ທ່ານ ໃນ​ຄວາມ
​ພະຍາຍາມ​ເພື່ອ​ສ້າງ​ຄວາມ​ເສື່ອ​ມ​ເສຍ ​ແລະ​ໃນ​ທີ່​ສຸດ​ກໍ​ທຳລາຍ​
ໃຫ້​ດັບ​ສູນ” ພວກ​ກໍ່​ການ​ຮ້າຍ ລັດ​ອິສລາມ ທີ່​ໄດ້​ເຂົ້າ​ຄອບ​ຄອງ​
ຫລາຍໆ​ເຂດ ອັນ​ກ້ວາງ​ໃຫຍ່ ຢູ່​ໃນ​ຊີ​ເຣຍກັບ​ອີຣັກນັ້ນ. ດາ​ຣາມີ
​ລາຍ​ງານ​ມາສະ​ເໜີທ່ານ ຈາກ​ຫ້ອງ​ຂ່າວ​ຂອງ​ວີ​ໂອ​ເອ.

​ໃນ​ຄຳ​ປາ​ໄສ​ຕໍ່​ສະມັດຊາ​ໃຫຍ່​ສະຫະ​ປະຊາ​ຊາດ ທີ່​ນະຄອນ
​ນິວຢອກ ເມື່ອ​ວັນ​ພຸດ​ຜ່ານ​ມາ​ນັ້ນ ທ່ານ​ໂອ​ບາມາ​ໄດ້​ເນ້ນ​ເຖິງ
​ຄວາມ​ສຳຄັນ ​ໃນ​ການ​ກໍ່ສ້າງ​ແນວ​ໂຮມ​ພັນທະ​ມິດ​ນາໆ​ຊາດ
​ເພື່ອ​ຕໍ່ສູ້​ກັບ​ກຸ່ມ​ທີ່​ໄດ້​ເຂົ້າ​ຍຶດ​ເອົາ​ພື້ນ​ທີ່​ອັນ​ກ້ວາງ​ໃຫຍ່ ​ໃນ​ຊີ​ເຣຍກັບ​ອີຣັກນັ້ນ. (ຄະ​ລິກ
ເພື່ອ​ອ່ານ​ຄຳປາ​ໄສ​ໂດຍ​ເຕັມ​ເປັນ​ພາສາ​ອັງ​ກິດ full text of speech here).

ທ່ານໂອ​ບາ​ມາ​ກ່າວ​ວ່າ “ກຸ່ມ​ນີ້​ໄດ້​ຄຸກ​ຄາມ​ສ້າງ​ຄວາມ​ຢ້ານ​ກົວ​ໃຫ້​ທຸກໆ​ຄົນ ທີ່​ພວກ​ເຂົາ
ໄດ້​ພົບ​ພໍ້​ຢູ່​ໃນ​ອີຣັກ​ແລະ​ຊີ​ເຣຍ. ​ແມ່ ​ເອື້​ອຍນ້ອງ ​ແລະ​
ລູກ​ສາວ ​ໄດ້​ຕົກ​ເປັນ​ເຫຍື່ອ​ຂອງ
ການ​ຂົ່ມ​ຂືນຊຳ​ເລົາ ທີ່​ພວກ​ເຂົາ​ໃຊ້​ເປັນ​ອາວຸດ​ສົງຄາ​ມ. ​ເດັກນ້ອຍ​ຜູ້​ບໍລິສຸດ​ໄດ້​ຖືກ​ຍິງ
ຕາຍ. ສົບ​ຈຳນວນ​ຫລວງ​ຫລາຍ​ໄດ້​ຖືກ​ຖິ້ມ​ລົງ​ຂຸມຝັງ​ສົບ​ໝູ່. ພວກ​ສະມາ​ຊິກ​ສາສະໜາ
ກຸ່ມ​ນ້ອຍ ໄດ້​ຖືກປ່ອຍ​ໃຫ້​ອືດ​ຫິວ​ຕາຍ. ​ໃນ​ການ​ກໍ່​ອາ​ຊະ​ຍາ​ກຳ​ທີ່​ໜ້າຢ້ານກົວ​ທີ່​ສຸດນັ້ນ ປະຊາຊົນ​ຜູ້​ບໍລິສຸດ​ໄດ້​ຖືກ​ຕັດ​ຫົວ ​ແລະ​ວີ​ດີ​ໂອ​ສະ​ແດງ​ຄວາມ​ໂຫດຮ້າຍ​ປ່າ​ເຖື່ອນ​ອັນ​ນີ້ ​ໄດ້ຖືກ​ນຳ​ອອກ​ເຜີຍ​ແຜ່​ໄປ​ທົ່ວ​ໂລກ​ເພື່ອ​ສັ່ນສະ​ເທືອ​ນຈິດ​ສຳນຶກ​ຂອງ​ໂລກ.”

