ປະທານາທິບໍດີ ບາຣັກ ໂອບາມາ ກ່າວວ່າ ລັດຖະບານສະຫະ
ລັດຕ້ອງທຳການຕໍ່ຕ້ານກັບແນວໂນ້ມຄວາມບໍ່ກ້ຳເກິ່ງກັນທາງ
ດ້ານເສດຖະກິດແລະການຂາດການເຄື່ອນໄຫວເພື່ອກ້າວໜ້າ
ສູງຂຶ້ນ ທີ່ເປັນມາຫຼາຍທົດສະວັດ ທີ່ໄດ້ເປັນອັນຕະລາຍຕໍ່ຄວາມ
ຝັນຂອງຄົນອາເມຣິກັນນັ້ນ.
ປະທານາທິບໍດີໂອບາມາ ກ່າວເຊັ່ນນີ້ໃນວັນອັງຄານມື້ກ່ອນນີ້
ທີ່ສູນກາງເພື່ອຄວາມກ້າວໜ້າຂອງຊາວອະເມຣິກັນ ຫຼື Center
for American Progress ຊຶ່ງເປັນອົງການ ນະໂຍບາຍສາ
ທາລະນະ ທີ່ເອົາທ່າທີອິດສະລະໃນເລື້ອງເສດຖະກິດຕ່າງໆ.
ທ່ານໂອບາມາກ່າວຕື່ມວ່າ ນັບແຕ່ທ່ານໄດ້ຮຽນຈົບຈາກມັດທະ
ຍົມປາຍໃນປີ 1979 ເປັນຕົ້ນມາ ເສດ ຖະກິດຂອງສະຫະລັດໄດ້ເພີ່ມຂຶ້ນເປັນສອງເທົ່າໂຕ ໃນຂະນະດຽວກັນຄວາມຮັ່ງມີໄດ້ແຜ່ຂະຫຍາຍໄປຍັງຄົນທຸກນັ້ນມີໜ້ອຍກວ່າ ຊຶ່ງທ່ານໂອບາມາ ກ່າວຕື່ມວ່າ “ແຕ່ຄວາມບໍ່ກ້ຳເກິ່ງທີ່ພວມເພີ່ມທະວີຂຶ້ນນີ້ເປັນເລື້ອງທີ່ຈະແຈ້ງທີ່ສຸດໃນປະເທດຂອງພວກເຮົາ ແລະມັນເປັນສິ່ງທ້າທາຍທີ່ສຳຄັນທີ່ສຸດທີ່ບອກໃຫ້ເຮັາຮູ້ວ່າ ເຮົາເປັນໃຜແທ້.”
ປະທານາທິບໍດີ ໂອບາມາໄດ້ຊັກຊວນໃຫ້ຄົນອະເມຣິກັນ ບໍ່ໃຫ້ພາກັນຄຶດຫາຄວາມບໍ່ກ້ຳເກິ່ງກັນທີ່ວ່ານີ້ ເປັນຄວາມເປັນຫ່ວງຂອງຊົນກຸ່ມນ້ອຍ ໂດຍກ່າວວ່າ ຊ່ອງຫວ່າງແຫ່ງໂອ ກາດໃນສະຫະລັດ ມີຫຼາຍເທົ່າກັນກ່ຽວກັບຊົນຊັ້ນ ແລະກ່ຽວກັບເຊື້ອຊາດນັ້ນ. ທ່ານເອີ້ນ ການຂາດຄວາມເຄື່ອນໄຫວໃນດ້ານໂອກາດ ເປັນການທ້າທາຍຍິ່ງໃຫຍ່ທີ່ສຸດໃນຍຸກສະໄໝນີ້ ແລະກ່າວຕື່ມວ່າ ຜົນຂອງການອະພິປາຍໂຕ້ວາທີກັນຕ່າງໆທີ່ພວມດຳເນີນໄປໃນກຸງວໍຊິງຕັນໃນປັດຈຸບັນນີ້ ຈະມີຜົນກະທົບທີ່ແທ້ຈິງຕໍ່ອະນາຄົດຂອງປະເທດ.
