ປະທານາທິບໍດີສະຫະລັດ ທ່ານ Barack Obama ກ່າວວ່າ
ຜູ້ວ່າໜ້າທີ່ຮັກສາການແທນຫົວໜ້າຫ້ອງການເກັບພາສີ ຫຼື IRS
ຄົນປະຈຸບັນນີ້ ໄດ້ຖືກຮ້ອງຂໍໃຫ້ລາອອກ ຍ້ອນຂ່າວນອງນັນ
ທີ່ພົວພັນກັບການທີ່ທາງ IRS ໄດ້ເຈາະຈົງຈັບຜິດຢ່າງບໍ່ຖືກ
ຕ້ອງ ເລື້ອງການເສຍພາສີ ຂອງບັນດາກຸ່ມນິຍົມແນວທາງ
ເດີມ ຫລືນິຍົມພັກຣີພັບບລິກັນນັ້ນ.
ໃນການຖະແຫລງຢູ່ຫ້ອງຕາເວັນອອກຂອງທໍານຽບຂາວ
ຫຼື Eastroom ໃນວັນພຸດວານນີ້ ທ່ານ Obama ໄດ້ກ່າວວ່າ
ພຶດຕິກໍາດັ່ງກ່າວຂອງ IRS ແມ່ນເປັນເລື້ອງທີ່ “ອະໄພໃຫ້ບໍ່ໄດ້.”
ທ່ານປະທານາທິບໍດີຍັງກ່າວອີກວ່າ ທ່ານຈະບໍ່ປ່ອຍໃຫ້ການ
ປະພຶດແບບນີ້ ມີຂຶ້ນບໍ່ວ່າຢູ່ໃນກະຊວງທະບວງກົມໃດໆກໍຕາມ ຊຶ່ງທ່ານກ່າວຕໍ່ໄປວ່າ
ໂດຍສະເພາະຫ້ອງການ IRS ເມື່ອພິຈາລະນາເຖິງອໍານາດຂອງຫ້ອງການດັ່ງກ່າວ
ແລະຜົນກະທົບອັນກ້ວາງໄກຕໍ່ຊີວິດຂອງ ພວກເຮົາໝົດທຸກຄົນ. ທ່ານ Obama ກ່າວວ່າ
ລັດຖະມົນຕີກະຊວງການເງິນ ທ່ານ Jack Lew ໄດ້ຮ້ອງຂໍແລະກໍໄດ້ຮັບເອົາ ການລາ
ອອກຈາກຕໍາແໜ່ງຂອງ ທ່ານ Steven Miller ຫົວໜ້າພາງຂອງຫ້ອງການ IRS ແລ້ວ
ເພາະວ່າມັນສໍາຄັນຫລາຍທີ່ຈະຕ້ອງນໍາເອົາຜູ້ນໍາຄົນໃໝ່ເຂົ້າໄປ. ທ່ານ Miller ຈະພົ້ນ
ຈາກຕໍາແໜ່ງໃນເດືອນມິຖຸນາ ໜ້ານີ້.
ທ່ານ Obama ໄດ້ກ່າວອີກວ່າ ທ່ານຈະທໍາງານເພື່ອຄໍ້າປະກັນວ່າ ບັນຫາແບບນີ້ຈະບໍ່ເກີດ
ຂຶ້ນອີກ ແລະທ່ານຍັງໄດ້ກ່າວອີກວ່າ ທ່ານຈະທໍາງານກັບທາງລັດຖະສະພາ ໃນບົດບາດ
ຂອງຜູ້ຄວບຄຸມດູແລ.
ປະທານາທິບໍດີ Obama ໄດ້ສະແດງຄວາມເຫັນຂອງທ່ານ ໃນເວລາບໍ່ເທົ່າໃດຊົ່ວໂມງ
ຫຼັງຈາກທີ່ລັດຖະມົນຕີກະຊວງຍຸຕິທໍາ ທ່ານ Eric Holder ໄດ້ໃຫ້ການຕໍ່ລັດຖະສະພາ
ວ່າການສືບສວນສອບສວນຄະດີອາຍາກ່ຽວກັບຫ້ອງການ IRS ນີ້ ອາດສາມາດຮວມທັງ
ຂໍ້ຫາອື່ນໆນໍາ ເຊັ່ນເລື້ອງການ ລ່ວງລະເມີດສິດທິພົນລະເມືອງ ການທີ່ໃຫ້ຂໍ້ມູນເທັດ
ແລະການລະເມີດກົດ ໝາຍ Hatch Act ທີ່ຫ້າມລັດຖະກອນ ຫລືພະນັກງານລັດຖະບານ
ກາງ ເຂົ້າປະກອບສ່ວນໃນກິດຈະກໍາຕ່າງໆທີ່ ພົວພັນທາງການເມືອງຂອງພັກໃດພັກນຶ່ງນັ້ນ.
ທ່ານ Holder ໄດ້ສັ່ງໃຫ້ທໍາການສືບສວນສອບສວນເລື້ອງນີ້ ໃນອາທິດແລ້ວນີ້ ຫຼັງຈາກທີ່
ທາງ IRS ຍອມຮັບວ່າ ຕົນໄດ້ເຈາະຈົງທໍາການກວດສອບເປັນພິເສດ ກ່ຽວກັບເລື້ອງການ
ເສຍພາສີ ຂອງບັນດາກຸ່ມຈັດຕັ້ງທີ່ນິຍົມແນວທາງເດີມ ເວລາພວກກຸ່ມດັ່ງກ່າວຍືນໃບສະມັກ
ຂໍຍົກເວັ້ນພາສີນັ້ນ.
