ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

ທ່ານໂອບາມາ ຮຽກຮ້ອງ ໃຫ້ຜູ້ນຳຂອງໂລກ ປະນາມ ການປະທ້ວງ ທີ່ຮຸນແຮງ (ວີດີໂອ)


ປະທານາທິບໍດີໂອບາມາ ຂະນະກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ ຄັ້ງທີ 67 ເມື່ອວັນທີ່ 25 ເດືອນກັນຍານີ້
ປະທານາທິບໍດີໂອບາມາ ຂະນະກ່າວຄຳປາໄສ ຕໍ່ກອງປະຊຸມ ສະມັດຊາໃຫຍ່ ສປຊ ຄັ້ງທີ 67 ເມື່ອວັນທີ່ 25 ເດືອນກັນຍານີ້
ທ່ານ​ບາຣັກ ​ໂອ​ບາ​ມາ ປະທານາທິບໍດີ​ສະຫະລັດ ​ໄດ້​ບອກ​ກອງ​ປະຊຸມ​ສະມັດຊາ​ໃຫຍ່ສະຫະ​ປະຊາ​ຊາດ​ເມື່ອ​ວັນ​ອັງຄານ​ວານ​ນີ້​ວ່າ ຈົ່ງ​ປາກ​ເວົ້າອອກ​ມາຢ່າງ​ແຂງ​ຂັນ ​ຕໍ່ຕ້ານ​ຄວາມ​ຮຸນ​ແຮງ​ແລະ​ລັດທິ​ຫົວ​ຮຸນ​ແຮງ.

ທ່ານ​ໂອ​ບາ​ມາ ​ໄດ້​ອຸທິດ​ສ່ວນ​ໃຫຍ່ຂອງ​ຄໍາ​ປາໄສປະ​ຈໍາປີຂອງ​ທ່ານ ຮຽກ ຮ້ອງ​ຕໍ່ບັນດາ​ຜູ້​ນໍາ​ໂລກ​ ​ໃຫ້​ພາກັນ​ປະນາມ​ການ​ປະ​ທ້ວງ​ຢ່າງ​ຮຸນ​ແຮງທີ່ ສືບ​ເນື່ອງ​ມາຈາກ​ຮູບ​ເງົາ​ຕໍ່ຕ້ານມຸສລິ​ມ ທີ່​ສ້າງ​ຂຶ້ນ​ໂດຍ​ເອກ​ກະ​ຊົນ​ແລະ​ຖ່າຍ​ທໍາ​ຢູ່​ໃນ​ສະຫະລັດ​ນັ້ນ.

ທ່ານ​ໂອ​ບາ​ມາ ກ່າວ​ວ່າ ​ໂລກ​ຈະ​ສ້າງ​ຄວາມ​ກ້າວໜ້າໄດ້ ກໍ​ດ້ວຍການ​ອະນຸ​ໂລມ​ຜ່ອນຜັນ​ຊຶ່ງ​ກັນ​ແລະ​ກັນແລະ​ເສລີ​ພາບ​ເທົ່າ​ນັ້ນ ​ແລະ​ໄດ້​ຮຽກ ຮ້ອງ​ໃຫ້​ເພື່ອນຜູ້​ນໍາ​ຂອງ​ທ່ານ​ທັງຫຼາຍ ຈົ່ງ​ວາງ​ຂອບ​ເຂດ​ຈໍາກັດຕໍ່​ພວກ​ທີ່​ໃຊ້​ຄວາມ​ກຽດ​ຊັງ​ເປັນອາ​ວຸດ​ທາງ​ການ​ເມືອງ.

