ປະທານາທິບໍດີ ບາຣັກ ໂອບາມາ ແຫ່ງສະຫະລັດໄດ້ປະຕິເສດ
ຕໍ່ການຕຳໜິຕິຕຽນໃນການອອກຄຳສັ່ງຝ່າຍບໍລິຫານ ໃຫ້ປ່ຽນ
ແປງວິທີການຮັບມືຂອງປະເທດກັບພວກຄົນເຂົ້າເມືອງບາງຄົນ
ທີ່ບໍ່ມີເອກະສານຖືກຕ້ອງຕາມກົດໝາຍຂອງທ່ານ ໂດຍຮຽກ
ຮ້ອງໃຫ້ພວກສະມາຊິກສະພານິຕິບັນຍັດສັງກັດພັກ Republi
can ຜ່ານຮ່າງກົດໝາຍຖ້າພວກເຂົາເຈົ້າບໍ່ພໍໃຈນຳການເຄື່ອນ
ໄຫວແຕ່ຂ້າງດຽວຂອງທ່ານ.
ໃນການໃຫ້ສຳພາດໃນວັນອາທິດວານນີ້ ຕໍ່ລາຍການ This
Week ຂອງຕາໜ່າງໂທລະພາບ ABC ປະທານາທິບໍດີ
ໂອບາມາ ກ່າວວ່າ ມັນສຳຄັນທີ່ຈະເອົາເລື້ອງການເນລະເທດ
ພວກນັກໂທດທີ່ຮ້າຍແຮງ ພວກອາຊະຍາກອນ ແລະພວກທີ່ອົບພະຍົບເຂົ້າເມືອງໃໝ່ໆ ເປັນເລື້ອງບຸລິມະສິດ ເໜືອພວກອົບພະຍົບເຂົ້າເມືອງທີ່ອາໄສຢູ່ໃນສະຫະລັດມາຢ່າງຜິດກົດໝາຍດົນກວ່າ 5 ປີນັ້ນ.
ເມື່ອຖາມເຖິງປະຕິກິລິຍາຂອງທ່ານຕໍ່ການຕຳໜິຕິຕຽນຂອງທ່ານ John Boehner ປະທານສະພາຕໍ່າ ສະຫະລັດນັ້ນ ທ່ານໂອບາມາ ກ່າວວ່າ ຄຳຕອບຂອງທ່ານກໍແມ່ນ “ໃຫ້ຜ່ານຮ່າງກົດໝາຍດ່ັງກ່າວ”.
ໃນວັນເສົາຜ່ານມານີ້ ໃນຄຳປາໄສປະຈຳສັບປະດາຂອງທ່ານ ທ່ານໂອບາມາກ່າວວ່າ ແຜນການດ້ານຄົນເຂົ້າເມືອງຂອງທ່ານ “ຈະນຳພວກຄົນເຂົ້າເມືອງທີ່ຜິດກົດໝາຍ ອອກຈາກເງົາມືດຫຼາຍຂຶ້ນ ເພື່ອວ່າພວກເຂົາເຈົ້າຈະສາມາດຫຼິ້ນບົດບາດຕາມ
ກົດລະບຽບຕ່າງໆ ຈ່າຍພາສີໃຫ້ລັດຢ່າງເຕັມສ່ວນ ຜ່ານການກວດກາເບື້ອງຫຼັງໃນດ້ານອາຊະຍາກຳ ແລະດຳເນີນການໃຫ້ຖືກຕ້ອງຕາມກົດໝາຍ.”
ປະທານາທິບໍດີ ກ່າວວ່າ ທ່ານຖືກບັງຄັບ ຈຳເປັນຕ້ອງໄດ້ທຳການເຄື່ອນໄຫວ ເພາະວ່າ ພວກຜູ້ແທນໃນສະພາຕໍ່າບໍ່ຢາກດຳເນີນການໃດໆກ່ຽວກັບຮ່າງມະຕິທີ່ສະພາສູງໄດ້ຮັບຜ່ານໄປແລ້ວນັ້ນ.
ຄຳສັ່ງບໍລິຫານ 2 ຂໍ້ທີ່ທ່ານໄດ້ລົງນາມໄປໃນວັນສຸກຜ່ານມາ ຈະດຳເນີນຂັ້ນຕອນໃຫ້ໃບອະນຸຍາດໃຫ້ເຮັດວຽກເຮັດການໄດ້ເປັນການຊົ່ວຄາວ ແລະຍົກເລີກການຂົ່ມຂູ່ການເນລະເທດພວກອົບພະຍົບເຂົ້າເມືອງທີ່ຜິດກົດໝາຍຈຳນວນເກືອບ 5 ລ້ານຄົນ.
ທ່ານ Boehner ກ່າວວ່າ ທ່ານໂອບາມາ”ກຳລັງສ້າງຄວາມເສຍຫາຍໃຫ້ແກ່ຕຳແໜ່ງ
ປະທານາທິບໍດີ” ໂດຍບໍ່ຜ່ານລັດຖະສະພາ ເພື່ອທຳການເຄື່ອນໄຫວດ້ານບໍລິຫານ ວ່າດ້ວຍຄົນເຂົ້າເມືອງ.
ທ່ານໂອບາມາ ກ່າວໃນວັນເສົາມື້ກ່ອນນີ້ວ່າ ຄຳສັ່ງຂອງທ່ານບໍ່ແມ່ນການໃຫ້ອະໄພໂທດ” ບໍ່ສຳຄັນວ່າພວກຕຳໜິຕິຕຽນຈະເວົ້າເລື້ອຍໆວ່າ ເປັນການໃຫ້ອະໄພໂທດກໍຕາມ. ທ່ານກ່າວວ່າ ການໃຫ້ອະໄພໂທດ”ເປັນລະບົບຂອງການເຂົ້າເມືອງ ທີ່ພວກເຮົາມີຢູ່ໃນປັດຈຸບັນນີ້ ຄືປະຊາຊົນຫຼາຍລ້ານຄົນທີ່ອາໄສຢູ່ນີ້ ໂດຍບໍ່ໄດ້ຈ່າຍຄ່າພາສີຂອງເຂົາເຈົ້າ ຫຼືບໍ່ປະຕິບັດຕາມກົດລະບຽບ.”
