ລິ້ງ ສຳຫລັບເຂົ້າຫາ

ປ. ໂອບາມາ ຈະຍຸດຕິ ການເນລະເທດ ພວກຊາວໜຸ່ມ ທີ່ເຂົ້າເມືອງ ຜິດກົດໝາຍ (ວີດີໂອ)


ປະທານາທິບໍດີບາຣັກ ໂອບາມາ ປະກາດໃນວັນທີ 15 ມິຖຸນາຜ່ານມານີ້ວ່າ ລັດຖະບານຂອງທ່ານ ຈະຍຸຕິການເນລະ ເທດແລະອອກໃບອະນຸຍາດເຮັດວຽກ ໃຫ້ແກ່ພວກຊາວໜຸ່ມ ອາຍຸຕໍ່າກວ່າ 30 ປີທີ່ເຂົ້າມາໃນສະຫະລັດແຕ່ອາຍຸຍັງ ນ້ອຍຢູ່ນັ້ນ

ລັດຖະບານປະທານາທິບໍດີໂອບາມາ ກ່າວວ່າ ນະໂຍບາຍໃໝ່ກ່ຽວກັບເລື່ອງຄົນເຂົ້າເມືອງ ຂອງທ່ານ ອາດສາມາດຈະອຳນວຍໃຫ້ ພວກຄົນເຂົ້າເມືອງຜິດກົດໝາຍ ຢູ່ໃນສະຫະລັດ ຫຼາຍເຖິງ 8 ແສນຄົນ ໄດ້ຮັບການຍົກເວັ້ນຈາກການຖືກເນລະເທດ. ຜູ້ສື່ຂ່າວຂອງວີໂອເອ Kent Klein ລາຍງານມາຈາກທຳນຽບຂາວວ່າ ການປ່ຽນແປງທີ່ວ່ານີ້ ແມ່ນເປັນການສະ ໜອງຕອບຕໍ່ຄວາມວິຕົກກັງວົນຂອງ ບັນດາຜູ້ມີສິດປ່ອນບັດເຊື້ອສາຍຮິສແປນິກຫລືປາກ ພາສາສະເປນທີ່ມີອິດພົນເພາະມີຈໍານວນຫຼວງຫຼາຍ ໃນປີການເລືອກຕັ້ງຂອງສະຫະລັດ

ທີ່​ສວນ​ດອກ​ກຸຫຼາບຂອງ​ທຳນຽບຂາວ ປະທານາທິບໍດີ​ບາຣັກ ​ໂອ​ບາ​ມາ ​ໄດ້​ປະກາດ​ໃນ​ມື້
ວັນ​ສຸກ​ແລ້ວນີ້ວ່າ ລັດຖະບານ​ສະຫະລັດ​ຈະ​ຍຸຕິ​ການ​ເນລະ​ເທດພວກ​ຊາວ​ໜຸ່ມ ທີ່​ເດີນທາງ​
ເຂົ້າມາ​ໃນ​ສະຫະລັດ​ຂະນະ​ທີ່​ຍັງ​ເປັນ​ເດັກນ້ອຍ​ຢູ່​ແລະບໍ່​ເຄີຍ​ກະທຳ​ຜິດ​ກົດໝາຍນັບ​ແຕ່​ນັ້ນ
ມາ.​

ປະທານາທິບໍດີ​ໂອ​ບາ​ມາ​ເວົ້າວ່າ “ຂ້າພະ​ເຈົ້າພົບ​ເຫັນ ມີ​ພວກ​ໜຸ່ມ​ນ້ອຍ​ທີ່​ຮັບ​ໃຊ້ຢູ່​ໃນ​ກອງ
ທັບ​ຂອງ​ພວກ​ເຮົາ ປົກ​ປ້ອງ​ພວກ​ເຮົາແລະ​ອິດສະຫຼະພາບ​ຂອງ​ພວກເຮົາ. ຄວາມ​ຄິດ​ທີ່​ວ່າ ​
ພວກ​ເຮົາຈະ​ປະຕິບັດ​ຕໍ່​ພວກ​ເຂົາໃນ​ທາງ​ໃດ​ທາງ​ນຶ່ງ​ແບບ​ບໍ່​ມີຄ່າ​ທີ່​ສົມຄວນ​ຈະ​ເກັບ​ຮັກສາ​
ໄວ້​ນັ້ນ ​ແມ່ນ​ບໍ່ສົມ​ມາ​ສົມຄວນ​ເລີຍ.”

