ປະທານາທິບໍດີສະຫະລັດ ທ່ານ Barack Obama ໄດ້ບອກບັນ
ດາຜູ້ນຳ ອາເມຣິກາກາງວ່າ ເຂົາເຈົ້າມີຄວາມຮັບຜິດຊອບຮ່ວມ
ກັນກັບສະຫະລັດ ເພື່ອແກ້ໄຂບັນຫາ ການຫລັ່ງໄຫລຂອງພວກ
ເດັກນ້ອຍຕ່າງດ້າວ ທີ່ຂ້າມຊາຍແດນເຂົ້າມາໃນສະຫະລັດແບບ
ຜິດກົດໝາຍນັ້ນ.
ໃນກອງປະຊຸມທີ່ທຳນຽບຂາວ ໃນວັນສຸກວານນີ້ ປະທານາທິ
ບໍດີ Obama ໄດ້ ກ່າວຕໍ່ປະທານາທິບໍດີຂອງ El Salvador,
Guatemala ແລະ Honduras ວ່າພວກເດັກນ້ອຍຕ່າງດ້າວ
ທີ່ປາດສະຈາກເຫດຜົນພຽງພໍມາອ້າງເພື່ອຈະຢູ່ໃນສະຫະລັດ
ໄດ້ນັ້ນ ຈະຖືກສົ່ງກັບຄືນບ້ານ.
ທ່ານ Obama ກ່າວວ່າ ອາດຈະມີບາງກໍລະນີ ທີ່ພວກເດັກນ້ອຍຕ່າງດ້າວເຫຼົ່ານີ້ ສາມາດ
ຮ້ອງຂໍເອົາຖານະເປັນອົບພະຍົບໄດ້ ແຕ່ກໍລະນີແບບນັ້ນຈະມີໜ້ອຍ.
ນັບຕັ້ງແຕ່ເດືອນຕຸລາເປັນຕົ້ນມາ ເດັກນ້ອຍທີ່ບໍ່ມີຜູ້ປົກຄອງຫຼາຍກວ່າ 57,000 ຄົນ ໄດ້ຖືກກັກຂັງໄວ້ ຢູ່ຕາມເຂດຊາຍແດນພາກໃຕ້ຂອງສະຫະລັດ ຊຶ່ງສ່ວນໃຫຍ່ແລ້ວມາຈາກ El Salvador, Guatermala ຫລື Honduras. ບັນດາເຈົ້າໜ້າທີ່ສະຫະລັດໄດ້ຮຽກຮ້ອງໃຫ້
ພວກຜູ້ນຳອາເມຣິກາກາງດຳເນີນການຫຼາຍຂື້ນ ເພື່ອຢຸດຢັ້ງການຫລັ່ງໄຫລເຂົ້າມາຂອງ
ພວກເດັກນ້ອຍເຫຼົ່ານີ້.