ທ່າ​ນ​ໂອ​ບາ​ມາ​ກ່າວ​ຕໍ່​ໄປ​ວ່າ “​ໃນ​ຄວາມ​ພະຍາຍາມ​ອັນ​ນີ້ ພວກ​ເຮົາບໍ່​ໄດ້​ເຄື່ອນ​ໄຫວ​ຕາ​ມ
ລຳພັງ. ​ແລະ​ພວກ​ເຮົາ​ກໍ​ບໍ່​ໄດ້​ມີ​ເຈດ​ຕະນາ ທີ່​ຈະສົ່ງທະຫານ​ຂອງ​ເຮົາ ​ເຂົ້າ​ໄປ​ຄອບ​ຄອງ​ດິນແດນ​ຂອງ​ຕ່າງປະ​ເທດ” ​ໂດຍ​ໃຫ້​ຂໍ້​ສັງ​ເກດ​ວ່າ ມີຫລາຍກ່ວາ 40 ປະ​ເທດໄດ້​ສະ​ເໜີ​ທີ່
ຈະ​ເຂົ້າຮ່ວມ​ໃນຄວາມ​ພະຍາຍາມ ​ທີ່​ສະຫະລັດ​ເປັນ​ຜູ້ນຳ​ພາ ​ເພື່ອ​ທຳ​ການ​ໂຈມຕີທາງ​ອາ
ກາດ ຕໍ່​ທີ່​ໝັ້ນ​ຂອງ​ພວກ​ກໍ່​ການ​ຮ້າ​ຍ ຢູ່​ໃນ​ຊີ​ເຣຍ​ແລະອີຣັກນັ້ນ.

ສະຫະລັດແລະພັນທະມິດ ໂຈມຕີໂຮງງານກັ່ນນ້ຳມັນ ທີ່ພວກ IS ຍຶດໄດ້:

ທ່ານ​ກ່າວ​ວ່າ “ພວກ​ເຮົາ​ຈະ​ເຝິກ​ແອ​ບ​ແລະ​ສະໜອງ​ອຸບປະກອນ​ໃຫ້​ແກ່ບັນດາ​ກຳລັງ ທີ່ຕໍ່ສູ້
​ກັບ​ພວກ​ກໍ່​ການ​ຮ້າ​ບ​ເຫລົ່າ​ນີ້​ຢູ່​ທາງ​ພາກ​ພື້ນ​ດິນ. ພວກ​ເຮົາ​ຈະ​ປະຕິບັດ​ການ​ເພື່ອ​ຕັດ​ທຶນ
ຮອນ​ຂອງ​ພວກ​ເຂົາ ​ແລະ​ຍຸດຕິ​ ການຫລັ່ງ​ໄຫລ ​ເຂົ້າ​ອອກ​ຂົງ​ເຂດນັ້ນ ຂອງພວກ​ນັກ​ລົບ​.”

