ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ທ່ານໂອບາມາ ສືບຕໍ່ ຢ້ຽມຢາມຢູໂຣບ


ພະລາຊີນີ Elizabeth ຊົງຮັບຕ້ອນປະທານາທິບໍດີ ບາຣັກ ໂອບາມາ ໂດຍພະອົງເອງ ໃນພິທີຕ້ອນຮັບ
ຢ່າງເປັນທາງການ ທີ່ພະລາດຊະວັງ Buckingham ໃນກຸງລອນດອນ, ວັນທີ 24 ພຶດສະພາ 2011.
ພະລາຊີນີ Elizabeth ຊົງຮັບຕ້ອນປະທານາທິບໍດີ ບາຣັກ ໂອບາມາ ໂດຍພະອົງເອງ ໃນພິທີຕ້ອນຮັບ ຢ່າງເປັນທາງການ ທີ່ພະລາດຊະວັງ Buckingham ໃນກຸງລອນດອນ, ວັນທີ 24 ພຶດສະພາ 2011.

ເວລາ​ນີ້​ປະທານາທິບໍດີ​ບາຣັກ​ໂອ​ບາ​ມາ​ແຫ່ງ​ສະຫະລັດ
ກໍາລັງ​ຢູ່​ໃນ​ກຸງລອນ​ດອນ ບ່ອນ​ທີ່​ທ່ານ​ມີ​ໝາຍ​ກໍານົດ​
ຈະ​ພົບ​ປະກັບ​ພະລາ​ຊີ​ນີ Elizabeth ​ແລະ​ນາຍົກລັດ
ຖະມົນຕີ David Cameron ​ແຫ່ງ​ອັງກິດ​ໃນ​ວັນ​ອັງ
ຄານ​ມື້​ນີ້ ​ໃນ​ຖານະ​ເປັນ​ພາກສ່ວນ​ນຶ່ງ​ຂອງ​ການ​ເຄື່ອນ
ໄຫວ​ຢ້ຽມຢາມ​ຢູ​ໂຣບຂອງ​ທ່ານ​ເປັນ​ເວລາ 4 ມື້.

ທ່ານ​ໂອ​ບາ​ມາ ພ້ອມ​ດ້ວຍ​ພັນ​ລະ​ຍາ ທ່ານ​ນາງ Michelle
ມີ​ໝາຍກໍານົດ​ຈະ​ເຂົ້າ​ຮ່ວມ​ໃນ​ພິທີ​ຕ້ອນຮັບ​ທີ່​ພະລາດ​ຊະ​
ວັງ Buckingham ຮ່ວມ​ຮັບ​ປະທານ​ອາຫານ​ທ່ຽງ​ກັບ​
ພະ​ລາ​ຊີ​ນີ​ ແລະ​ໃນຕອນຄໍ່າກໍຈະມີພິທີລ້ຽງຮັບຮອງຢ່າງ​
ເປັນ​ທາງ​ການ​ທີ່​ພະ​ລາຊະວັງ​ດັ່ງກ່າວ. ນອກນັ້ນ ປະທານາ
ທິບໍດີສະຫະລັດແລະພັນລະຍາ ຍັງຈະໄດ້ພົບປະກັບເຈົ້າ
ຊາຍ William ແລະພະຊາຍາ Catherine Middleton ເຊື້ອພະວົງທີ່ຫາກໍອະພິເສກສົມ ລົດໃໝ່ຂອງອັງກິດ.

ທໍານຽບຂາວ ກ່າວ​ວ່າ ນອກ​ນັ້ນ ​ປະທານາທິບໍດີ​ຈະ​ໄປຮ່ວມ​ວາງ​ພວງ​ມາລາ​ທີ່​ປ່າຊ້າວິຫານ Westminster Abbey ແລະ​ທໍາ​ການ​ພົບ​ປະ​ກັບທ່ານ David Miliband ຜູ້​ນໍາ​ຝ່າຍ​ຄ້ານ.

ຄາດ​ວ່າ ທ່ານ​ໂອ​ບາ​ມາ​ແລະ​ທ່ານ Cameron ຈະ​ທໍາ​ການ​ໂອ້​ລົມ​ສົນທະ​ນາລື​ກັນ​ເລື້ອງ​ຄວາມ​ປອດ​ໄພ​ຕະຫລອດ​ທັງ​ເລື້ອງ​ຕ່າງໆ​ກ່ຽວ​ກັບ​ເສດຖະກິດ​ໃນ​ຂະນະ​ທີ່ພວກ​ທ່ານ​ພວມ​ກະກຽມ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ຂອງ​ກຸ່ມ G-8 ຫລື​ກຸ່ມ 8 ປະ​ເທດ​ທີ່ຈະ​ເລີ​ນດ້ານ​ອຸດສາຫະກໍາ​ຊັ້ນ​ນໍາ​ຂອງ​ໂລກ​ທີ​ປະ​ເທດ​ຝຣັ່ງ​ໃນ​ທ້າຍ​ສັບປະດາ​ນີ້.

ໃນ​ບົດຂຽນຮ່ວມທີ່ພິມເຜີຍແຜ່​ໃນ​ວັນ​ອັງຄານ​ມື້​ນີ້​ໂດຍໜັງສືພິມ Times ຂອງ​ກຸງ​ລອນດອນ
ນັ້ນ ພວກຜູ້​ນໍາ​ທັງ​ສອງ​ກ່າວ​ວ່າ ຄວາມ​ສໍາພັນ​ລະຫວ່າງ​ປະ​ເທດ​ຂອງ​ພວກ​ທ່ານ ບໍ່​ພຽງ​ແຕ່
ພິ​ເສດ​ເທົ່າ​ນັ້ນ ​ແຕ່ຍັງ​ເປັນ​ສິ່ງ​ຈໍາ​ເປັນນຳດ້ວຍ.

ທ່ານ​ໂອ​ບາ​ມາ​ເດີນທາງ​ໄປ​ຮອດ​ກຸງ​ລອນ​ດອນ​ ໃນ​ແລງ​ວັນ​ຈັນ​ວານ​ນີ້ກ່ອນ​ໝາຍກໍານົດ
ຫລັງ​ຈາກ​ຕັດ​ເວລາ​ການ​ຢ້ຽມຢາມ​ປະ​ເທດ Ireland ຂອງ​ທ່ານ​ລົງ​ຍ້ອນ​ຄວາມ​ເປັນ​ຫ່ວງ​ກ່ຽວ
ກັບ​ຂີ້​ເຖົ່າພູ​ເຂົາ​ໄຟທີ່ໄດ້ລະເບີດຢູ່ປະ​ເທດ Iceland ນັ້ນ ຈະແຜ່ລາມໄປປົກຄຸມທົ່ວຂົງເຂດ.

XS
SM
MD
LG