ລັດຕ້ອງທຳການຕໍ່ຕ້ານກັບແນວໂນ້ມຄວາມບໍ່ກ້ຳເກິ່ງກັນທາງ
ດ້ານເສດຖະກິດແລະການຂາດການເຄື່ອນໄຫວເພື່ອກ້າວໜ້າ
ສູງຂຶ້ນ ທີ່ເປັນມາຫຼາຍທົດສະວັດ ທີ່ໄດ້ເປັນອັນຕະລາຍຕໍ່ຄວາມ
ຝັນຂອງຄົນອາເມຣິກັນນັ້ນ.
ປະທານາທິບໍດີໂອບາມາ ກ່າວເຊັ່ນນີ້ໃນວັນອັງຄານມື້ກ່ອນນີ້
ທີ່ສູນກາງເພື່ອຄວາມກ້າວໜ້າຂອງຊາວອະເມຣິກັນ ຫຼື Center
for American Progress ຊຶ່ງເປັນອົງການ ນະໂຍບາຍສາ
ທາລະນະ ທີ່ເອົາທ່າທີອິດສະລະໃນເລື້ອງເສດຖະກິດຕ່າງໆ.
ທ່ານໂອບາມາກ່າວຕື່ມວ່າ ນັບແຕ່ທ່ານໄດ້ຮຽນຈົບຈາກມັດທະ
ຍົມປາຍໃນປີ 1979 ເປັນຕົ້ນມາ ເສດ ຖະກິດຂອງສະຫະລັດໄດ້ເພີ່ມຂຶ້ນເປັນສອງເທົ່າໂຕ ໃນຂະນະດຽວກັນຄວາມຮັ່ງມີໄດ້ແຜ່ຂະຫຍາຍໄປຍັງຄົນທຸກນັ້ນມີໜ້ອຍກວ່າ ຊຶ່ງທ່ານໂອບາມາ ກ່າວຕື່ມວ່າ “ແຕ່ຄວາມບໍ່ກ້ຳເກິ່ງທີ່ພວມເພີ່ມທະວີຂຶ້ນນີ້ເປັນເລື້ອງທີ່ຈະແຈ້ງທີ່ສຸດໃນປະເທດຂອງພວກເຮົາ ແລະມັນເປັນສິ່ງທ້າທາຍທີ່ສຳຄັນທີ່ສຸດທີ່ບອກໃຫ້ເຮັາຮູ້ວ່າ ເຮົາເປັນໃຜແທ້.”
ປະທານາທິບໍດີ ໂອບາມາໄດ້ຊັກຊວນໃຫ້ຄົນອະເມຣິກັນ ບໍ່ໃຫ້ພາກັນຄຶດຫາຄວາມບໍ່ກ້ຳເກິ່ງກັນທີ່ວ່ານີ້ ເປັນຄວາມເປັນຫ່ວງຂອງຊົນກຸ່ມນ້ອຍ ໂດຍກ່າວວ່າ ຊ່ອງຫວ່າງແຫ່ງໂອ ກາດໃນສະຫະລັດ ມີຫຼາຍເທົ່າກັນກ່ຽວກັບຊົນຊັ້ນ ແລະກ່ຽວກັບເຊື້ອຊາດນັ້ນ. ທ່ານເອີ້ນ ການຂາດຄວາມເຄື່ອນໄຫວໃນດ້ານໂອກາດ ເປັນການທ້າທາຍຍິ່ງໃຫຍ່ທີ່ສຸດໃນຍຸກສະໄໝນີ້ ແລະກ່າວຕື່ມວ່າ ຜົນຂອງການອະພິປາຍໂຕ້ວາທີກັນຕ່າງໆທີ່ພວມດຳເນີນໄປໃນກຸງວໍຊິງຕັນໃນປັດຈຸບັນນີ້ ຈະມີຜົນກະທົບທີ່ແທ້ຈິງຕໍ່ອະນາຄົດຂອງປະເທດ.