ໃນ​ຄຳ​ປາ​ໄສ​ທີ່​ວາງ​ອອກ​ຊຶ່ງ​ວິ​ໄສ​ທັດ​ອັນ​ກ້ວາງ​ໄກ ຂອງ​ການ​ນຳພາ​ຂອງ​ອາ​ເມຣິກາ​ຢູ່​ໃນ
ໂລກທີ່​ມີ​ການ​ປ່ຽນ​ແປງ​ໄປ​ເລື້ອຍໆນັ້ນ ທ່ານ​ປະທານາທິບໍດີ​ຍັງ​ໄດ້​ເນ້ນ​ໜັກ ​ເຖິງຄວາມພະ
ຍາຍາມ​ຂອງ​ສະຫະລັດ​ໃນດ້ານ​ອື່ນ​ໆ ທີ່ທ່ານ​ເຫັນ​ວ່າມີ​ການ​ເຄື່ອນ​ໄຫວ​ຫລາຍ​ຂຶ້ນ​ໃນ​ບັນ
ດາພັນທະ​ມິດ. ​ໃນ​ນັ້ນ ກໍ​ມີ​ການ​ຄວບ​ຄຸມ​ການລະບາດ​ຂອງ​ອີ​ໂບລາ ການ​ຍຶດໝັ້ນ​ຕໍ່​ການ
ລົງໂທດຣັດ​ເຊຍ​ຕໍ່​ໄປ ​ໃນ​ຂະ​ນະ​ທີ່​ສະໜັບສະໜຸນຄວາມ​ພະຍາ​ຍາມ ​ເພື່ອຮັກສາ​ການ​ຢຸດ
ຍິງຢູ່​ໃນພາກ​ຕາ​ເວັນ​ອອກ​ຂອງ​ຢູ​ເຄຣນ​ໃຫ້​ດຳ​ເນີນ​ຕໍ່​ໄປ ​ແລະຈັດ​ຕັ້ງ​ປະຕິບັດ​ວິ​ໄສ​ທັດ​ອັນ
ກ້ວາງ​ໄກ​ຂອງ​ນາໆຊາດ ກ່ຽວ​ກັບ​ການ​ຕໍ່ສູ້​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ. ທ່ານ
​ໂອ​ບາ​ມາ​ກ່າວ​ວ່າ:

“ບັນຫາ​ເຫລົ່າ​ນີ້​ແຕ່ລະ​ຢ່າງ​ ແມ່ນຮຽກ​ຮ້ອງ​ຄວາມ​ເອົາ​ໃຈ​ໃສ່​ຢ່າງ​ຮີບ​ດ່ວນ. ​ແຕ່​ວ່າ
ນອກ​ນັ້ນ​ແລ້ວ ມັນ​ຍັງ​ເປັນອາການ​ຂອງບັນຫາ​ໃນ​ວົງ​ກວ້າງ​ກ່ວາ ນັ້ນ​ກໍ​ຄື​ຄວາມ​ລົ້ມ
ແຫລວ​ຂອງ​ລະບົບ​ສາກົນ ​ໃນ​ການ​ກ້າວ​ເດີນ​ໃຫ້​ທັນ​ກັບ​ໂລກ​ທີ່​ເຊື່ອມ​ຕໍ່​ໃສ່​ກັນ.”

ວີດີໂອ: ທ່ານໂອບາມາຮຽກຮ້ອງໃຫ້ໂລກ ເຄື່ອນໄຫວກ່ຽວກັບດິນຟ້າອາກາດ:

ທ່ານ​ໂອ​ບາ​ມາ​ກ່າວ​ຕໍ່​ໄປ​ວ່າ “ພວກ​ເຮົາ​ບໍ່​ໄດ້​ທຳ​ການ​ລົງທຶນ​ຢ່າງ​ພຽງພໍ ​ໃສ່​ຄວາມ​ສາມາດ
ໃນ​ດ້ານ​ສາທາລະນະ​ສຸກ ຂອງ​ບັນດາ​ປະ​ເທ​ດພວມພັດທະນາ. ມີ​ຢູ່​ເລື້ອຍ​ເກີນ​ໄປ ທີ່​ພວກ
ເຮົາ​ບໍ່​ໄດ້​ບັງຄັບ​ໃຊ້​ບັນທັດຖານ​ລະຫວ່າງ​ປະ​ເທດ ​ເວລາໃດ​ທີ່​ມັນ​ບໍ່​ສະດວກ​ທີ່​ຈະ​ເຮັດ​ເຊັ່ນ
ນັ້ນ. ​ແລະ​ພວກ​ເຮົາ​ກໍ​ບໍ່​ໄດ້ປະ​ເຊີນ​ໜ້າ​ຢ່າງ​ແຂງ​ແຮງ​ພໍ ກັບຄວາມ​ບໍ່​ຍອມຮັບ ຄວາມ​ຂັດ
ແຍ້​ງລະຫວ່າງ​ນິກາຍ ​ແລະ​ຄວາມ​ສີ້​ນຫວັງ ທີ່​ຫລໍ່ລ້ຽງ​ລັດທິ​ຮຸນ​ແຮງ​ຈັດ ຢູ່​ໃນ​ຫລາຍ​ເຂດ
ເກີນ​ໄປ​ຂອງ​ໂລກ.”