ທ່ານ​ໂອ​ບາ​ມາ ​ໄດ້ເອີ້ນ​ຮູບ​ເງົາສະໝັກຫຼິ້ນນັ້ນ​ວ່າ ຫຍາ​ບຄາຍ​ແລະ​ໜ້າລັງ​ກຽດ ​ແຕ່​ກໍ​ເວົ້າວ່າ ມັນ​ບໍ່ເຖິງ​ຂັ້ນ​ທີ່​ຈະ​ເອົາ​ໄປ​ໃຊ້​ເປັນ​ຂໍ້​ອ້າງ ​ເຮັດ​ໃຫ້​ພວກ​ຄົນ​ທີ່​ບໍ່​ມີ​ຄວາມ​ຜິ​ດຫຍັງ​ ຕ້ອງ​ເລືອດ​ຕົກ​ຢາງ​ອອກ ອັນ​ໂຮມ​ທັງ​ເອກ ອັກຄະ​ລັດຖະທູດ​ສະຫະລັດ​ປະ​ຈໍາ​ລີ​ເບຍ ທ່ານ Chris Steven ທີ່​ຖືກ​ສັງຫານ​ພ້ອມ​ກັບ​ຊາວ​ອະ​ເມຣິກັນ​ອີກ​ສາມ​ຄົນ​ໃນ​ການ​ບຸກ​ໂຈມ​ຕີ​ສະຖານ​ກົງສຸນ​ສະຫະລັດ​ທີ່​ເມືອງ​ເບ​ງກາ​ຊີ​ນັ້ນ.

ນອກ​ນີ້ ປະທານາທິບໍດີ​ສະຫະລັດ ຍັງ​ໄດ້​ຮຽກຮ້ອງ​ຄືນ​ໃໝ່​ໃຫ້​ລັດຖະບານ​ຂອງ​ປະທານາ ທິບໍດີ Bashar al-Assad ຈົ່ງ​ສິ້ນ​ສຸດ​ລົງ. ທ່ານ ໂອ​ບາ​ມກ່າວ​ຕໍ່​ໄປ​ວ່າ ອະນາຄົດ​ຂອງ​ຊີ​ເຣຍນັ້ນ​ຈະຕ້ອງ​ບໍ່​ຕົກ​ເປັນ​ຂອງ​ຜູ້ຜະ​ເດັດ​ການ​ຄົນ​ນຶ່ງ ທີ່​ໄດ້​ສັງຫານ​ໝູ່​ປະຊາຊົນ​ຂອງ​ຕົນເອງ​ນັ້ນ.

ບັນຫາ​ຊີ​ເຣຍກໍຢູ່​ໃນ​ໃຈ​ຂອງ​ກະສັດ Abdullah ຂອງປະ​ເທດ​ຈໍ​ແດນຄື​ກັນ. ປະ​ເທດ​ຂອງ​ພະ​ອົງ​ໄດ້​ຮັບ​ເອົາ​ຊາວ​ອົບ​ພະ​ຍົບຊີ​ເຣຍ ຫຼາຍກວ່າ 200,000 ຄົນ. ກະສັດ​ຈໍ​ແດນ​ໄດ້​ບອກ​ຜູ້ເຂົ້າ​ຮ່ວມ​ກອງປະຊຸມ​ວ່າ ວິ​ກິດ​ການ​ຊາວ​ອົບ​ພະຍົບ ​ແມ່ນ​ສ້າງ​ຄວາມ​ກົດ​ດັນ​ຢ່າງ​ໃຫຍ່ ​ໃຫ້​ແກ່​ຊັບພະຍາກອນ​ທີ່​ມີ​ຢ່າງ ຈໍາກັດ​ຂອງຈໍ​ແດນນັ້ນ. ພ້ອມ​ນີ້ ພະ​ອົງ​ໄດ້​ຮ້ອງ​ຂໍ ຄວາມ​ຊ່ວຍ​ເຫຼືອຈາກ​ນານາ​ຊາດ ​ໂດຍ​ກ່າວ​ວ່າ ລະດູ​ໜາວ​ກາງ​ທະ​ເລ​ຊາຍ ກໍາລັງຫຍັບ​ໃກ້​ເຂົ້າມາ.

XS
SM
MD
LG