ບັນດາເຈົ້າໜ້າທີ່ທໍານຽບຂາວກ່າວວ່າ ວຽກງານເກືອບຮອດ ນຶ່ງໜ້າວຽກໃນທຸກໆແປດໜ້າວຽກໃດ ໃນລັດໂອໄຮໂອນັ້ນ ແມ່ນເປັນວຽກທີ່ກ່ຽວພັນກັບອຸດສາຫະກໍາລົດຍົນ. ດັ່ງນັ້ນ ປະທານາທໍບໍດີໂອບາມາຈຶ່ງໄດ້ເດີນທາງໄປຍັງເມືອງ Cincinnati ລັດໂອໄຮໂອ ແລະບອກພວກສະໜັບສະໜຸນທ່ານວ່າ ຈີນບໍ່ປະຕິບັດຕາມກົດເກນ. ທ່ານໂອບາມາກ່າວວ່າ:
“ມື້ນີ້ ລັດຖະບານຂອງຂ້າພະເຈົ້າໄດ້ທໍາການ ເຄື່ອນໄຫວຊຸດໃໝ່ຕໍ່ຕ້ານຈີນ ເທື່ອນີ້ແມ່ນຕໍ່ຕ້ານການເກື້ອກຸນທີ່ຜິດກົດ ໝາຍຂອງຈີນ ທີ່ຊຸກຍູ້ໃຫ້ບໍລິສັດຕ່າງໆຍົກຍ້າຍ ວຽກການຜະລິດເຄຶ່ອງ ອາໄຫຼ່ລົດໄປເຮັດຢູ່ຕ່າງປະເທດ. ການເກື້ອກຸນດັ່ງກ່າວນີ້ແມ່ນສ້າງຄວາມເດືອດຮ້ອນໂດຍກົງຕໍ່ຍິງແລະຊາຍຢູ່ໃນໂຮງງານປະກອບລົດຍົນໃນລັດ ໂອໄຮໂອ ແລະລັດມິຊິກັນ ແລະທົ່ວເຂດພາກກາງ Midwest ຂອງສະຫະລັດ.”
ໃນການເຄື່ອນໄຫວໃໝ່ດັ່ງກ່າວນີ້ ຜູ້ແທນການຄ້າສະຫະລັດໄດ້ຢືນໜັງສືຮ້ອງທຸກຕໍ່ອົງການການຄ້າໂລກ ຫຼື WTO ຕັ້ງຂໍ້ຫາວ່າ ຈີນໄດ້ໃຫ້ການເກື້ອກຸນຢ່າງເກີນຂອບເຂດ ແກ່ບໍລິສັດຕ່າງໆຂອງຈີນ ທີ່ຜະລິດລົດຍົນແລະອາໄຫຼ່ລົດຍົນ ເພື່ອການສົ່ງອອກ.
ເຈົ້າໜ້າທີ່ການຄ້າສະຫະລັດກ່າວວ່າ ນອກນີ້ແລ້ວ ພວກເຂົາເຈົ້າຍັງເອົາ ບາດກ້າວໜັກໜ່ວງອອກໄປອີກ ຕໍ່ກໍລະນີນຶ່ງທີ່ໄດ້ຢືນຟ້ອງຕໍ່ອົງການ WTO ໃນເດືອນກໍລະກົດ ກ່ຽວກັບການເກັບພາສີອາກອນຕໍ່ລົດຍົນຂອງອະເມຣິກັນທີ່ສົ່ງອອກໄປຍັງຈີນນັ້ນ. ປະທານາທິບໍດີໂອບາມາໄດ້ປະກາດ ກໍລະນີດັ່ງກ່າວນີ້ ເວລາທ່ານໄປໂຄສະນາຫາສຽງເທື່ອກ່ອນ ຢູ່ລັດໂອໄຮໂອນັ້ນ.
ວັນຈັນຜ່ານມານີ້ ທີ່ເມືອງ Cincinnati ທ່ານໂອບາມາໄດ້ຕໍາໜິຕິຕຽນຢ່າງແຮງ ປະວັດດ້ານທຸລະກິດຂອງ ທ່ານມິດ ຣອມນີ ອະດີດຜູ້ວ່າການລັດ Massachusetts ຊຶ່ງເປັນຄູ່ແຂ່ງຂອງທ່ານ ຈາກພັກຣີພັບບລິກັນ.
