ປ. ສຫຣ ທ່ານ ບາຣັກ ໂອບາມາ ຍິນດີນຳຂໍ້ຕົກລົງໃໝ່ ເຣື່ອງ
ການປ່ຽນແປງຂອງດິນຟ້າອາກາດທີ່ຕົກລົງກັນໄດ້ໃນນະຄອນ
ຫຼວງປາຣີ ຊຶ່ງຖືວ່າເປັນບາດລ້ຽວໃໝ່ສຳລັບໂລກຂອງເຮົາ.
“ຂໍ້ຕົກລົງທີ່ວ່ານີ້ ໝາຍເຖິງໂອກາດ ທີ່ດີທີ່ສຸດ ທີ່ເຮົາຈະກອບ
ກູ້ຈັກກະວານຂອງເຮົາໄວ້ໄດ້” ໃນການກ່າວຖແລງຮັບຮອງ
ເອົາຂໍ້ຕົກລົງ 8 ນາທີ ໃນວັນເສົາວານນີ້ ປ. ໂອບາມາເວົ້າວ່າ
ເກືອບ 2 ຮ້ອຍປະເທດ ໄດ້ສະແດງຄວາມປາຖນາດີ ແລະ
ຄວາມສາມາດທີ່ຈະຮັບເອົາການທ້າທາຍຂອງການປ່ຽນແປງ
ຂອງດິນຟ້າອາກາດ ໂດຍການຫລຸດຜ່ອນອາກາດເສຍຄາບອນ
ໄດ໊ອອກໄຊຕ໌ ແລະ ມີຄວາມໝັ້ນໝາຍໃຫ້ທາດຄາບອນ ໃຫ້ຢູ່
ໃນລະດັບຕໍ່າ.
ຜູ້ນຳຂອງ ສຫຣ ທ່ານນີ້ ໄດ້ກ່າວ ຈາກສຳນັກງານຣັຖບານ ໃນທຳນຽບຂາວ ວັນເສົາ
ວານນີ້ ວ່າ “ພວກເຮົາໄດ້ຮ່ວມໃຈກັນ ໃນທົ່ວໂລກ ຮັບເອົາຂໍ້ຕົກລົງ ທີ່ເຂັ້ມແຂງ ທີ່
ຈຳເປັນນີ້. ພວກເຮົາໄດ້ເຮັດຂຶ້ນໃນເວລາທີ່ເໝາະສົມພໍດີ.”
ຂໍ່ຕົກລົງນີ້ຕັ້ງເປົ້າໝາຍໄວ້ວ່າໃຫ້ລະດັບຄວາມຮ້ອນຂອງໂລກຢູ່ຕໍ່າກວ່າ 2 ອົງສາ
ແຊລຊຽສ ແລະ ຮຽກຮ້ອງໃຫ້ 195 ປະເທດ ໃຊ້ຄວາມພະຍາຍາມ ໃຫ້ເພີ່ມອຸນນະພູມ
ຂຶ້ນເປັນ 1 ຈຸດ 5 ອົງສາແຊລຊຽສ ສູງກວ່າ ກ່ອນທີ່ມັນຈະຖືກສົ່ງ ອອກມາຈາກ ອຸດສາ
ຫະກຳ.
ພາຍໃຕ້ຂໍ້ຕົກລົງດັ່ງກ່າວນີ້ ທຸກໆປະເທດຈະແຈ້ງໃຫ້ຊາບ ເຖິງເປົ້າໝາຍ ການປ່ຽນ
ແປງ ດິນຟ້າອາກາດຂອງຕົນໃນແຕ່ລະ 5 ປີ ເຣ່ີມແຕ່ປີ 2020 ໄປ. ຂໍ້ຕົກລົງນີ້ ຈະຈັດຕັ້ງ
ຄວາມໂປ່ງໃສໄວ້ ໃຫ້ທຸກໆປະເທດແຈ້ງໃຫ້ຊາບເຖິງ ລະດັບການສົ່ງອອກ ອາຍເສັຽຂອງ
ຕົນ ແລະ ວ່າ ຕົນຈະເຮັດແນວໃດ ກັບອາຍເສຍຈາກເຮືອນແກ້ວຂອງຕົນ.
ທ່ານໂອບາມາກ່າວວ່າ ໃນການກ້າວໜ້າຂອງເທັກໂນໂລຈີນີ້ ຂໍ້ຕົກລົງດ້ານດິນຟ້າ
ອາກາດນີ້ ແມ່ນຈະຊ່ອຍແຜ້ວທາງໄປສູ່ເປົ້າໝາຍທີ່ໃຫຽ່ກວ່າເກົ່າໃນເວລາຕໍ່ໄປ ທັງຈະ
ເຮັດໃຫ້ແນ່ໃຈວ່າ ປະເທດຕ່າງໆ ໃນໂລກຈະໄດ້ຮັບການເຕີບໂຕ ທາງດ້ານເສຖກິດ ທີ່
ສະອາດຂຶ້ນ.
