ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ປ. ໂອບາມາ ເດີນທາງ ໄປເຖິງ ປະເທດຈີນ ເພື່ອເຂົ້າຮ່ວມ ກອງປະຊຸມ ຂອງກຸ່ມຈີ 20


ປະທານາທິບໍດີໂອບາມາ ເດີນທາງໄປເຖິງສະໜາມບິນສາກົນ
Xiaoshan ເມືອງຫາງໂຈ ປະເທດຈີນ. (3 ກັນຍາ 2016)
ປະທານາທິບໍດີໂອບາມາ ເດີນທາງໄປເຖິງສະໜາມບິນສາກົນ Xiaoshan ເມືອງຫາງໂຈ ປະເທດຈີນ. (3 ກັນຍາ 2016)

ປະທານາທິບໍດີ​ສະຫະລັດ ທ່ານ​ບາຣັກ ​ໂອ​ບາ​ມາ ​ເດີນທາງ​ໄປ​ເຖິງ​ເມືອງ​ຫາງ​ໂຈປະ​ເທດ​ຈີນ ໃນ​ຕອນ​ບ່າຍ​ວັນ​ເສົາ​ມື້ນີ້ບ່ອນທີ່​ທ່ານ​ຈະ​ເຂົ້າຮ່ວມ​ກອງ​ປະຊຸມສຸດ​ຍອດ​ຂອງ​ກຸ່ມ​ຈີ 20 ຮ່ວມ​ກັບ​ພວກ​ຜູ້ນຳ​ອື່ນໆ​ຂອງ​ໂລກ.

ທ່ານ​ຈະ​ພົບ​ປະ ​ກັບ​ປະທານ​ເທດ​ຈີນ ທ່ານ​ Xi Jinping ກ່ອນ​ກອງ​ປະຊຸມ​ສຸດ​ຍອດດັ່ງ ກ່າວ.

ຫລັງ​ຈາກ​ ກອງ​ປະຊຸມ​ສຸດ​ຍອດ​ ໃນ​ວັນ​ອາທິດ​ ​ແລະ​ວັນ​ຈັນ​ແລ້ວ ຜູ້ນຳ​ຂອງ​ສະຫະລັດ ​ກໍ​ຈະ​ເດີນທາງ​ໄປນະຄອນ​ວຽງ​ຈັນ ສປປ ລາວ ​ເພື່ອ​ເຂົ້າຮ່ວມ​ກອງ​ປະຊຸມ​ສຸດ​ຍອດ​ຂອງ​ບັນ ດາ​ປະຊາ​ຊາດ​ໃນ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້ ​ຫຼືອາ​ຊ່ຽນ ​ແລະ​ກອງ​ປະຊຸມ​ສຸດ​ຍອດ​ເອ​ເຊຍ​ຕາ​ເວັນ​ອອກ ແຕ່​ວັນ​ອັງຄານ​ໄປ​ຫາ​ວັນ​ພະຫັດ.

World Leaders Arrive in Hangzhou for G-20 Summit
please wait

No media source currently available

0:00 0:00:56 0:00

ທ່ານ​ໂອ​ບາ​ມາ​ຈະ​ປະ​ເຊີນ​ກັບ​ບັນຫາ​ຫຍຸ້ງຍາກ​ຈຳນວນ​ນຶ່ງ ​ໃນ​ລະຫວ່າງກອງ​ປະຊຸມ​ສຸດ​ຍອດ​ຂອງ​ກຸ່ມ​ຈີ 20 ບ່ອນ​ທີ່​ພວກ​ຜູ້ນຳ​ຂອງ​ 20 ປະ​ເທດ ​ທີ່​ມີ​ເສດຖະກິດ​ໃຫຍ່​ທີ່ສຸດ​ຂອງ​ໂລກຄາດ​ວ່າ ຈະ​ອະພິປາຍ​ກັນຢ່າງ​ແຂງ​ຂັນ​ກ່ຽວ​ກັບ​ວ່າ​ຈະ​ເຮັດ​ແບບ​ໃດ​ຈຶ່ງ​ຈະ​ເປັນ​ການ​ ດີ​ທີ່​ສຸດ ເພື່ອ​ກະຕຸກ​ຊຸກ​ຍູ້​ເສດຖະກິດ​ທີ່​ຊັກ​ຊ້າ​ຂອງ​ໂລກ​ແລະ​ດຳ​ເນີນ​ການ​ຕໍ່​ໄປເພື່ອ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ.

ທ່ານ​ໂອ​ບາ​ມາ ​ໄດ້​ກ່າວ​ທີ່​ນະຄອນ​ໂຮ​ໂນ​ລູລູ​ໃນ​ວັນ​ພະຫັດ​ຜ່ານ​ມານີ້ ຕໍ່​ກຸ່ມ​ນຶ່ງທີ່​ຮວມທັງ​ສະພາ​ພວກ​ຜູ້ນຳ​ປະ​ເທດ​ເກາະດອນ​ ໃນ​ເຂດ​ມະຫາ​ສະມຸດ​ປາຊີ​ຟິກ ​ໂດຍແຈ້ງ​ໃຫ້​ພວກ​ເຂົາ​ເຈົ້າຊາບ​ວ່າ “ບໍ່​ມີ​ປະ​ເທດ​ໃດແມ່ນ​ແຕ່​ປະ​ເທດ​ທີ່​ເຂັ້ມ​ແຂງ ຄື​ກັນ​ກັບ​ສະຫະລັດ ​ປອດ​ໄພ​ຈາກ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ.”

ໃນ​ລະຫວ່າງ​ການ​ເດີນທາງ​ຄັ້ງທີ 11 ​ໄປ​ຍັງ​ຂົງ​ເຂດ​ເອ​ເຊຍ ​ໃນ​ຖານະ​ປະທານາທິບໍດີ​ນັ້ນ ທ່ານ​ໂອ​ບາ​ມາ​ໄດ້​ເຮັດ​ວຽກໂດບ​ຕະຫລອດ​ການ​ດຳລົງ​ຕຳ​ແໜ່​ງສອງ​ສະ​ໄໝ ສະ​ໄໝ​ລະ 4 ປີ​ຂອງ​ທ່ານ​ ເພື່ອ​ເສີມ​ຂະຫຍາຍ​ອຳນາດ​ ແລະ​ອິດ​ທິພົນ​ຂອງສະຫະລັດ ​ຢູ່​ໃນ​ຂົງ​ເຂດ​ດັ່ງ ກ່າວ. ອະນາຄົດ​ຂອງ​ຍຸດ​ທະ​ສາດ ​ໃນ​ການ​ສ້າງ​ຄວາມ​ກ້ຳ​ເກິ່ງ​ຄືນໃໝ່ ​ໄປ​ຍັງ​ເຂດ​ເອ​ເຊຍ​ປາຊີ​ຟິກ​ແລະ​ມູນ​ເຊື້ອຂອງ​ທ່ານ​ຢູ່​ທີ່​ນັ້ນ​ແນວ​ໃດ​ກໍ​ຕາມແມ່ນ​ຍັງ​ບໍ່​ທັນ​ເປັນ​ທີ່​ແນ່ນອນ​ເທື່ອ.

ທ່ານ​ໂອ​ບາ​ມາ​ກ່າວ​ວ່າ ການ​ສ້າງ​ຄວາມ​ກ້ຳ​ເກິ່ງ​ໃນ​ນະ​ໂຍບາຍ​ການ​ຕ່າງປະ​ເທດ ​ແມ່ນ​ມີ​ຄວາມ​ສຳ​ຄັນ​ເປັນ​ພິ​ເສດຕໍ່​ຄວາມ​ໝັ້ນຄົງ​ແລະ​ຄວາມ​ອຸດົມ​ຮັ່ງມີ​ຂອ​ງອາ​ເມຣິກາ​ໃນ​ອະນາ​ຄົດ.

ປະທານາທິບໍດີ ບາຣັກ ໂອບາມາ (ຊ້າຍ) ແລະປະທານປະເທດຈີນ ທ່ານສີ ຈິ້ນຜິງ ພົບປະກັນ ຢູ່ນອກປາຣີ ເມື່ອວັນທີ 30 ພະຈິກ 2015
ປະທານາທິບໍດີ ບາຣັກ ໂອບາມາ (ຊ້າຍ) ແລະປະທານປະເທດຈີນ ທ່ານສີ ຈິ້ນຜິງ ພົບປະກັນ ຢູ່ນອກປາຣີ ເມື່ອວັນທີ 30 ພະຈິກ 2015

ການພົບປະທີ່ສຳຄັນແມ່ນຮວມທັງການເຈລະຈາຫາລືລະຫວ່າງທ່ານໂອບາມາ ແລະປະ ທານປະເທດ Xi ພ້ອມໆທັງການພົບປະລະຫວ່າງຜູ້ນຳສະຫະລັດ ແລະປະທານາທິບໍດີ ເທີກີ ທ່ານ Recep Tayyip Erdogan.

ປະທານາທິບໍດີໂອບາມາ ຍັງຈະໄດ້ພົບປະກັບປະທານາທິບໍດີຣັດເຊຍ ທ່ານ Vladirmir Putin ຢູ່ຂ້າງນອກຂອງກອງປະຊຸມສຸດນີ້.

ທ່ານ​ໂອ​ບາ​ມາ ຈະ​ເປັນ​ປະທານາທິບໍດີ​ຄົນ​ທຳ​ອິດ​ຂອງ​ສະຫະລັດທີ່​ຈະ​ມາ​ຢ້ຽມຢາມ ສປປ ລາວ ​ເວລາ​ທ່ານ​ເດີນທາງ​ມານະຄອນ​ວຽງ​ຈັນ ​ເພື່ອ​ເຂົ້າຮ່ວມ​ກອງ ປະຊຸມ​ສຸດ​ຍອດ​ອາ​ຊ່ຽນ​ແລະ​ເອ​ເຊຍ​ຕາ​ເວັນ​ອອກ ​ໃນ​ວັນ​ທີ 5 ກັນຍາ. ທ່ານ​ຈະ ພົບ​ປະ​ກັບ​ຜູ້ນຳ​ຂອງ​ລາວ​ໃນ​ຖານະ​ທີ່​ເປັນ​ພາກ​ສ່ວນ​ນຶ່ງ​ຂອງ​ການ​ດຳ​ເນີນ​ຄວາມ ພະຍາຍາມ​ເພື່ອ​ສ້າງ​ຄວາມ​ສຳພັນ​ກັບ​ປະຊາຊົນ​ແລະ​ການ​ພັດທະນາ​ຕະຫລອດ​ທັງ​ການ​ຄ້າຂາຍ​ແລະ​ການ​ລົງທຶນ​ເພີ້ມຕື່ມ.

ຫລັງ​ຈາກ​ກອງ​ປະ​ຊຸມ​ແລ້ວ ຜູ້ນຳ​ຂອງ​ສະຫະລັດ​ຈະ​ກ່າວ​ຄຳ​ປາ​ໄສ​ກ່ຽວ​ກັບ​ນະ​ໂຍບາຍ​ຕໍ່​ເຂດ​ເອ​ເຊຍ​ແລະ​ວິ​ໄສ​ທັດ​ຂອງ​ທ່ານ​ສຳລັບ​ອາ​ເມຣິກາ​ໃນ​ອະນາຄົດຢູ່​ໃນ​ຂົງ​ເຂດ​ເອ​ເຊຍ​ປາ​ຊີ​ຟິກ.


ອ່ານຂ່າວນີ້ຕື່ມເປັນພາສາອັງກິດ

G20 summit
please wait
Embed

No media source currently available

0:00 0:01:23 0:00

XS
SM
MD
LG