ປະທານາທິບໍດີ ສະຫະລັດ ທ່ານ Barack Obama ກ່າວວ່າ
ລັດອິສລາມ ສາມາດທີ່ຈະເອົາຊະນະໄດ້ ຖ້າຫາກວ່າມີການຕົກ
ລົງດ້ານການເມືອງໃນ ຊີເຣຍ.
ທ່ານ Obama ກ່າວຢູ່ທີ່ກອງປະຊຸມ ເອເຊຍປາຊິຟິກ ໃນຟິລິບ
ປີນ. “ມັນຈະເປັນໜ້າວຽກຢູ່ຫລາຍປີ ແລະ ພວກເຮົາຈະບໍ່ມີຄວາມສາມາດປະສົບຜົນສຳເລັດໄດ້ຢ່າງເຕັມທີ່ໃນການລົບລ້າງທີ່ກົບດານຂອງເຂົາເຈົ້າຈົນກວ່າວ່າພວກເຮົາມີ ການຕົກລົງດ້ານການເມືອງບາງຢ່າງໃນ ຊີເຣຍ”
ທ່ານ Obama ຍັງໄດ້ອອກຄວາມເຫັນ ກ່ອນໜ້ານີ້ແລ້ວ ກ່ຽວກັບ
ທີ່ໃນບໍ່ຊ້ານີ້ເລື່ອງ ຊີເຣຍ ກໍຈະຖືກນຳຂຶ້ນມາໃນກອງປະຊຸມສັນຕິພາບໂລກ. ທ່ານໄດ້ກ່າວວ່າ ການສົນທະນາ ສາມາດບົ່ງຊີ້ກຸ່ມຝ່າຍຄ້ານ ທີ່ສາມາດເປັນພາກສ່ວນຂອງການມອບໂອນລັດຖະບານ ແລະຈັດຕັ້ງແບບແຜນເພື່ອການເລືອກຕັ້ງໃໝ່.
ທ່ານ Obama ໄດ້ກ່າວວ່າ “ແລ້ວນັ້ນ ມັນຍັງຈະລິເລີ້ມການຢຸດຍິງຊຶ່ງບໍ່ມີຜູ້ໃດໄດ້ສັງເກດເຫັນ ແຕ່ຢ່າງໜ້ອຍຈະສ້າງຊ່ອງນ້ອຍໆຂອງຄວາມສະຫງົບທີ່ຫວັງໃຫ້ເຕີບໂຕຂຶ້ນ ຕາມການເວລາ. ສິ່ງໜຶ່ງທີ່ແນ່ນອນຕໍ່ອານາຄົດ ຊີເຣຍ ບໍ່ສາມາດມີບ່ອນໃດໄວ້ໃຫ້ແກ່ປະທານາທິບໍດີ Bashar al-Assad.”
ມັນວາດພາບບໍ່ໄດ້ ທີ່ທ່ານຈະສາມາດຢຸດສົງຄາມກາງເມືອງຢູ່ທີ່ນັ້ນໄດ້ໃນບ່ອນຜູ້ຄົນສ່ວນ ໃຫຍ່ໃນ ຊີເຣຍ ເຫັນວ່າ ທ່ານເປັນພະເດັດການຂ້າຄົນຢ່າງທາລຸນ. ທ່ານບໍ່ສາມາດທີ່ຈະໄດ້ ຮັບຄວາມໄວ້ເນື້ອເຊື່ອໃຈຄືນຢ່າງຖືກຕ້ອງຊອບທຳອີກຕໍ່ໄປໄດ້.
ປະທານນາທິບໍດີ Obama ກ່າວວ່າ ຣັດເຊຍ ແລະ ອີຣ່ານ ຕ້ອງໄດ້ຕັດສິນໃຈຢ່າງມີຫຼັກການ ພວກເຂົາເຈົ້າຈະດຳເນີນຊຸກຍູ້ ທ່ານ Assad ຫລືວ່າ ປະຕິບັດງານຮວມກັບປະຊາຄົມນາໆຊາດ ເພື່ອປົກປ້ອງປະເທດ ຊີເຣຍ.
ທ່ານ Assad ໄດ້ກ່າວຕໍ່ໂທລະພາບ ລັດຖະບານອີຕາລີ ວ່າ ບໍ່ມີການສົນທະນາທີ່ຈະສິ້ນສຸດ ແລ້ວສົງຄາມທີ່ສາມາດເລີ້ມຂຶ້ນໄດ້ໃນຂະນະທີ່ ພວກກໍ່ການຮ້າຍຍັງຄວບຄຸມພາກສ່ວນຂອງ ຊີເຣຍ ຢູ່. ທ່ານໃຊ້ຄຳເວົ້າ “ພວກກໍ່ການຮ້າຍ” ຂຶ່ງທ່ານໝາຍເຖິງຝ່າຍຄ້ານທັງໝົດ ຈາກກຸ່ມປານກາງ ໄປຫາ ລັດອິສລາມຫົວຮຸນແຮງສຸດ.
ໃນວັນພະຫັດເຊັ່ນດຽວກັນ ຊາອຸດີອາຣາເບຍ ໄດ້ປະກາດວ່າ ຕົນຈະຈັດກອງປະຊຸມໃນເດືອນໜ້ານີ້ ເພື່ອພະຍາມຍາມເຕົ້າໂຮມບັນດາກຸ່ມຝ່າຍຄ້ານປານກາງຂອງ ຊີເຣຍ ກ່ອນໜ້າການເຈ ລະຈາສັນຕິພາບໂລກ. ແຕ່ບໍ່ໄດ້ໃຫ້ລາຍລະອຽດເພີ້ມເຕີມເທື່ອ.