ປະທານາທິບໍດີ​ໂອ​ບາ​ມາ​ ກ່າວ​ວ່າ ນະ​ໂຍບາຍ​ໃໝ່​ນີ້ ຈະ​ບໍ່​ອຳນວຍ​ໃຫ້​ພວກ​ທີ່​ໄດ້ຮັບການ
​ຍົກ​ເວັ້ນນັ້ນ ​ໄດ້​ຮັບ​ສັນຊາດ​ສະຫະລັດ ​ແຕ່​ຈະ​ກຳຈັດ​ໄພ​ຂົ່ມຂູ່​ກ່ຽວ​ກັບການຖືກ​ເນລະ​ເທດ​
ແລະ​ອຳນວຍ​ໃຫ້​ພວກ​ເຂົາ​ເຈົ້າ​ສາມາດ​ເຮັດ​ວຽກ​ໄດ້​ຢ່າງ​ຖືກ ຕ້ອງຕາ​ມກົດໝາຍ.

​ທ່ານ​ໂອ​ບາ​ມາ​ເວົ້າວ່າ “​ໃນ​ໄລຍະ​ຫຼາຍໆ​ເດືອນ​ຂ້າງ​ໜ້ານີ້ ຜູ້​ທີ່​ມີ​ຄຸນສົມບັດທີ່​ບໍ່​ເປັນ​ໄພ​
ຂົ່ມຂູ່ຕໍ່​ຄວາມ​ໝັ້ນຄົງ​ແຫ່ງ​ຊາດ ຫຼືຄວາມ​ປອດ​ໄພ​ຂອງ​ສັງຄົມ ກໍ​ຈະ​ສາມາດ​ໄດ້​ຮັບ​ການ​
ຜ່ອນ​ຜັນ​ແບບ​ຊົ່ວຄາວ ຈາກ​ການຖືກ​ເນລະ​ເທດ ແລະ​ຍື່ນ​ຄຳ​ຮ້ອງຂໍ​ເຮັດ​ວຽກ​ເຮັດ​ການ
​ໄດ້.”

ພາຍ​ໃຕ້​ແຜນການ​ນີ້ ພວກ​ຄົນ​ເຂົ້າ​ເມືອງ​ຜິດ​ກົດໝາຍ​ຈະ​ບໍ່​ຖືກ​ເນລະ​ເທດຖ້າ​ເຂົາເຈົ້າຫາກ
​ມີ​ອາຍຸ​ຕໍ່າ​ກວ່າ 30 ປີ ​ແລະ​ໄດ້​ເດີນທາ​ງ​ເຂົ້າມາ​ໃນ​ສະຫະລັດ ກ່ອນ​ມີ​ອາຍຸ 16 ປີ. ນອກ​
ນັ້ນ​ແລ້ວ ພວກ​ເຂົາ​ເຈົ້າຕ້ອງ​ໄດ້​ຢູ່​ໃນ​ສະຫະລັດ​ຕິດ​ຕໍ່​ກັນມາ ​ເປັນ​ເວລາຢ່າງ​ນ້ອຍ​ຫ້າ​ປີ ບໍ່​
ເຄີຍ​ມີ​ປະຫວັດ​ໃນ​ການ​ເຮັດຜິດທາງ​ອາຍາ ຮຽນ​ຈົບຂັ້ນມັດທະຍົມປາຍ​ຫຼື​ໄດ້​ຮັບ​ປະກາສະ
ນີຍະບັດ​ທຽບ​ເທົ່າ ຫຼືບໍ່​ກໍ​ເຄີຍ​ຮັບ​ໃຊ້​ຢູ່​ໃນ​ກອງທັບ​ຂອງ​ສະຫະລັດ.

ນອກ​ນັ້ນ​ແລ້ວ ​ແຜນການ​ນີ້ຍັງ​ອຳນວຍ​ໃຫ້​ພວກ​ທີ່​ມີ​ຄຸນສົມບັດພຽງພໍຍື່ນ​ຄຳ​ຮ້ອງ​ຂໍອະນຸ
ຍາດ​ເຮັດ​ວຽກ​ໄດ້​ເປັນ​ເວລາ​ສອງ​ປີ​ ແລະ​ສາມາດ​ຕໍ່​ອາຍຸ​ໄດ້​ໂດຍ​ບໍ່​ມີ​ການຈຳກັດ.

