ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ໂອບາມາ ຖີ້ມໂທດໃສ່ ສະມາຊິກພັກຣີພັບບລິກັນ ໃນຂອບເຂດຈຳກັດຄົນເຂົ້າເມືອງ


Obama Blames Republicans for Status Quo on Immigration
please wait

No media source currently available

0:00 0:02:11 0:00

ປະທານາທິບໍດີ Barack Obama ​ແລະ​ສະມາຊິກ​ພັກ​ເດ​ໂມ​ແຄຣັດ ຢູ່​ໃນ​ສະພາຈຳນວນ ນຶ່ງ ​ໄດ້​ຖິ້ມ​ໂທດ​ໃສ່​ບັນດາ​ສະມາຊິກ​ພັກຣີ​ພັບ​ບລິ​ກັນໃນ​ການ​ຕັດສິນ​ທີ່​ມີ​ຄະ​ແນນ​ເທົ່າ​ກັນ​ຢູ່​ສານ​ສູງ​ສຸດ​ ກ່ຽວ​ກັບ​ແຜນ​ການຄົນ​ເຂົ້າ​ເມືອງ​ຂອງ​ປະທານາທິບໍດີ Obama. ພັກຣີພັບ​ບລິກ ກັນ​ທີ່​ຄອບ​ງໍາ​ສະພາ​ສູງ ​ໄດ້​ປະຕິ​ເສດ​ຕໍ່​ການ​ລົງ​ຄະ​ແນນ​ສຽງ​ ຮັບ​ເອົາ​ຜູ້​ພິພາກສາ​ຄົນໃໝ່ ​ເຮັດ​ໃຫ້​ສານ​ສູງ​ສຸດ​ຂອງ​ປະ​ເທດ​ຂາດ​ສະມາຊິກ​ນຶ່ງ​ຄົນ. ​ຜູ້​ພິພາກສາ​ສານ​ສູງ​ສຸດ​ແປດ​ຄົນ ໄດ້​ຕັດສິນ​ໃນ​ຈຳນວນ​ທີ່​ເທົ່າ​ກັນ​ກ່ຽວ​ກັບດຳລັດ​ໃຫ້​ອະ​ໄພໂທດ ແກ່ພວກ​ຄົນ​ເຂົ້າ​ເມືອງ​ຜິດກົົດ ໝາຍ​ຂອງ​ປະທານາທິບໍດີ Obama. ສ​ະພາບ​ການບໍ່​ໄປ​ບໍ່​ມາ​ດັ່ງກ່າວ​ນີ້ ຈະ​ເຮັດ​ໃຫ້ ການ​ຕັດສິນ​ຂອງ​ສານ​ຊັ້ນຕົ້ນທີ່​ວ່າແຜນການ​ຂອງປະທານາທິບໍດີ Obama ​ຊຶ່ງສັ່ງ​ໃຫ້ຢຸດ​ເຊົາ​ການເນລະ​ເທດນັ້ນ ບໍ່​ຖືກຕ້ອງ​ຕາມ​ກົດໝາຍ. Zlatica Hoke ມີ ລາຍ​ງານ​ກ່ຽວ​ກັບ ເລື້ອງນີ້ຊຶ່ງ ກິ່ງ​ສະຫວັນ ​ຈະ​ນຳ​ມາສະ​ເໜີ​ທ່ານ.

ປະທານາທິບໍດີ​ Barack Obama ໄດ້​ເຕືອນວ່າ ການ​ຕັດສິນ​ຂອງ​ສານ​ສູງ​ສຸດ ​ຈະມີ​ຜົນ​ທີ່​ຕິດຕາ​ມມາ​ທາງ​ດ້ານ​ສັງຄົມ ແລະ​ເສດຖະກິດ​ຕໍ່​ສະຫະລັດ.

ປະທານາທິບໍດີ Obama ກ່າວ​ວ່າ “ການ​ຕັດສິນ​ມື້​ນີ້​ ເປັນ​ທີ່​ບໍ່ພໍ​ໃຈ​ແກ່​ບັນດາ​ຜູ້​ຊອກ ສະ​ແຫວ​ງຫາ ​ໃຫ້​ມີ​ການ​ເຕີບ​ໂຕຕໍ່​ເສດຖະກິດ​ຂອງ​ພວກ​ເຮົາ ​ແລະ​ນຳ​ເອົາ​ຄວາມ ​ມີ​ເຫ​ດຜົນ​ມາສູ່​ລະບົບ​ຄົນ​ເຂົ້າເມືອງ​ຂອງພວກ​ເຮົາ​ແລະອະນຸຍາດ​ໃຫ້​ຜູ້ຄົນ​ພາກັນ​ອອກ​ມາ​ຈາກ​ເງົາ ​ມື​ດ ​ແລະ​ຍົກ​ຂີ້​ເຝື້ອ​ນີ້​ອອກ​ຈາກ​ເຂົາ​ເຈົ້າ​ຕະຫລອດໄປ."