ທ່ານ Obama ມີ​ຄຳເວົ້າທີ່ແຮງ ກ່ຽວ​ກັບຣັດ​ເຊຍ. ທ່ານ​ກ່າວ​ວ່າ “ການ​ກະທຳ​ຂອງຣັດ​ເຊຍ
ໃນ​ຢູ​ເຄຣນ ​ແມ່ນ​ທ້າ​ທາຍ​ລະບົບ​ຫລັງ​ສົງຄາມນີ້ ຊຶ່ງ​ທ່ານ​ໄດ້​ອ້າງ​ເຖິງ​ການ​ຍຶດ​ເອົາໄຄຣ
ເມຍໂດຍຣັດ​ເຊຍ​ໃນ​ເດືອນ​ກຸມພາ ທີ່​ຕິດຕາມ​ມາ​ດ້ວຍ​ການ​ຈັດ​ສົ່ງ​ອາວຸດ​ຂອງ​ຣັດ​ເຊຍໄປ
​ຍັງ​ພາກ​ຕາ​ເວັນ​ອອກ​ຂອງ​ຢູ​ເຄຣນ ບ່ອນ​ທີ່​ການ​ຂັດ​ແຍ້​ງກັນຢ່າງຮຸນ​ແຮງ ​ກ່ຽວ​ກັບ​ເລື້ອງ
ແບ່ງ​ແຍກ​ດິນ​ແດນ ​ໄດ້​ສັງຫານ​ຫລາຍ​ພັນ​ຄົນ.

ວີດີໂອ: ທ່ານໂອບາມາ ກ່າວຄຳປາໄສ ຕໍ່ສະມັດຊາໃຫຍ່ ສະຫະປະຊາຊາດ:

ທ່ານ​ກ່າວ​ອີກ​ວ່າ “ຕອນ​ທີ່​ເຮືອບິນ​ໂດຍສານ​ພົນລະ​ເຮືອນ​ລຳ​ນຶ່ງ​ຖືກ​ຍິງ​ຕົກ ຈາກ​ເຂດ​ທີ່
ພວກ​ຕົວ​ແທນ​ເຫລົ່າ​ນັ້ນຂອງຣັດ​ເຊຍ​ຄວບ​ຄຸມ​ຢູ່ ພວກ​ເຂົາກໍ​ບໍ່​ຍອມໃຫ້​ເຂົ້າ​ໄປ​ຍັງ​ເຂດ
​ຍົນ​ຕົກ ​ເປັນ​ເວລາ​ຫລາຍ​ມື້. ​ແລະ​ພໍ​ຢູ​ເຄຣນ​ເລີ້ມ​ຢືນ​ຢັດ​ອຳນາດ​ຄວບ​ຄຸມເໜືອ​ດິນ​ແດນ
ຂອງ​ຕົນ ຣັດ​ເຊຍ​ກໍ​ເລີກ​ລົ້ມ​ການ​ທຳທ່າ​ວ່າ ຕົນ​ພຽງ​ແຕ່​ສະໜັບສະໜຸນ​ພວກ​ຢາກ​ແບ່ງ
​ແຍກດິນ​ແດນ​ເທົ່າ​ນັ້ນ ​ແລ້ວ​ກໍ​ສົ່ງ​ທະຫານ​ຂ້າມ​ຊາຍ​ແດນ​ເຂົ້າ​ໄປ. ອັນ​ນີ້​ແມ່ນ​ວິ​ໄສ​ທັດ​
ຂອງ​ໂລກທີ່​ຖື​ວ່າ ​ແສນ​ຍານຸພາບ​ເຮັດ​ຫຍັງ​ກໍ​ຖືກຕ້ອງ ກໍ​ຄື​ໂລກ​ນຶ່ງ​ບ່ອນ​ທີ່​ ປະ​ເທດ​ນຶ່ງ
ສາມາດ​ທີ່​ຈະ​ແຕ້ມ​ເສ້ນ​ຊາຍ​ແດນ​ຂອງ​ອີກ​ປະ​ເທດ​ນຶ່ງ​ໄດ້ ​ແລະ​ປະຊາຊົນ​ທີ່​ສີວິ​ໄລ​ບໍ່​ໄດ້
​ຮັບ​ອະນຸຍາດ​ໃຫ້​ໄປ​ເກັບ​ກູ້ ​ເອົາ​ສົບ​ຂອງ​ຜູ້​ທີ່​ເປັນ​ທີ່​ຮັກ​ຂອງ​ຕົນ​ໄດ້ ຍ້ອນ​ຢ້ານ​ວ່າຄວາມ​
ຈິງ​ຈະ​ຖືກ​ເປີດ​ເຜີຍ​ອອກ​ມາ.” ພ້ອມ​ດຽວ​ກັນ ປະທາ​ນາ​ທິບໍດີ​ໂອ​ບາ​ມາ​ໄດ້​ປະຕິຍານ ທີ່
​ຈະ​ໃຫ້ການ​ສະໜັບສະໜຸນ​ຂອງ​ສະຫະລັດ​ແກ່​ຢູ​ເຄຣນ ​ແລະ​ເສີ​ມກຳລັງ​ໃຫ້​ແກ່​ພັນທະ​
ມິດ​ເນ​ໂຕ້. ທ່ານ​ໂອ​ບາ​ມາ​ເວົ້າ​ວ່າ:

“ອາ​ເມຣິກາ​ແມ່ນ​ເປັນ​ໂຕ​ແທນ​ຂອງ​ສິ່ງ​ນຶ່ງ​ທີ່​ແຕກ​ຕ່າງ​ໄປ. ພວກ​ເຮົາ​ເຊື່ອ​ວ່າ ການ
ກະທຳ​
ສິ່ງ​ທີ່​ຖືກຕ້ອງ ແມ່ນ​ເຮັດ​ໃຫ້​ມີ​ແສນ​ຍານຸພາບ ​ແລະ​ເຊື່ອ​ວ່າ​ພວກປະ​ເທດ​ທີ່​
ໃຫຍ່​ກ່ວາ ບໍ່​ຄວນ​ຖືກ​ປ່ອຍ​ ໃຫ້​ຂົ່ມຂູ່​ປະ​ເທດ​ທີ່​ນ້ອຍ​ກ່ວາ ​ແລະ​ເຊື່ອ​ວ່າ ປະ​ຊາຊົນ​
ຄວນ​ສາມາດ​ເລືອກ​ເອົາ​ອະນາຄົ​ດຂອງ​ຕົນ​ເອງ.”

​ພ້ອມກັນ​ນີ້ ​ປະທານາທິບໍດີ​ ໂອ​ບາມາ ​ໄດ້​ຮຽກຮ້ອງໃຫ້​ມີ​ການ​ເອົາ​ບາດ​ກ້າວ​ຢ່າງ​ເປັນ​ຮູບ
ປະ​ທຳ ​ເພື່ອ​ຕໍ່ສູ້​ກັບ​ເຊື້ອ​ໄວຣັສອີ​ໂບລາ ​ໃນ​ອາ​ຟຣິກາ​ຕາ​ເວັນ​ຕົກ ຊຶ່ງສະຫະລັດ​ກໍໄດ້​ປະ
ກອບ​ສວ່ນ ​ມາ​ແລ້ວ. ທ່ານ​ໂອ​ບາ​ມາ​ກ່າວ​ວ່າ:

​“​ໃນ​ຂະນະ​ທີ່​ພວກ​ເຮົາ​ກຳລັງ​ເວົ້າ​ຢູ່​ນີ້ ອາ​ເມຣິກາ​ກໍ​ກຳລັງ​ຈັດ​ສົ່ງພວກ​ນາຍ​ແພດ​ ​ແລະ​ນັກວິທະຍາສາດຂອງ​ພວກເຮົາ ​ໂດຍ​ການ​ສະໜັບສະໜຸນ​ຂອງ​ກອງທັບ​ຂອງ​ພວກ​ເຮົາ
ໄປ​ຊ່ວຍ​ຄວບ​ຄຸມ​ການລະບາດຂອງອີ​ໂບລາ ​ແລະ​ຊອກ​ຫາ​ວິທີ​ການ​ປິ່ນປົວ​ແບບ​ໃໝ່.
ແຕ່​ພວກ​ເຮົາ ຕ້ອງດຳ​ເນີນຄວາມ​ພະຍາຍາມ​ໃນ​ວົງ​ກ້ວາງຂຶ້ນ ​ເພື່ອ​ຢຸດ​ພະ​ຍາດ​ທີ່ອາດ
ສາມາດ​ສັງຫານ​ຄົນ​ໄດ້​ຫລາຍ​ຮ້ອຍ​ພັນຄົນ ສ້າງ​ຄວາມທຸກ​ທໍລະມານ​ຢ່າງ​ແສນ​ສາ​ຫັດ
ເຮັດ​ໃຫ້​ເສດຖະກິດຂາດ​ຄວາມ​ໝັ້ນຄົງ ​ແລະ ຂ້າມ​ຊາຍແດນ​ໄປ​ໄດ້​ຢ່າງ​ວ່ອງ​ໄວ.”

ວີດີໂອ: ໄລບີເຣຍຮີບຮ້ອນ ເອົາສົບໄປຖິ້ມ ເພື່ອຄວບຄຸມເຊື້ອອີໂບລາ:

​ທ່ານກ່າວຕໍ່​ໄປ​ວ່າ ສະຫະລັດ​ຈະ​ສືບ​ຕໍ່ລະດົມ​ເອົາ​ປະ​ເທດ​ອື່ນ​ໆ​ອີກ ​ໃຫ້​ເຂົ້າ​ມາ​ຊ່ວຍ​ເຫລືອ
ໃນ​ຄວາມ​ພະຍາຍາມ​ເພື່ອ​ຍັບ​ຍັ້ງ ການລະບາດ​ຂອງ​ອີ​ໂບລາ ​ແລະ “​ຍົກລະດັບ​ຄວາມ​ໝັ້ນ
ຄົງທາງ​ສຸຂະພາບ​ຂອງ​ໂລກ ​ໃນ​ໄລຍະ​ຍາວ.

ທ່ານ​ໂອບ​າມາ​ໄດ້​ມີ​ຄວາມ​ເຫັນ​ຕ່າງໆ​ເຫລົ່າ​ນີ້ ລຸນ​ຫລັງ​ທີ່​ສູນ​ກາງ​ຄວບ​ຄຸມ​ແລະ​ປ້ອງ​ກັນ​ພະຍາດ​ ຫລື CDC ຂອງ​ສະຫະລັດ ​ໄດ້​ອອກ​ລາຍ​ງານ​ສະບັບ​ໃໝ່ໃນ​ມື້ວັນ​ອັງຄານ ທີ່ເວົ້າ
ວ່າ ເຊື້ອ​ອີ​ໂບລາອາດ​ສາມາດ​ຕິດ​ແປດ​ ປະຊາຊົນ​ໃນ​ລະຫວ່າງ 550,000 ​ຫາ 1 ລ້ານ 4
ແສນ​ຄົນ ​ໃນ​ອາ​ຟຣິກາ​ຕາ​ເວັນ​ຕົກ​ໄດ້ ພາຍ​ໃນວັນ​ທີ​ 20 ​ເດືອນ​ມັງກອນ 2015.