ປະທານາທິບໍດີ​ໂອ​ບາ​ມາ​ໄດ້​ທຳ​ການ​ເຄື່ອນ​ໄຫວ​ດັ່ງກ່າວ ​ໃນ​ປີ​ການ​ເລືອກ​ຕັ້ງຊຶ່ງບັນດາ​ຜູ້
​ມີີ​ສິດ​ປ່ອນ​ບັດທີ່​ປາກ​ພາສາ​ສະ​ເປ​ນ ອາດ​ມີ​ອິດ​ທິພົນ​ຕໍ່​ຜົນ​ການ​ເລືອກ​ຕັ້ງຢູ່​ໃນ​ຫຼາຍໆ​ລັດ
ບ່ອນ​ທີ່​ຜົນ​ການ​ນັບ​ບັດຄາດ​ວ່າ​ຈະມີ​ຄະ​ແນນ​ສຽງ​ໃກ້​ຄຽງ​ກັນນັ້ນ

ນອກ​ນີ້​ແລ້ວ ​ປະທານາທິບໍດີ​ໂອ​ບາ​ມາ​ຍັງ​ມີ​ໝາຍ​ກຳນົດທີ່​ຈະ​ກ່າວ​ຄຳ​ປາ​ໄສ​ຕໍ່ກອງ​ປະຊຸມ
​ປະຈຳປີ ​ຂອງ​ອົງການ​ຈັດ​ຕັ້ງ LEAO ​ຂອງພວກ​ເຈົ້າໜ້າ​ທີ່​ເຊື້ອສາຍ​ຮິ​ສ​ແປ​ນິກ ທີ່ໄດ້​ຖືກ
​ເລືອກຕັ້ງ​ແລະແຕ່ງຕັ້ງ​ໃຫ້​ເຂົ້າ​ຮັບໜ້າ​ທີ່​ໃນ​ລັດຖະບານ​ ທີ່​ລັດ​ຟ​ລໍຣິດາ ໃນ​ມື້ວັນ​ສຸກ​ຈະ​ມາ
ນີ້.

ການ​ຢັ່ງ​ຫາງ​ສຽງ​ປະຊາຊົນ​ຂອງ​ໂທລະພາບ NBC ​ແລະ​ໜັງສືພິມ Wall Street Jour-
nal​ ​ໃນ​ເດືອນ​ແລ້ວນີ້ ສະ​ແດງ​ໃຫ້​ເຫັນ​ວ່າ ປະທານາທິບໍດີ​ໂອ​ບາມາ​ ມີ​ຄະ​ແນນ​ນຳ​ໜ້າຜູ້​
ສະມັກ​ຂອງ​ພັກຣີພັບ​ບລີ​ກັນ ທ່ານ Mitt Romney 61% ຕໍ່ 21% ​ໃນ​ໝູ່​ພວກ​ທີ່​ປາກ​
ພາສາ​ສະ​ເປ​ນ.

ນັກສຶກສາທີ່ບໍ່ມີເອກະສານເຂົ້າເມືອງໃນັລດນິວຢອກ ຮຽກຮ້ອງຂໍຄວາມເປັນທໍາ
ຈາກສະພາລັດ:

​ແຕ່​ບັນດາ​ຜູ້ນຳ ​ຂອງພວກ​ທີ່​ປາກ​ພາສາ​ສະ​ເປ​ນ ​ໄດ້​ສະ​ແດງ​ຄວາມ​ວິຕົກ​ກັງວົນກ່ຽວ​ກັບ
ການ​ເນລະເທດ​ພວກ​ຄົນ​ເຂົ້າ​ເມືອງ​ຜິດ​ກົດໝາຍທີ່​ສູງ​ເປັນ​ປະຫວັດ​ການ​ຂອງ​ທ່ານ​ໂອ​ບາ​
ມາ. ​ໃນ​ປີ 2011 ຜ່ານ​ມານີ້ ສະຫະລັດ​ ໄດ້​ເນລະ​ເທດ ພວກຄົນ​ເຂົ້າ​ເມືອງ​ຜິດ​ກົດໝາຍ​
ເກື​ອບ 400,000 ຄົນ ​ແລະ​ມີ​ທ່າ​ທາງ​ວ່າໃນ​ປີນີ້ ການ​ເນລະ​ເທດ​ກໍ​ຈະ​ສູງ​ກວ່າ​ຈຳນວນ​ປີ
​ກາຍ​ນີ້​ໜ້ອຍ​ນຶ່ງ.