ຜູ້ວ່າໜ້າທີ່ຮັກສາການແທນຫົວໜ້າຫ້ອງການເກັບພາສີ ຫຼື IRS
ຄົນປະຈຸບັນນີ້ ໄດ້ຖືກຮ້ອງຂໍໃຫ້ລາອອກ ຍ້ອນຂ່າວນອງນັນ
ທີ່ພົວພັນກັບການທີ່ທາງ IRS ໄດ້ເຈາະຈົງຈັບຜິດຢ່າງບໍ່ຖືກ
ຕ້ອງ ເລື້ອງການເສຍພາສີ ຂອງບັນດາກຸ່ມນິຍົມແນວທາງ
ເດີມ ຫລືນິຍົມພັກຣີພັບບລິກັນນັ້ນ.
ໃນການຖະແຫລງຢູ່ຫ້ອງຕາເວັນອອກຂອງທໍານຽບຂາວ
ຫຼື Eastroom ໃນວັນພຸດວານນີ້ ທ່ານ Obama ໄດ້ກ່າວວ່າ
ພຶດຕິກໍາດັ່ງກ່າວຂອງ IRS ແມ່ນເປັນເລື້ອງທີ່ “ອະໄພໃຫ້ບໍ່ໄດ້.”
ທ່ານປະທານາທິບໍດີຍັງກ່າວອີກວ່າ ທ່ານຈະບໍ່ປ່ອຍໃຫ້ການ
ປະພຶດແບບນີ້ ມີຂຶ້ນບໍ່ວ່າຢູ່ໃນກະຊວງທະບວງກົມໃດໆກໍຕາມ ຊຶ່ງທ່ານກ່າວຕໍ່ໄປວ່າ
ໂດຍສະເພາະຫ້ອງການ IRS ເມື່ອພິຈາລະນາເຖິງອໍານາດຂອງຫ້ອງການດັ່ງກ່າວ
ແລະຜົນກະທົບອັນກ້ວາງໄກຕໍ່ຊີວິດຂອງ ພວກເຮົາໝົດທຸກຄົນ. ທ່ານ Obama ກ່າວວ່າ
ລັດຖະມົນຕີກະຊວງການເງິນ ທ່ານ Jack Lew ໄດ້ຮ້ອງຂໍແລະກໍໄດ້ຮັບເອົາ ການລາ
ອອກຈາກຕໍາແໜ່ງຂອງ ທ່ານ Steven Miller ຫົວໜ້າພາງຂອງຫ້ອງການ IRS ແລ້ວ
ເພາະວ່າມັນສໍາຄັນຫລາຍທີ່ຈະຕ້ອງນໍາເອົາຜູ້ນໍາຄົນໃໝ່ເຂົ້າໄປ. ທ່ານ Miller ຈະພົ້ນ
ຈາກຕໍາແໜ່ງໃນເດືອນມິຖຸນາ ໜ້ານີ້.
ທ່ານ Obama ໄດ້ກ່າວອີກວ່າ ທ່ານຈະທໍາງານເພື່ອຄໍ້າປະກັນວ່າ ບັນຫາແບບນີ້ຈະບໍ່ເກີດ
ຂຶ້ນອີກ ແລະທ່ານຍັງໄດ້ກ່າວອີກວ່າ ທ່ານຈະທໍາງານກັບທາງລັດຖະສະພາ ໃນບົດບາດ
ຂອງຜູ້ຄວບຄຸມດູແລ.
ປະທານາທິບໍດີ Obama ໄດ້ສະແດງຄວາມເຫັນຂອງທ່ານ ໃນເວລາບໍ່ເທົ່າໃດຊົ່ວໂມງ
ຫຼັງຈາກທີ່ລັດຖະມົນຕີກະຊວງຍຸຕິທໍາ ທ່ານ Eric Holder ໄດ້ໃຫ້ການຕໍ່ລັດຖະສະພາ
ວ່າການສືບສວນສອບສວນຄະດີອາຍາກ່ຽວກັບຫ້ອງການ IRS ນີ້ ອາດສາມາດຮວມທັງ
ຂໍ້ຫາອື່ນໆນໍາ ເຊັ່ນເລື້ອງການ ລ່ວງລະເມີດສິດທິພົນລະເມືອງ ການທີ່ໃຫ້ຂໍ້ມູນເທັດ
ແລະການລະເມີດກົດ ໝາຍ Hatch Act ທີ່ຫ້າມລັດຖະກອນ ຫລືພະນັກງານລັດຖະບານ
ກາງ ເຂົ້າປະກອບສ່ວນໃນກິດຈະກໍາຕ່າງໆທີ່ ພົວພັນທາງການເມືອງຂອງພັກໃດພັກນຶ່ງນັ້ນ.
ທ່ານ Holder ໄດ້ສັ່ງໃຫ້ທໍາການສືບສວນສອບສວນເລື້ອງນີ້ ໃນອາທິດແລ້ວນີ້ ຫຼັງຈາກທີ່
ທາງ IRS ຍອມຮັບວ່າ ຕົນໄດ້ເຈາະຈົງທໍາການກວດສອບເປັນພິເສດ ກ່ຽວກັບເລື້ອງການ
ເສຍພາສີ ຂອງບັນດາກຸ່ມຈັດຕັ້ງທີ່ນິຍົມແນວທາງເດີມ ເວລາພວກກຸ່ມດັ່ງກ່າວຍືນໃບສະມັກ
ຂໍຍົກເວັ້ນພາສີນັ້ນ.
