ປະທານາທິບໍດີ ສະຫະລັດ ທ່ານບາຣັກ ໂອບາມາ ກ່າວວ່າ
ພວກແມ່ຍິງ ຊາວອາເມຣິກັນເຊື້ອສາຍອາຟຣິກາ ສືບຕໍ່ປະເຊີນ
ໜ້າກັບອຸປະສັກຕ່າງໆ ເພື່ອທີ່ຈະປະສົບຄວາມສຳເລັດ ທີ່ຍາວ
ນານຫຼາຍກວ່າ 5 ທົດສະວັດມາແລ້ວ ຫຼັງຈາກຈຸດເລີ້ມຕົ້ນຂອງ
ການເຄື່ອນໄຫວເພື່ອສິດທິພົນລະເຮືອນ. ໃນການກ່າວຄຳປາໄສ
ເມື່ອວັນເສົາວານນີ້ ຢູ່ທີ່ ງານລ້ຽງອາຫານຄ່ຳ ມອບລາງວັນ ຂອງ
ມູນນິທິ ສະພານິຕິບັນຍັດ ຊາວຜິວດຳ ປະຈຳປີ ໃນນະຄອນຫຼວງ
ວໍຊິງຕັນ ທ່ານໂອບາມາ ໄດ້ຍ້ອງຍໍ ບົດບາດຂອງພວກແມ່ຍິງ
ຜິວດຳ ທີ່ຕົນມີ ໃນການຕໍ່ສູ້ເພື່ອສິດທິພົນລະເຮືອນ ຈາກການ
ວາງແຜນຍຸດທະສາດ ການຂວ້ຳບາດ ໄປເຖິງການຈັດແຈງການ
ເດີນຂະບວນຕ່າງໆ ເຖິງແມ່ນວ່າ ພວກເຂົາຈະບໍ່ຢູ່ໃນຖານະເປັນ
ຜູ້ນຳກໍຕາມ.
ແຕ່ທ່ານກ່າວອີກວ່າ ໃນຂະນະທີ່ພວກແມ່ຍິງຜິວດຳ ແລະ ພວກເດັກຍິງ ໃນສະຫະລັດ ໄດ້ມີຄວາມກ້າວໜ້າ ໃນດ້ານການສຶກສາ ແລະ ເສດຖະກິດ ພວກເຂົາກໍຍັງເບິ່ງຄືວ່າ ຈະຕົກຢູ່ໃນສະພາບຄວາມທຸກຍາກຫຼາຍຂຶ້ນ ຍ້ອນການເຮັດວຽກ ທີ່ມີຄ່າຈ້າງທີ່ຕ່ຳ ແລະ ຖືກຈັບຄຸມຂັງໃນອັນຕາສອງເທົ່າ ເມື່ອທຽບກັບພວກແມ່ຍິງຜິວຂາວ. ທ່ານໄດ້ກ່າວວ່າ ອັດຕາທີ່ສູງຂອງການຄຸມຂັງ ສ່ວນໃຫຍ່ ແມ່ນເປັນຜົນມາຈາກ "ການລ່ວງລະເມີດທາງເພດ ທີ່ຊົ່ວຮ້າຍ ໄປເຖິງ ຂະບວນການ ຖືກຂັງຄຸກ" ຊຶ່ງເປັນການກະທຳທີ່ສະເທືອນໃຈ ພວກແມ່ຍິງ ອັນເປັນເຫດເຮັດໃຫ້ ພວກເຂົາກັບຄືນໄປກໍ່ອາຊະກຳອີກ.