​ແຜນລິເລີ່​ມ​ສະບັບ​ນີ້​ ໄດ້​ບັນລຸ​ເປົ້າໝາຍ​ບາງ​ຢ່າງ ຂອງ​ອັນ​ທີ່​ເອີ້ນວ່າຮ່າງກົດໝາຍແຫ່ງ
ຄວາມ​ຝັນ​ຫຼື DREAM Act ທີ່​ລັດຖະສະພາ​ສະຫະລັດ ​ໄດ້​ລົງ​ຄະ​ແນ​ນ ຽງ​ຄັດຄ້ານ​ໃນ
​ປີ 2010. ຮ່າງ​ກົດໝາຍ​ດັ່ງກ່າວ​ແມ່ນຈະ​ສ້າງຕັ້ງ​ເສັ້ນທາງ​ໄປ​ສູ່​ການ​ໄດ້​ຮັບສັນຊາດ​ຂອງ
​ພວກ​ໜຸ່ມ​ນ້ອຍທີ່​ໄດ້​ເດີນທາງ​ເຂົ້າມາ​ໃນ​ສະຫະ​ລັດແບບ​ຜິດ​ກົດໝາຍ​ແຕ່​ໄດ້​ເຂົ້າຮຽນ​ຂັ້ນ
ມະຫາວິທະຍາ​ໄລ​ແລະ​ຮັບ​ໃຊ້​ຢູ່​ໃນ​ກອງທັບ​ຂອງ​ສະຫະລັດ.

ປະທານາທິບໍດີໂອ​ບາ​ມາ ເວົ້າວ່າ ທ່ານ​ໄດ້​ອອກ​ຄຳ​ສັ່ງ​ຊົ່ວຄາວສະບັບ​ນີ້ ກໍຍ້ອນ​ວ່າ​ລັດ
ຖະສະພາ​ບໍ່​ໄດ້ແກ້​ໄຂ​ເພື່ອທຳການ​ປະຕິຮູບ​ໃນ​ຂອບ​ເຂດ​ທີ່​ກວ້າງຂວາງ​ຕໍ່​ລະບົບຄົນ​ເຂົ້າ
​ເມືອງຂອງ​ສະຫະລັດ.

ທ່ານໂອ​ບາ​ມາ​ເວົ້າວ່າ “ຍັງ​ມີ​ເວລາ​ຢູ່​ສຳ​ຫຼັບລັດຖະສະພາ​ສະຫະລັດ​ ທີ່​ຈະ​ຮັບ​ຜ່ານ​ຮ່າງ​
ກົດໝາຍ DREAM Act ​ໃນ​ປີນີ້ ຍ້ອນ​ວ່າ​ ພວກ​ເດັກນ້ອຍ​ເຫຼົ່ານີ້ ສົມຄວນ​ທີ່​ຈະ​ມີ​ໂອ
ກາດ​ໄດ້ວາງ​ແຜນ​ກ່ຽວ​ກັບ​ຊີວິດ​ຂອງ​ພວກ​ເຂົາ​ເຈົ້າສໍາລັບ​ໄລຍະອັນ​ຍາວ​ນານ ​ແທນ​ທີ່​
ຈະ​ແມ່ນ​ເປັນຂັ້ນໆ​ໄປ ​ເທື່ອ​ລະສອງ​ປີ ຄື​ໃນ​ປັດຈຸບັນ​ນີ້ ​ແລະ​ພວກ​ເຮົາ ຍັງ​ຈຳ​ເປັນ​ທີ່ຈະ
​ຕ້ອງ​ໄດ້​ຮັບ​ຜ່ານ​ການ​ປະຕິ​ຮູບ​ຢ່າງ​ກວ້າງຂວາງ​ ກ່ຽວ​ກັບ​ເລື່ອງ​ຄົນ​ເຂົ້າ​ເມືອງເພື່ອ​ແກ້
​ໄຂ​ບັນຫາ​ ຄວາມ​ຈຳ​ເປັນ​ທາງ​ດ້ານ​ເສ​ດຖະກິດ ​ແລະ​ຄວາມ​ໝັ້ນຄົງຂອງ​ພວກ​ເຮົາ ​ໃນ​
ສັດຕະວັດ​ທີ 21 ນີ້.”