ບໍລິສັດລົງທຶນ Bain Capital ຊຶ່ງເປັນບໍລິສັດທີ່ທ່ານມິດ ຣອມນີ ກໍ່ຕັ້ງຂຶ້ນມານັ້ນ ໄດ້ລົງທຶນ
ໃສ່ທຸລະກິດຕ່າງໆຈໍານວນນຶ່ງ ທີ່ສົ່ງວຽກອອກຈາກສະຫະລັດ ໄປເຮັດຢູ່ຕ່າງປະເທດ ບ່ອນທີ່ແຮງງານຖືກກ່ວາຢູ່ໃນສະຫະ ລັດ. ປະທານາທິບໍດີໂອບາມາເອີ້ນບັນດາຜູ້ນໍາບໍລິສັດ Bain Capital ວ່າ ເປັນຕົວການບຸກເບີກສົ່ງວຽກ ອອກໄປຕ່າງປະເທດ.
ທ່ານໂອບາມາກ່າວວ່າ:
“ທ່ານມິດ ຣອມນີ ມີລາຍໄດ້ຈາກການລົງທຶນໃສ່ບໍລິສັດຕ່າງໆທີ່ຍົກຍ້າຍວຽກງານ ຈາກສະຫະລັດໄປຍັງຈີນ. ພວກບໍລິສັດ ຕົວການບຸກເບີກຍ້າຍວຽກ. ບັດນີ້ ລັດໂອໄຮໂອ ພວກທ່ານບໍ່ສາມາດປະເຊີນໜ້າກັບຈີນໄດ້ແລ້ວ ໃນເມື່ອສິ່ງທີ່ທ່ານໄດ້ກະທໍາໄປທັງໝົດນັ້ນ ກໍຄື ສົ່ງວຽກຂອງພວກເຮົາໄປໃຫ້ຈີນ.”
ທ່ານ ມິດ ຣອມນີ ໄດ້ກ່າວໂຕ້ຕອບທ່ານໂອບາມາ ຢູ່ທີ່ກອງປະຊຸມທຸລະກິດບັ້ນນຶ່ງ ທີ່ນະຄອນ Los Angeles ລັດແຄລິຟໍເນຍ. ທ່ານມິດ ຣອມນີ ເວົ້າວ່າ:
“ທ່ານປະທານາທິບໍດີອາດຄິດວ່າ ການປະ ກາດການຢືນຟ້ອງເລື້ອງການຄ້າຊຸດໃໝ່ ໃນໄລຍະບໍ່ເຖິງສອງເດືອນກ່ອນ ການເລືອກຕັ້ງນັ້ນ ຈະຫັນເຫຄວາມສົນໃຈອອກໄປຈາກປະວັດການບໍລິ ຫານປະເທດຂອງທ່ານໄດ້. ແຕ່ວົງການທຸລະກິດ ແລະຄົນງານອະເມຣິກັນ ທີ່ພາກັນດິ້ນຮົນຕໍ່ສູ້ ຢູ່ເທິງເວທີ ທີ່ບໍ່ສະເໝີພາບກັນ ແມ່ນຮູ້ດີໄປກວ່ານັ້ນ. ຖ້າຫາກຂ້າພະເຈົ້າຮູ້ວ່າ ສິ່ງດຽວເທົ່ານັ້ນທີ່ຈະເຮັດໃຫ້ທ່ານໂອບາມາລົງ ມືປະຕິບັດການ ກໍຄືລົງໂຄສະນາ ອ້າງເຖິງການບໍ່ເຮັດຫຍັງຂອງທ່ານ ຕໍ່ການໂກງຂອງຈີນນັ້ນແລ້ວ ຂ້າພະເຈົ້າກໍແມ່ນຈະລົງໂຄສະນາແຕ່ດົນ ແລ້ວ.”
ທ່ານ ຣອມນີ ໄດ້ກ່າວໂຈມຕີມາດົນນານແລ້ວ ຕໍ່ທ່າທີຂອງປະທານາທິບໍດີ ໂອບາມາ ກ່ຽວກັບບັນຫາການຄ້າຂອງຈີນ ແລະໄດ້ໃຫ້ດໍາໝັ້ນສັນຍາທີ່ຈະວາງມາດຕະການທີ່ໜັກໜ່ວງກວ່ານັ້ນ ເພື່ອບັງຄັບໃຫ້ປະຕິບັດກົດ ໝາຍການຄ້ານັ້ນ.
ເຫຼືອເວລາອີກພຽງ 45 ມື້ກ່ອນການເລືອກຕັ້ງ ການສໍາຫຼວດຫາງສຽງມະຫາຊົນຫຼາຍໆບັ້ນ ພົບວ່າທ່ານໂອບາມາມີຄະແນນນໍາໜ້າໜ້ອຍນຶ່ງໃນທົ່ວປະເທດ.
