ປະທານາທິບໍດີ ສະຫະລັດ ທ່ານ Barack Obama ແລະ ນາຍົກລັດຖະມົນຕີ ອິນເດຍ ທ່ານ Narendra Modi ກ່າວວ່າ ພວກທ່ານ ໄດ້ເຫັນດີເຫັນພ້ອມນຳ ກັນທີ່ຈະ “ລົງເລິກ” ແລະ “ເສີມຂະຫຍາຍ” ການເປັນພາຄີຂອງປະເທດທັງ 2 ຂອງ
ພວກທ່ານໃນຂົງເຂດວຽກງານດ້ານການຄ້າ ຄວາມປອດໄພ
ວິທະຍາສາດ ແລະເທັກໂນໂລຈີ.
ໃນການຖະແຫຼງ ຫລັງຈາກການສົນທະນາຫາລືທີ່ ທຳນຽບຂາວ
ໃນວັນອັງຄານວານນີ້ ປະທານາທິບໍດີ Obama ກ່າວວ່າ ທ່ານ
ແລະທ່ານ Modi ເຫັນດີນຳ ກັນວ່າ ເປົ້າໝາຍທຳອິດກໍຄືການປັບ
ປຸງການສຶກສາ ແລະເຝິກອົບຮົມດ້ານວຽກງານຢູ່ໃນທັງສອງປະ
ເທດ. ທ່ານກ່າວວ່າ ທ່ານ Modi ໄດ້ໂອ້ລົມກັບທ່ານເຖິງ ວິໄສທັດຂອງທ່ານ ທີ່ຢາກໃຫ້
ຊາວອິນເດຍມີຊີວິດດີຂື້ນ ຈາກອັນທີ່ປະທານາທິ ບໍດີ Obama ບັນລະຍາຍວ່າ ມີຊາວ
ອິນເດຍເປັນຈຳນວນຫຼວງຫຼາຍຍັງ “ຕິດຢູ່ໃນຄວາມທຸກຈົນ” ນັ້ນ.
ນາຍົກລັດຖະມົນຕີ Modi ກ່າວວ່າ ທ່ານມີຄວາມ “ໝັ້ນໃຈ” ທີ່ອິນເດຍຈະເຫັນເສດຖະ
ກິດເຕີບໂຕຢ່າງວອງໄວ ແລະປ່ຽນແປງ ແລະການເປັນພາຄີທາງດ້ານ ເສດຖະກິດ ລະ
ຫວ່າງສະຫະລັດກັບອິນເດຍ ຍັງຈະເຕີບໂຕຢ່າງວອງໄວໃນຊຸມປີຕໍ່ໜ້ານີ້.