ທ່ານ Mitt Romney ທີ່ຈະໄດ້ເປັນຜູ້ສະມັກເລືອກຕັ້ງ ປະທານາທິບໍດີສະຫະລັດ ຂອງພັກຣີພັບບລິກັນ.
ທ່ານ Mitt Romney ທີ່ຈະໄດ້ເປັນຜູ້ສະມັກເລືອກຕັ້ງ ປະທານາທິບໍດີສະຫະລັດ ຂອງພັກຣີພັບບລິກັນ.
ສ່ວນ​ອະດີດຜູ້​ປົກຄອງ​ລັດ
Maaschusetts ທ່ານ Mitt
Romney ຄູ່​ແຂ່ງ​ຂອງ​ທ່ານ​
ໂອ​ບາ​ມາ ກ່າວ​ວ່າ ທ່ານ​ເຫັນ
​ພ້ອມ​ກັບ​ສະມາຊິກ​ສະພາ​ສູງ
ອາ​ເມຣິກັນ​ເຊື້ອສາຍ​ຄິວ​ບາ ທີ່
ສັງ​ກັດ​ພັກຣີພັບ​ບລີ​ກັນ ທ່ານ
Marco Rubio ຜູ້ຊຶ່ງເມື່ອ​ໄວໆ
​ມານີ້​ໄດ້​ສະ​ເໜີ​ນະ​ໂຍບາຍ​ຄົນ
​ເຂົ້າ​ເມືອງ​ທີ່​ຄ້າຍຄື​ກັນນີ້ ທີ່ວ່າ ​
ນະ​ໂຍບາຍຂອງ​ທ່ານ​ໂອ​ບາ​ມາ
​ບໍ່​ໄດ້​ຊ່ອຍ​ເຫຼືອຫຍັງ​ ໃນ​ໄລຍະ​
ຍາວ​ນັ້ນ.

​ທ່ານ Romney ​ເວົ້າວ່າ “ນີ້​ແມ່ນ​
ເລື່ອງ​ ທີ່​ສຳຄັນ​ຫຼາຍ ພວກ​ເຮົາ
​ຕ້ອງ​ໄດ້​ຊອກຫາ​ການ​ແກ້​ໄຂ​
ໄລຍະ​ຍາວ ​ແຕ່​ການ​ເຄື່ອນ​ໄຫວ​
ດັ່ງກ່າວຂອງ​ປະທາ​ນາ​ທິບໍດີ​ນັ້ນ ​ເຮັດ​ໃຫ້ການ​ບັນລຸ​ການ​ແກ້​ໄຂ​ໄລຍະ​ຍາວ​ ມີ​ຄວາມ​ຍຸ່ງ
ຍາກ​ຕື່ມ​ຂຶ້ນ.”

​ສະມາຊິກ​ຄົນ​ອື່ນໆ​ຂອງ​ພັກຣີພັບ​ບລີ​ກັນ ​ກໍໄດ້​ກ່າວ​ໂຈມ​ຕີ​ຢ່າງ​ໜັກ​ຕໍ່​ການເຄື່ອນ​ໄຫວ​
ດັ່ງກ່າວຂອງ​ປະທານາທິບໍດີ​ວ່າ​ເປັນ​ການສະ​ແດງ​ຄວາມໂລດ​ໂຜນ​ທາງການ​ເມືອງ​.
ສະມາ​ຊິກສະພາ​ຕໍ່າຂອງ​ພັກຣີພັບ​ບລີ​ກັນ​ຈາກ​ລັດ​ໄອ​ໂອ​ວາ ທ່ານ Steve King ກ່າວ​
ໃນ​ຖະ​ແຫຼງການ​ສະບັບ​ນຶ່ງ​ວ່າ ຊາວ​ອາ​ເມຣິກັນ​ຄວນ​ຈະ​ມີ​ຄວາມ​ໂກດ​ແຄ້ນ​ທີ່​ປະທານາ
ທິບໍດີໂອບ​າມາພວມວາງ​ແຜນຈະແຍ່ງ​ຊິງ​ອຳນາດທີ່​ກຳນົດ​ໄວ້​ໃນ​ລັດຖະທຳ​ມະນູນຂອງ​
ລັດຖະສະພາ​ສະຫະລັດ ​ແລະ​ໃຫ້​ອະ​ໄພ​ໂທດ​ດ້ວຍ​ການອອກ​ຄຳ​ສັ່ງ ​ແກ່​ພວກ​ຄົນ​ເຂົ້າ
​ເມືອງ​ຜິດ​ກົດໝາຍ ​ນຶ່ງ​ລ້ານ​ຄົນ.

ວີດີໂອ: ຊາວອາເມຣິກັນເຊື້ອສາຍສະເປນອາດມີບົດບາດສໍາຄັນໃນການເລືອກຕັ້ງປີນີ້:

XS
SM
MD
LG