ປະທານາທິບໍດີສະຫະລັດ ທ່ານ Barack Obama ປະຊຸມກັບ
ທິມ “ຄວາມໝັ້ນຄົງແຫ່ງຊາດຂອງທ່ານໃນວັນພຸດມື້ນີ້ິ ເພື່ອຟັງ
ລາຍງານ ຄວາມໝັ້ນຄົງ ຂອງປະເທດ ສອງອາທິດ ຫລັງຈາກ
ການໂຈມຕີກໍ່ການຮ້າຍໃນນະຄອນປາຣີແລະໃນຂະນະທີ່ຊາວ
ອາເມຣິກັນ ຫຼາຍລ້ານຄົນພາກັນເດີນທາງໃນວັນພັກແຫ່ງຊາດ.
ວັນພຸດມື້ນີ້ ເປັນວັນກ່ອນມື້ບຸນ ຂອບຄຸນພະເຈົ້າຫລື Thanks-
giving ຊຶ່ງເປັນມື້ນຶ່ງທີ່ມີຄົນເດີນທາງຫລາຍທີ່ສຸດປະຈຳປີ ຢູ່
ໃນສະຫະລັດ ແລະໃນຂະນະທີ່ຫ້ອງການສັນຕິບານກາງ FBI
ກ່າວວ່າ ບໍ່ມີການຂົ່ມ ຂູ່ທີ່ເຈາະຈົງໃດໆ ບັນດາຫ້ອງການທ້ອງ
ຖິ່ນ ແລະລັດຖະບານກາງພາ ກັນຕຽມລະວັງຢູ່ໃນຂັ້ນສູງສຸດ.
ວັນສຸກຈະມາເຖິງນີ້ເປັນວັນທີ່ມີການຊື້ ຂາຍຫຼາຍທີ່ສຸດຢູ່ຕາມຮ້ານຄ້າຕ່າງໆ ໃນຖານະທີ່
ເປັນປະເພນີການເລີ້ມລະດູຊື້ຂາຍເນື່ອງໃນເທດສະການບຸນຄຣິສມັສ.
ຝຣັ່ງ ຊຶ່ງໄດ້ຕຽມລະວັງໄພຢູ່ແລ້ວ ຫລັງຈາກການໂຈມຕີໃນວັນທີ 13 ເດືອນພະຈິກ ທີ່ເຮັດ
ໃຫ້ 130 ຄົນເສຍຊີວິດນັ້ນ ໃນວັນພຸດມື້ນີ້ ໄດ້ປະກາດທີ່ຈະສົ່ງກຳລັງຕຳຫລວດ ແລະ
ທະຫານເພີ້ມຂື້ນ ໄປຍາມຮັກສາ ການກອງປະຊຸມວ່າດ້ວຍການປ່ຽນແປງດິນຟ້າອາກາດ
ຂອງໂລກ ທີ່ຈະມີຂື້ນໄວໆນີ້. ກອງປະຊຸມດັ່ງກ່າວຈະເລີ້ມໃນວັນຈັນຈະມາເຖິງນີ້ ແລະ
ທ່ານ Barack Obama ກໍແມ່ນຜູ້ໜຶ່ງທີ່ຈະໄປຮ່ວມກອງປະຊຸມບັນດາຜູ້ນຳໂລກ ທີ່ເດີນ
ທາງໄປນະຄອນປາຣີນັ້ນ.
ນະຄອນຫລວງ Brussels ຂອງປະເທດ Belgium ຍັງຢູ່ໃນການລະມັດລະວັງສູງສຸດ
ຈົນຮອດວັນຈັນ ໃນຂະນະທີ່ບັນດາເຈົ້າໜ້າທີ່ທຳການຄົ້ນຫາຜູ້ຕ້ອງສົງໄສຫຼາຍຄົນ ທີ່ພົວພັນກັບການໂຈມຕີຢູ່ນະຄອນປາຣີ ຮວມທັງ ທ້າວ Salah Abdeslam ແລະການກ່າວຫາໃໝ່ ຕໍ່ທ້າວMohamed Abrini.
ແຕ່ວ່ານະຄອນ ດັ່ງກ່າວໄດ້ກັບຄືນສູ່ສະພາບປົກກະຕິບາງຢ່າງໃນວັນພຸດມື້ນີ້ ພ້ອມດ້ວຍ
ພວກເດັກນ້ອຍນັກຮຽນ ພາກັນກັບໄປເຂົ້າໂຮງຮຽນ ແລະລະບົບລົດໄຟໄຕ້ດິນ ຂອງນະ
ຄອນ Brussels ໄດ້ເປີດເປັນສ່ວນໃຫຍ່ແລ້ວ.