ແຕ່ປະທານາທິບໍດີໂອບາມາ ມີຄະແນນນໍາໜ້າທ່ານມິດ ຣອມນີ ຫຼາຍເຖິງ 7 ເປີເຊັນ ຢູ່ລັດໂອໄຮໂອ ຊຶ່ງເປັນລັດທີ່ບັນດານັກວິເຄາະກ່າວວ່າ ຈະມີບົດບາດສໍາຄັນ ຕໍ່ຜົນການເລືອກຕັ້ງ ໃນວັນທີ 6 ເດືອນພະຈິກຈະມານີ້.
“ມື້ນີ້ ລັດຖະບານຂອງຂ້າພະເຈົ້າໄດ້ທໍາການ ເຄື່ອນໄຫວຊຸດໃໝ່ຕໍ່ຕ້ານຈີນ ເທື່ອນີ້ແມ່ນຕໍ່ຕ້ານການເກື້ອກຸນທີ່ຜິດກົດ ໝາຍຂອງຈີນ ທີ່ຊຸກຍູ້ໃຫ້ບໍລິສັດຕ່າງໆຍົກຍ້າຍ ວຽກການຜະລິດເຄຶ່ອງ ອາໄຫຼ່ລົດໄປເຮັດຢູ່ຕ່າງປະເທດ. ການເກື້ອກຸນດັ່ງກ່າວນີ້ແມ່ນສ້າງຄວາມເດືອດຮ້ອນໂດຍກົງຕໍ່ຍິງແລະຊາຍຢູ່ໃນໂຮງງານປະກອບລົດຍົນໃນລັດ ໂອໄຮໂອ ແລະລັດມິຊິກັນ ແລະທົ່ວເຂດພາກກາງ Midwest ຂອງສະຫະລັດ.”
ໃນການເຄື່ອນໄຫວໃໝ່ດັ່ງກ່າວນີ້ ຜູ້ແທນການຄ້າສະຫະລັດໄດ້ຢືນໜັງສືຮ້ອງທຸກຕໍ່ອົງການການຄ້າໂລກ ຫຼື WTO ຕັ້ງຂໍ້ຫາວ່າ ຈີນໄດ້ໃຫ້ການເກື້ອກຸນຢ່າງເກີນຂອບເຂດ ແກ່ບໍລິສັດຕ່າງໆຂອງຈີນ ທີ່ຜະລິດລົດຍົນແລະອາໄຫຼ່ລົດຍົນ ເພື່ອການສົ່ງອອກ.
ເຈົ້າໜ້າທີ່ການຄ້າສະຫະລັດກ່າວວ່າ ນອກນີ້ແລ້ວ ພວກເຂົາເຈົ້າຍັງເອົາ ບາດກ້າວໜັກໜ່ວງອອກໄປອີກ ຕໍ່ກໍລະນີນຶ່ງທີ່ໄດ້ຢືນຟ້ອງຕໍ່ອົງການ WTO ໃນເດືອນກໍລະກົດ ກ່ຽວກັບການເກັບພາສີອາກອນຕໍ່ລົດຍົນຂອງອະເມຣິກັນທີ່ສົ່ງອອກໄປຍັງຈີນນັ້ນ. ປະທານາທິບໍດີໂອບາມາໄດ້ປະກາດ ກໍລະນີດັ່ງກ່າວນີ້ ເວລາທ່ານໄປໂຄສະນາຫາສຽງເທື່ອກ່ອນ ຢູ່ລັດໂອໄຮໂອນັ້ນ.
ວັນຈັນຜ່ານມານີ້ ທີ່ເມືອງ Cincinnati ທ່ານໂອບາມາໄດ້ຕໍາໜິຕິຕຽນຢ່າງແຮງ ປະວັດດ້ານທຸລະກິດຂອງ ທ່ານມິດ ຣອມນີ ອະດີດຜູ້ວ່າການລັດ Massachusetts ຊຶ່ງເປັນຄູ່ແຂ່ງຂອງທ່ານ ຈາກພັກຣີພັບບລິກັນ.
ບໍລິສັດລົງທຶນ Bain Capital ຊຶ່ງເປັນບໍລິສັດທີ່ທ່ານມິດ ຣອມນີ ກໍ່ຕັ້ງຂຶ້ນມານັ້ນ ໄດ້ລົງທຶນ
ໃສ່ທຸລະກິດຕ່າງໆຈໍານວນນຶ່ງ ທີ່ສົ່ງວຽກອອກຈາກສະຫະລັດ ໄປເຮັດຢູ່ຕ່າງປະເທດ ບ່ອນທີ່ແຮງງານຖືກກ່ວາຢູ່ໃນສະຫະ ລັດ. ປະທານາທິບໍດີໂອບາມາເອີ້ນບັນດາຜູ້ນໍາບໍລິສັດ Bain Capital ວ່າ ເປັນຕົວການບຸກເບີກສົ່ງວຽກ ອອກໄປຕ່າງປະເທດ.