ປະທານາທິບໍດີ Obama ກ່າວ​ວ່າ ​ລະ​ບົບຄົນ​ເຂົ້າເມືອງສະຫະລັດ​ໄດ້​ແຕກ​ຫັກ​ລົງ​ມາ​ໄດ້ກ​ວ່າ​ສອງ​ທົດ​ສະ​ວັດ​ແລ້ວ. ທ່ານ​ໄດ້​ຖິ້ມ​ໂທດສະພາບ​ການ​ບໍ່​ໄປບໍ່​ມາ​ໃນ​ວັນ​ພະຫັດ​ອາທິດ​ແລ້ວ​ນີ້ ໃສ່​ພັກຣີພັບ​ບລິ​ກັນ ຜູ້​ທີ່​ໄດ້​ກີດ​ກັ້ນ​ການສະ​ເໜີ​ແຕ່ງຕັ້ງ​ສະມາຊິກ​ສານ​ສູງ​ສຸດ​ຄົນ​ໃໝ່ ​ເພື່ອແທນ​ມື້​ລາງ ຜູ້​ພິພາກສາ Antonin Scalia.

ປະ​ທາ​ນາ​ທິບໍດີ ​Obama ກ່າວ​ວ່າ “ສະມາຊິກພັກຣີພັບ​ບລິ​ກັນ​ຢູ່​ໃນສະພາ ປັດ ຈຸບັນ​ນີ້​ແມ່ນ​ພໍ​ໃຈໃນ​ການ​ຂັດຂວາງ​ບໍ່​ໃຫ້​ສານ​ສູງ​ສຸດຈາກ​ການມີ​ພະນັກງານ​ພຽງ ພໍ ​ແລະ​ປະຕິບັດ​ງານ​ດັ່ງ​ທີ່​ຜູ້​ກໍ່​ຕັ້ງປະ​ເທດ​ຂອງ​ພວກ​ເຮົາ​ໄດ້ຕັ້ງ​ໃ​ຈ​ເອົາ​ໄວ້ ​ແລະ​ສະ ຖານະ​ການ​ມື້​ນີ້ ​ໄດ້ເນັ້ນ​ໃຫ້​ເຫັນ ​ໃນ​ລະດັບທີ່​ສານ​ບໍ່​ສາມາດ​ປະຕິບັດ​ໄດ້ ໃນ​ວິທີ ທາງ​ທີ່ຄວນຈະ​ເປັນ.”

​ແຕ່​ປະທານາທິບໍດີ​ຍັງ​ໄດ້​ສ​ະ​ແດງ​ເຖິງ​ຄວາ​ມໝັ້ນ​ໃຈ​ວ່າ ການ​ປະຕິ​ຮູບກ່ຽວ​ກັບ​ຄົນ​ເຂົ້າ​ເມືອງ​ໃນ​ທີ່​ສຸດກໍຈະ​ເກີດ​ຂຶ້ນ ​ເພາະວ່າ​ສະພາ​ບໍ່​ສາມາດ​ທີ່​ຈະເມີນ​ເສີຍ​ຕໍ່ບັນ​ຫານີ້​ໄດ້​ຕະ ຫລອດໄປ. ຜູ້ນຳ​ສຽງ​ສ່ວນ​ນ້ອຍ ​ໃນ​ສະພາ​ຕ່ຳ​ສະຫະລັດ ທ່ານ​ນາງ Nancy Polosi ກ່າວ​ຕໍ່​ບັນດາ​ນັກ​ຂ່າວ​ວ່າ ບັນດາ​ອົງການ​ທຸລະ​ກິດ​ຕ່າງໆ​ຢູ່​ທົ່ວ​ປະ​ເທດ ​ໄດ້​ສະ​ແດ​ງອອກ​ໃຫ້​ເຫັນ​ເຖິງ​ຄວາມ​ຈຳ​ເປັນ​ໃນ​ການທີ່​ຈະ​ຕ້ອງ​ປະຕິ​ຮູບ​ຄົນ​ເຂົ້າ​ເມືອງ.

ທ່ານ​ນາງ Pelosi ກ່າວ​ວ່າ “​ແຕ່​ລະ​ກຸ່ມ​ທີ່​ທ່ານ​ໄດ້ພົບ ບໍ່​ທາງ​ໃດ​ກໍ​ທາງ​ນຶ່ງ ​ເວົ້າເຖິງ​ຄວາມ​ຈຳ​ເປັນ​ ກ່ຽວ​ກັບ​ການ​ປະຕິ​ຮູບຄົນ​ເຂົ້າເມືອງ​ຮອບດ້ານ. ​ຜູ້ຄົນ​ຈຸ​ ດຽວ​ທີ່​ເບິ່ງ​ຄື​ວ່າບໍ່​ເຂົ້າ​ໃຈ ​ແລະ​ອີກ​ເທຶ່ອນຶ່ງ ​ເປັນ​ທີ່ນິຍົມກັນດີ​ຢ່າງ​ກວ້າງຂວາງຢູ່ ໃນໝູ່​ປະ ຊາຊົນ​ນັ້ນ ຜູ້ຄົນ​ທີ່ເບິ່ງ​ຄືວ່າ​ທີ່​ບໍ່ເຂົ້າ​ໃຈນັ້ນ ​ແມ່ນ​ບັນດາ​ສະມາຊິກ​ພັກຣີພັບ​ບລິ​ກັນຢູ່​ໃນ​ສະພາ​ຕໍ່າ.”

ສ່ວນສະມາຊິກ​ພັກຣີພັບ​ບລິກັນແລ້ວ ​ໄດ້​ກ່າວອ້າງ​ວ່າ ປະຊາທິປະ​ໄຕເປັນ​ຜູ້​ໄດ້ຮັບ​ໄຊຊະ ນະ ໃນ​ມື້​ດັ່ງ​ກ່າວ.

ທ່ານ Paul Ryan ປະທານ​ສະພາ​ຕໍ່າ ກ່າວ​ວ່າ “ລັດຖະສະພາ ບໍ່​ແມ່ນ​ປະ​ທາ​ນາ​ທິບໍດີ​ ເປັນ​ຜູ້ຂຽນ​ກົດໝາຍ​ໃຫ້​ພວກ​ເຮົາ ​ແລະ​ມື້​ນີ້​ສານ​ສູງ​ສຸດກໍ​ໄດ້​ຢືນຢັນ​ວ່າ ຫລັກການ​ທີ່​ເປັນ​ຈຸດ​ໃຈກາງ ມີຄວາມເປັນ​ຈຳເປັນ​ຫລັກ​ພື້ນຖານນັ້ນ ​ແມ່ນຖືກຕ້ອງ”

ພັກຣີພັບ​ບລິ​ກັນ ມີ​ຄວາມ​ຫວັງ ​ທີ່​ຈະ​ໄດ້​ເຂົ້າຄຸມທຳນຽບຂາ​ວຄືນ​ອີກ ​ໃນການເລື​ອກຕັ້ງ​ໃນ​ເດືອນ​ພະຈິກ​ຈະ​ມາ​ເຖິງ​ນີ້ ດ້ວຍ​ການ​ສະໜັບ​ສະ​ໜູນ​ຈາກ​ບັນດາ​ຜູ້ ມີ​ສິດ​ປ່​ອນບັດທີ່​ຕ້ອງ ການ​ຢາກ​ໃຫ້ກົດໝາຍ​ຄົນ​ເຂົ້າເມືອງທີ່ເຄັ່ງ​ຄັດ.

ສະ​ມາ​ຊິກສະພາ​ສູງ ທ່ານ Jeffrey Sessions ຈາກພັກຣີພັບ​ບລິ​ກັນ ກ່າວ​ວ່າ “ທ່ານ​ນາງ Hillary Clinton ແມ່ນ​ອ່ອນກວ່າ ປະທານາທິບໍດີ Obama ອີກ. ທ່ານ​ນາງ Hillary Clinton ​ໄດ້​ກ່າວ​ວ່າ ທ່ານ​ນາງ​ຈະ​ບໍ່​ເນລະ​ເທດ​ຜູ້​ໃດ​ຜູ້​ນຶ່ງ ​ເລີຍຍົກ​ເວັ້ນ​ແຕ່ເຂົາ​ເຈົ້າ​ກະທຳ​ຜິດ​ຮຸນ​ແຮງ ຫລື​ກໍ່​ການ​ຮ້າຍ.”

ຜູ້ສະໝັກ​ປະທານາທິບໍດີ​ພັກຣີພັບ​ບລິ​ກັນ ທ່ານ Donald Trump ​ໄດ້​ໃຫ້​ຄຳ​ໝັ້ນ​ສັນຍາ ​ທີ່​ຈະ​ເອົາ​ມາດ​ຕະການ​ເຄັ່ງ​ຄັດ​ກັບ​ຄົນ​ເຂົ້າ​ເມືອງ​ຜິດກົດໝາຍ ຖ້າ​ຫາກ​ຖືກ​ເລືອກ. ​ແຕ່່​ຊາວ​ອາ​ເມຣິກັນ​ຫລາຍ​ຄົນ​ພິຈາລະນາ​ວ່າ ການ​ເນລະ​ເທດບໍ່​ມີ​ມະນຸດ​ສະທຳ ​ແລະ​ກົງກັນຂ້າມ​ກັບ ຫຼັກ​ຄຸນຄ່າ​ຂອງປະ​ເທດ​ນີ້ ​ທີ່​ໄດ້​ກໍ່​ຕັ້ງ​ຂຶ້ນ​ມາ.

XS
SM
MD
LG