ປະທານາທິບໍດີ ບາຣັກ ໂອບາມາ ໄດ້ລົງນາມຍັດຕິກ່ຽວກັບການໃຊ້ຈ່າຍ ດ້ານທະຫານ
ສະບັບນຶ່ງ ເຖິງແມ່ນຍັງມີການສະຫງວນທ່າທີຢ່າງໜັກໜ່ວງກ່ຽວກັບບົດບັນຢັດວ່າດ້ວຍ
ການຄວບຄຸມການກັກຂັງ ການສອບປາກຄໍາ ແລະ ການປະຫັດປະຫານພວກກໍ່ການ
ຮ້າຍທີ່ຕອ້ງສົງໃສນັ້ນຢູ່ກໍຕາມ.
ປະທານາທິບໍດີ ໂອບາມາ ໄດ້ລົງນາມຮ່າງຍັດຕິທີ່ມີມູນຄ່າ 662 ພັນລ້ານໂດລາດັ່ງກ່າວ
ເມື່ອວັນເສົາວານນີ້ ໃນຂະນະຢູ່ໃນການພັກຜ່ອນທີ່ລັດຮາວາຍ. ໃນຕອນທ່ານເຊັນຍັດ
ຕິນັ້ນ ທ່ານໄດ້ກ່າວໂຈມຕີພວກສະມາຊິກ ສະພາສູງບາງຄົນໃນສິ່ງທີ່ທ່ານເວົ້າວ່າ ເປັນ
ຄວາມພະຍາຍາມໃຊ້ຍັດຕິ ດັ່ງກ່າວເພື່ອວາງຂໍ້ຈໍາກັດຮັດແຄບຕໍ່ສະມັດຖະພາບຂອງພວກ
ເຈົ້າໜ້າທີ່ ຕໍ່ຕ້ານການກໍ່ການຮ້າຍເພື່ອພິທັກປົກປ້ອງປະເທດຊາດນັ້ນ.
ການລົງນາມໃນຍັດຕິຂອງທ່ານໂອບາມາ ໄດ້ກວມເອົາການຖົກຖຽງກັນເປັນເວລາຫຼາຍ
ເດືອນເຖິງວິທີການຈັດການກັບພວກຕ້ອງສົງໄສກໍ່ການຮ້າຍທີ່ ຖືກຈັບຕົວໂດຍທີ່ບໍ່ໄດ້ຝ່າ
ຝືນສິດທິລັດຖະທໍາມະນູນຕ່າງໆຂອງຊາວອາເມຣິກັນ. ໃນເບື້ອງຕົ້ນນັ້ນ ທໍານຽບຂາວ
ຂູ່ທີ່ຈະວີໂຕ້ ຫລືຄັດຄ້ານກົດ ໝາຍດັ່ງກ່າວ ແຕ່ກໍໄດ້ປະຖິ້ມຄໍາຂູ່ໄປຫລັງຈາກສະພາຄອງ
ແກຣສທໍາ ການປ່ຽນແປງແກ້ໄຂ.
ນອກນີ້ແລ້ວ ຍັດຕິດັ່ງກ່າວຍັງໄດ້ນໍາໃຊ້ປະຕິບັດການລົງໂທດບັ້ນໃໝ່ຕໍ່ ອິຣ່ານ ໃນ
ຄວາມພະຍາຍາມເພື່ອທັບມ້າງສະມັດທະພາບຂອງເຕຫະຣ່ານ ເພື່ອໃຊ້ເງິນງົບປະມານ
ເພື່ອໂຄງການເສີມສະມັດຖະພາບທາດຢູເຣນຽມ.
ໃນການຕອບໂຕ້ຕໍ່ການລົງໂທດທີ່ກໍາລັງຈະໄດ້ຮັບນັ້ນ ອາທິດນີ້ອິຣ່ານໄດ້ ຕັກເຕືອນ
ວ່າຕົນອາດປິດຊ່ອງແຄບ Hormuz ລົງ ຊຶ່ງເປັນທາງຜ່ານເຂົ້າໄປ ຍັງອ່າວເປີເຊຍນັ້ນ.
ສະຫະລັດໄດ້ຕ້ານຢັນພ້ອມດ້ວຍໃຫ້ຄໍາໝັ້ນສັນຍາ ວ່າຈະໃຫ້ຊ່ອງ Hormuz ເປີດຢູ່
ຕະຫລອດ. ການປິດຊ່ອງແຄບດັ່ງກ່າວ ອາດສາມາດຕັດການລໍາລຽງນໍ້າມັນດິບ ແລະ
ກະທົບກະເທືອນຕໍ່ ລາຄານໍ້າມັນຢູ່ໃນທົ່ວໂລກໄດ້.