ທ່ານໂອບາມາກ່າວວ່າ:
“ທ່ານມິດ ຣອມນີ ມີລາຍໄດ້ຈາກການລົງທຶນໃສ່ບໍລິສັດຕ່າງໆທີ່ຍົກຍ້າຍວຽກງານ ຈາກສະຫະລັດໄປຍັງຈີນ. ພວກບໍລິສັດ ຕົວການບຸກເບີກຍ້າຍວຽກ. ບັດນີ້ ລັດໂອໄຮໂອ ພວກທ່ານບໍ່ສາມາດປະເຊີນໜ້າກັບຈີນໄດ້ແລ້ວ ໃນເມື່ອສິ່ງທີ່ທ່ານໄດ້ກະທໍາໄປທັງໝົດນັ້ນ ກໍຄື ສົ່ງວຽກຂອງພວກເຮົາໄປໃຫ້ຈີນ.”
ທ່ານ ມິດ ຣອມນີ ໄດ້ກ່າວໂຕ້ຕອບທ່ານໂອບາມາ ຢູ່ທີ່ກອງປະຊຸມທຸລະກິດບັ້ນນຶ່ງ ທີ່ນະຄອນ Los Angeles ລັດແຄລິຟໍເນຍ. ທ່ານມິດ ຣອມນີ ເວົ້າວ່າ:
“ທ່ານປະທານາທິບໍດີອາດຄິດວ່າ ການປະ ກາດການຢືນຟ້ອງເລື້ອງການຄ້າຊຸດໃໝ່ ໃນໄລຍະບໍ່ເຖິງສອງເດືອນກ່ອນ ການເລືອກຕັ້ງນັ້ນ ຈະຫັນເຫຄວາມສົນໃຈອອກໄປຈາກປະວັດການບໍລິ ຫານປະເທດຂອງທ່ານໄດ້. ແຕ່ວົງການທຸລະກິດ ແລະຄົນງານອະເມຣິກັນ ທີ່ພາກັນດິ້ນຮົນຕໍ່ສູ້ ຢູ່ເທິງເວທີ ທີ່ບໍ່ສະເໝີພາບກັນ ແມ່ນຮູ້ດີໄປກວ່ານັ້ນ. ຖ້າຫາກຂ້າພະເຈົ້າຮູ້ວ່າ ສິ່ງດຽວເທົ່ານັ້ນທີ່ຈະເຮັດໃຫ້ທ່ານໂອບາມາລົງ ມືປະຕິບັດການ ກໍຄືລົງໂຄສະນາ ອ້າງເຖິງການບໍ່ເຮັດຫຍັງຂອງທ່ານ ຕໍ່ການໂກງຂອງຈີນນັ້ນແລ້ວ ຂ້າພະເຈົ້າກໍແມ່ນຈະລົງໂຄສະນາແຕ່ດົນ ແລ້ວ.”
ທ່ານ ຣອມນີ ໄດ້ກ່າວໂຈມຕີມາດົນນານແລ້ວ ຕໍ່ທ່າທີຂອງປະທານາທິບໍດີ ໂອບາມາ ກ່ຽວກັບບັນຫາການຄ້າຂອງຈີນ ແລະໄດ້ໃຫ້ດໍາໝັ້ນສັນຍາທີ່ຈະວາງມາດຕະການທີ່ໜັກໜ່ວງກວ່ານັ້ນ ເພື່ອບັງຄັບໃຫ້ປະຕິບັດກົດ ໝາຍການຄ້ານັ້ນ.
ເຫຼືອເວລາອີກພຽງ 45 ມື້ກ່ອນການເລືອກຕັ້ງ ການສໍາຫຼວດຫາງສຽງມະຫາຊົນຫຼາຍໆບັ້ນ ພົບວ່າທ່ານໂອບາມາມີຄະແນນນໍາໜ້າໜ້ອຍນຶ່ງໃນທົ່ວປະເທດ.
ແຕ່ປະທານາທິບໍດີໂອບາມາ ມີຄະແນນນໍາໜ້າທ່ານມິດ ຣອມນີ ຫຼາຍເຖິງ 7 ເປີເຊັນ ຢູ່ລັດໂອໄຮໂອ ຊຶ່ງເປັນລັດທີ່ບັນດານັກວິເຄາະກ່າວວ່າ ຈະມີບົດບາດສໍາຄັນ ຕໍ່ຜົນການເລືອກຕັ້ງ ໃນວັນທີ 6 ເດືອນພະຈິກຈະມານີ້.
