ເພື່ອເປັນກຽດ ແກ່ເດືອນມູນເຊື້ອຄົນເຂົ້າເມືອງ ປະທານາທິ
ບໍດີສະຫະລັດ ທ່ານບາຣັກ ໂອບາມາ ຈຶ່ງຢາກໃຫ້ຊາວອາເມ
ຣິກັນແບ່ງປັນເລື້ອງລາວກ່ຽວກັບຮາກເຫງົ້າໃນການເປັນຄົນ ເຂົ້າເມືອງຂອງຄອບຄົວພວກເຂົາເຈົ້າສູ່ຟັງ.
ໃນຄຳປາໄສປະຈຳສັບປະດາ ໃນວັນເສົາມື້ນີ້ ປະທານທິບໍດີ
ໂອບາມາໄດ້ຮຽກຮ້ອງໃຫ້ຊາວອາເມຣິກັນເຂົ້າໄປຍັງເວັບໄຊ
ຊາວອາເມຣິກັນໃໝ່ຫລື The New Americans Project
website ເພື່ອເລົ່າເລື້ອງລາວຂອງເຂົາເຈົ້າສູ່ຟັງ.
ທ່ານເວົ້າວ່າ “ພວກເຮົາເປັນປະເທດຂອງຄົນເຂົ້າເມືອງ. ມັນ
ເປັນແຫລ່ງທີ່ມາຂອງຄວາມເຂັ້ມແຂງ ພວກເຮົາຕ້ອງໄດ້ປ້ອງກັນໂດຍປົວແປງລະບົບຄົນ ເຂົ້າເມືອງທີ່ໄດ້ແຕກຫັກໄປນັ້ນ.”
ທ່ານກ່າວວ່າ ສະມາຊິກຂອງພັກເດໂມແຄຣັດແລະຣີພັບບລີກັນຢູ່ໃນສະພາສູງໄດ້ກະທຳ ການດັ່ງກ່າວເມື່ອສອງປີກ່ອນເວລາພວກທ່ານຮັບຮອງເອົາຮ່າງກົດໝາຍທີ່ມີການຕັດສິນ ໃຈແລະຊັ່ງຊາທີ່ດີ ທີ່ຮວມທັງເສັ້ນທາງໄປສູ່ການໄດ້ຮັບສັນຊາດ.
ແຕ່ແນວໃດກໍຕາມ ປະທານາທິບໍດີກ່າວວ່າ ຜູ້ນຳພາຂອງພັກຣີພັບບລີກັນ ຢູ່ໃນສະພາຕ່ຳ ເປັນເວລາເກືອບສອງປີໄດ້ປະຕິເສດບໍ່ຍອມແມ່ນແຕ່ອະນຸຍາດໃຫ້ມີການລົງຄະແນນສຽງ ກ່ຽວກັບຮ່າງກົດໝາຍດັ່ງກ່າວ.
ປະທານາທິບໍດີໂອບາມາກ່າວວ່າ “ໃນປັດຈຸບັນນີ້ ຂ້າພະເຈົ້າຈະສືບຕໍ່ດຳເນີນການທຸກສິ່ງ ຢ່າງທີ່ຂ້າພະເຈົ້າສາມາດເຮັດໄດ້ເພື່ອເຮັດໃຫ້ລະບົບຄົນເຂົ້າເມືອງຂອງພວກເຮົາມີຄວາມ ຍຸຕິທຳແລະເປັນທຳຫຼາຍຂຶ້ນ. ມັນເປັນສິ່ງຖືກຕ້ອງທີ່ຈະຕ້ອງໄດ້ເຮັດ ແລະມັນຈະເຮັດໃຫ້ ອາເມຣິກາມີຄວາມເຂັ້ມແຂງຕື່ມຂຶ້ນ.