ນອກຈາກ​ບັນຫາ​ສຳຄັນ​ເຫລົ່າ​ນີ້​ແລ້ວ ທ່ານ​ໂອ​ບາ​ມາ​ຍັງ​ໄດ້​ກ່າວ​ເຖິງ​ນະ​ໂຍບາຍ​ຂອງ
ສະຫະລັດ ກ່ຽວ​ກັບເລື້ອງ​ໂຄງການ​ນິວ​ເຄລຍຂອງອິຣ່ານ ຊື່​ງທ່ານ​ເວົ້າ​ວ່າ “ອາ​ເມຣິກາ
​ແມ່ນ​ສະ​ແຫວ​ງຫາ​ວິທີ​ແກ້​ໄຂ​ໃນ​ທາງ​ການ​ທູດ ຕໍ່​ບັນຫາ​ນິວ​ເຄລຍຂອງ​ອິຣ່ານນັ້ນ ອັນ​ເປັນ​ພາກສ່ວນ​ນຶ່ງ​ຂອງ​ຄວາມ​ໝາຍ​ໝັ້ນ​ຂອງ​ພວກ​ເຮົາ ທີ່​ຈະ​ຢຸດ​ຢັ້ງ​ການ​ແຜ່​ຜາຍ​ອາວຸດນິວ
ເຄລຍ ​ແລະສະ​ແຫວ​ງຫາ​ສັນຕິພາບ ​ແລະ​ຄວາມ​ໝັ້ນຄົງ​ຂອງ​ໂລກ ​ທີ່​ປາດ​ສະ​ຈາກ​ອາວຸດ
ນິວ​ເຄລຍ.”

ການເຈລະຈາເລື້ອງນິວເຄລຍຂອງອິຣ່ານ ໄດ້ມາເຖິງຈຸດຫົວລ້ຽວຫົວຕໍ່:

ທ່ານ​ໂອ​ບາ​ມາ​ໄດ້​ກ່າວ​ເຊັ່ນ​ກັນ​ວ່າ ທ່ານ​ຍັງ​ມຸ້ງ​ໝັ້ນ​ຕໍ່​ນະ​ໂຍບາຍ ​ຫັນ​ໄປ​ສ້າງ​ຄວາມ​ກ້ຳ​
ເກິ່ງກັນ ​ຄືນ​ໃໝ່​ຢູ່​ໃນ​ເອ​ເຊ​ຍນັ້ນ. ປະທານາທິບໍດີ ໂອບາມາ ກ່າວ​ວ່າ:

“ອາ​ເມຣິກາ​ເປັນ​ແລະ​ກໍ​ຈະ​ສືບ​ຕໍ່ ​ເປັນອຳນາດ​ນຶ່ງ​ຂອງ​ຂົງ​ເຂດ​ປາຊີ​ຟິກຕໍ່​ໄປ ​ແລະ
ກໍ​ຈະ​ສົ່ງ​ເສີມ​ສັນຕິພາບ ສະຖຽນລະ​ພາບ​ ແລະ​ການ​ຫລັ່ງ​ໄຫລຢ່າງ​ເສລີ​ຂອງ​ການ
ຄ້າຂາຍ ​ໃ​ນລະຫວ່າງບັນດາ​ປະ​ເທດ ​ແຕ່​ວ່າ​ພວກ​ເຮົາ​ຈະ​ຢືນ​ຢັດ​ໃຫ້ ໝົດ​ທຸກ​ປະ
ເທດປະຕິບັດຕາມ​ກົດ​ຂອງ​ຖະໜົນ ​ແລະ​ແກ້​ໄຂ​ຂໍ້​ຂັດ​ແຍ້​ງກັນ​ດ້ານ​ດິນ​ແດນຂອງ ​
ເຂົາ​ເຈົ້າ ຢ່າງ​ສັນຕິ ​ແລະ​ສອດຄ່ອງ​ກັບ​ກົດໝາຍ​ສາກົນ.”

ລາຍການວິເຄາະ ນະໂຍບາຍຫັນປ່ຽນ ໄປຍັງເອເຊຍຂອງສະຫະລັດ:

ON THE LINE: The Asia Pivot
please wait

No media source currently available

0:00 0:29:58 0:00

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG