ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປ. ໂອບາມາ ເນັ້ນໜັກ ໃສ່ອະນາຄົດ ໃນ​ຄຳ​ຖ​ະ​ແຫລ​ງ ຕໍ່​ລັດຖະສະພາ​ ແລະປະ​ເທດ​ຊາດ


ປ. ໂອບາມາ ຖ​ະ​ແຫລ​ງຕໍ່​ລັດຖະສະພາ​ ແລະປະ​ເທດ​ຊາດ ຄັ້ງ​ທີ​ເຈັດ ແລະກໍ​ເປັນຄັ້ງ​ສຸດ​ທ້າຍ. (ວັນທີ 12 ມັງກອນ, 2016)
ປ. ໂອບາມາ ຖ​ະ​ແຫລ​ງຕໍ່​ລັດຖະສະພາ​ ແລະປະ​ເທດ​ຊາດ ຄັ້ງ​ທີ​ເຈັດ ແລະກໍ​ເປັນຄັ້ງ​ສຸດ​ທ້າຍ. (ວັນທີ 12 ມັງກອນ, 2016)

ຢູ່​ໃນ​ຄຳ​ຖ​ະ​ແຫລ​ງຕໍ່​ລັດຖະສະພາ​ແລະປະ​ເທດ​ຊາດ ຄັ້ງ​ທີ​ເຈັດ
ແລະກໍ​ເປັນຄັ້ງ​ສຸດ​ທ້າຍນັ້ນ ປະ​ທາ​ນາ​ທິບໍດີ Barack Obama
​ໄດ້​ກ່າວ​ເຖິງ​ຜົນ​ສຳ​ເລັດ​ຂອງ​ທ່ານ ​ແລະ​ເພັ່ງ​ເລັງໃສ່​ວິ​ໄສ​ທັດ
ໃນອະນາ​ຄົດຂອງ​ທ່ານ ຢູ່​ໃນຄຳ​ປາ​ໄສທີ່ຄາດ ຫວັງ​ໄປ​ໃນ​ແງ່​ດີ
ທີ່ພະຍາຍາມກຳນົດມູນ​ເຊື້ອຂອງ​ທ່ານ​ ໃນ​ຂະນະ​ທີ່​ທ່ານ​ກ້າວ
​ເຂົ້າສູ່ການ​ກຳ​ຕຳ​ແໜ່​ງປີ​ສຸດ​ທ້າຍ​ຂອງ​ທ່ານ.

​ໃນ​ຄຳ​ປາ​ໄສຢູ່​ໃນ​ຫ້ອງ​ປະຊຸມສະພາຕ່ຳທີ່​ເຕັ​ມ​ແໜ້ນ​ໄປ​ດ້ວຍ​ຜູ້
​ຄົນ ໃນ​ແລງ​ວັນ​ອັງຄານ​ວານ​ນີ້ ທີ່​ຕຶກ​ລັດຖະສະພາສະຫະລັດ
ທ່ານ Obama ປາກົດ​ວ່າ​ຢູ່​ໃນ​ທ່າທີ​ທີ່​ສະບາຍ ​ແລະ​ນໍ້າ​ສຽງ​ຂອງ
​ທ່ານ​ສ່ວນໃຫຍ່​ເປັນ​ໄປ​ໃນ​ທາງ​ບວກ ​ໃນ​ຂະ ນະ​ທີ​ທ່ານ​ເພັ່ງ​ເລັງ​ໃສ່​ຄວາມ​ຈຳ​ເປັນ​ເພື່ອ​ປົວ​ແປງການ​ແບ່ງ​ແຍກ​ທີ່​ລົງເລິກທາງ ດ້ານ​ການ​ເມືອງຂອງ​ປະ​ເທດ.

Obama's Final State of the Union Focuses on Future, Need For Unity
please wait

No media source currently available

0:00 0:02:08 0:00

ແຕ່​ວ່າ ປະທານ​າທິບໍດີ ຍັງ​ໄດ້​ໂຈມ​ຕີ​ຜູ້​ຕິຕຽນ​ທ່ານ​ຫລາຍ​ຢ່າງ ຊຶ່ງຢູ່​ໃນ​ຫລາຍໆ​ໂອກາດ
​ໄດ້ຕິຕຽນ​ຢ່າງ​ໜັກ​ ຕໍ່​ຄູ​ແຂ່ງຈາກ​ພັກຣີພັບ​ບລິ​ກັນທີ່​ຫາ​ທາງເຂົ້າຮັບຕຳ ​ແໜ່​ງແທນ​ທ່ານ
​ເປັນ​ປະທານາທິບໍດີ ​ໃນ​ການ​ໂຄສະນາ​ຫາ​ສຽງ​ເລືອກຕັ້ງທີ່​ກຳລັງ ດຳ​ເນີນ​ຢູ່​ສຳລັບ​ປີ 2016.

​ໂດຍ​ສະ​ເພາະ​ຢ່າງ​ຍິ່ງ ທ່ານ Obama ​ໄດ້​ປະນາມ “ການ​ເມືອງ​ທີ່​ແນໃສ່ຜູ້​ຄົນ ​ໂດຍ​ສະ​
ເພາະ​ແມ່ນ​ດ້ານ​ເຊື້ອ​ຊາດ​ ຫລື​ສາສະໜາ”
ຊຶ່ງ​ເປັນ​ຄຳ​ເວົ້າທີ່​ເບິ່ງ​ກັນ​ວ່າ​ເປັນ​ການ​ຕິຕຽນ​
ຂອງຜູ້​ສະມັກ​ທີ່​ມີ​ຄະ​ແນນ​ສຽງນຳ​ໜ້າຂອງ​ພັກຣີພັບ​ບລິ​ກັນທ່ານ Donald Trump ມະ
ຫາ​ເສດຖີທີ່​ມັກເວົ້າ​ກົງໆ​ ທີ່ຕ້ອງການ​ຢາກຫ້າມບໍ່​ໃຫ້​ຊາວ​ມຸສລິ​ມ​ເຂົ້າປະ​ເທດ​ເປັນ​ການ​ຊົ່ວຄາວ​ນັ້ນ.

ຄວັນພູຂື້ນຈາກການໂຈມຕີທາງອາກາດ ທີ່ເມືອງ Sinjar. ວັນທີ 12 ເດືອນພະຈິກ 2015.
ຄວັນພູຂື້ນຈາກການໂຈມຕີທາງອາກາດ ທີ່ເມືອງ Sinjar. ວັນທີ 12 ເດືອນພະຈິກ 2015.

ທ່ານ​ກ່າວ​ວ່າ “​ເວລາ​ໃດ​ທີ່​ນັກການ​ເມືອງ​ດູ​ໝິ່ນ​ຊາວ​ມຸສລິ​ມ ​ເວລາ​ໃດ​ທີ່​ວັດ​ມຸສລິ​ມ ຖືກ
​ທຳລາຍ ຫລື​ເດັກນ້ອຍຖືກ​ເວົ້າເຍາະ​ເຍີ້​ຍໃຫ້ ສິ່ງ​ເຫລົ່າ​ນີ້​ບໍ່​ໄດ້​ເຮັດ​ໃຫ້​ພວກ​ເຮົາປອດ​ໄພ
​ຂື້ນ​ກວ່າ​ເກົ່າ. ຈົ່ງ​ຢ່າ​ໄດ້​ບອກ​ໃຫ້​ດັ່ງ​ທີ່​ເຫັນ​ຢູ່​ນີ້. ມັນ​ຜິດ​ແທ້ໆ​. ມັນ​ເຮັດ​ໃຫ້​ເຮົາ​ເສຍຫາຍ​ຢູ່​ໃນ​ສາຍ​ຕາ​ຂອງ​ໂລກ. ມັນ​ເຮັດ​ໃຫ້​ເຮົາ​ບັນລຸ​ເປົ້າ​ໝາຍໄດ້​ຍາກ. ​ແລະ​ມັນ​ທໍລະ​ຍົດຕໍ່​ພວກ​ເຮົາໃນ​ຖານະ​ທີ່​ເປັນ​ປະເທດ.”

President Obama Delivers His Final State of the Union Address
please wait

No media source currently available

0:00 0:02:26 0:00

ປະທານນາທິບໍດີ Barack Obama ກ່າວເຖິງການດຳເນີນໂຈມຕີທາງອາກາດ.

ທ່ານ Obama ຍັງ​ໄດ້​ກ່າວ​ໂຈມ​ຕີ​ຄູ່​ແຂ່ງ​ພາຍ​ໃນ​ປະ​ເທດ​ກ່ຽວ​ກັບ​ບັນຫາເສດຖະກິດ​ ​ໂດຍກ່າວ​ວ່າ “ຜູ້​ໃດ​ຜູ້​ໜຶ່ງ​ທີ່​ອ້າງ​ວ່າ ​ເສດຖະກິດ ສະຫະລັດ ກຳລັງ​ຕົກ​ຕໍ່າ​ນັ້ນ ​ເປັນ​ເລື້ອງເສກ​ສັນ​ປັ້ນ​ແຕ່ງ."

ປ. Obama (ຊ້າຍ) ຢ້ຽມຢາມ ຊາຍຝັ່ງ Kotzebue Avenue ທີ່ລັດ Alaska ວັນທີ 2, ກັນຍາ 2015.
ປ. Obama (ຊ້າຍ) ຢ້ຽມຢາມ ຊາຍຝັ່ງ Kotzebue Avenue ທີ່ລັດ Alaska ວັນທີ 2, ກັນຍາ 2015.

ທ່ານ Obama ກ່າວ​ວ່າ “ສະຫະລັດ ອາ​ເມ​ຣິກາ ປັດຈຸບັນ​ນີ້ ມີ​ເສດຖະກິດ​ເຂັ້ມ ​ແຂງ​ທີ່​ສຸດ ​ແລະທົນ​ທານທີ່​ສຸດຢູ່​ໃນ​ໂລກ​.” ທ່ານໄດ້​ຊີ້ໃຫ້​ເຫັນເຖິງ​ການ​ສ້າງ​ໜ້າ ວຽກ​ໃໝ່ ຫລາຍ​ກວ່າ 14 ລ້ານວຽກ​ ອັດຕາ​ຫວ່າ​ງງານໄດ້​ຫລຸດ​ລົງ​ເຄິ່ງໜຶ່ງ ແລະ​ການ​ເຕີບ​ໂຕ​ຂອງ​ອຸດສາຫະກຳ​ລົດ ​ແລະ​ໂຮງງານ​ຜະລິດ​ຕ່າງໆ..

ປະທານສະພາຕຳ ທ່ານ Paul Ryan (ຂວາ) ແລະ ຮອງປະທານາທິບໍດີ ທ່ານ Joe Biden (ຊ້າຍ) ຟັງກ່າວຄຳປາໄສ ປ. Barack Obama
ປະທານສະພາຕຳ ທ່ານ Paul Ryan (ຂວາ) ແລະ ຮອງປະທານາທິບໍດີ ທ່ານ Joe Biden (ຊ້າຍ) ຟັງກ່າວຄຳປາໄສ ປ. Barack Obama

ທ່ານ​ກ່າວ ດ້ວຍ​ສຽງ​ຕົບມື​ວ່າ “ລາຄາ​ນໍ້າມັນ​ແມ່ນ​ສອງ​ໂດ​ລາ​ຕໍ່​ກາ​ລອນ ບໍ່​ຂີ້ຮ້າຍ​ເລີຍ.”

XS
SM
MD
LG