ລິ້ງ ສຳຫລັບເຂົ້າຫາ

ທໍານຽບຂາວສະແດງ ໃບລາຍເກີດຕົວຈິງ ຂອງປະທານາທິບໍດີໂອບາມາ

  • ທອງປານ ເທບວົງສາ

ສໍາເນົາໃບລາຍເກີດຂອງທ່ານໂອບາມາ

ປະທານາທິບໍດີບາຣັກ ໂອບາມາ ໄດ້ເອົາໃບລາຍເກີດຫລືໃບຊະຕາ ສະບັບດັ້ງເດີມຂອງ ທ່ານອອກມາເປີດເຜີຍໃຫ້ສາທາລະນະຊົນຮູ້ເຫັນ ຊຶ່ງທ່ານຫວັງວ່າຈະຍຸຕິຂໍ້ໂຕ້ແຍ້ງ ກ່ຽວ ກັບບ່ອນເກີດຂອງທ່ານ ແລະຄຸນນະສົມບັດໃນການເປັນປະທານາທິບໍດີຂອງທ່ານ. ດັ່ງທີ່ ຜູ້ສື່ຂ່າວວີໂອ Kent Klien ລາຍງານມາຈາກທໍານຽບຂາວນັ້ນ ປະທານາທິບໍດີໂອບາມາ ໄດ້ກ່າວວ່າ ອັນທີ່ເອີ້ນກັນວ່າ ຂໍ້ໂຕ້ແຍ້ງກ່ຽວກັບບ່ອນການເກີດຂອງທ່ານນັ້ນ ແມ່ນໄດ້ ລົບກວນຫັນເຫປະເທດ ອອກຈາກພວກບັນຫາທີ່ໜັກໜ່ວງຂອງຊາດ. ທອງປານມີລາຍ ລະອຽດ ມາສະເໜີທ່ານໃນອັນດັບຕໍ່ໄປ

ພວກເຈົ້າໜ້າທີ່ປະຈໍາທໍານຽບຂາວໄດ້ແຈກຢາຍສໍາເນົາຂອງ
ໃບລາຍເກີດຕົວຈິງ ທີ່ສະແດງ ໃຫ້ເຫັນວ່າປະທານາທິບໍດີ
ໂອບາມາເກີດຢູ່ໃນສະຫະລັດແທ້.

ປະທານາທິບໍດີໂອບາມາ ໄດ້​ໂອ້​ລົມກັບພວກນັກຂ່າວເມື່ອ
ວັນພຸດທີ່ຜ່ານມານີ້ ແລະໄດ້ສົມ ທຽບຂໍ້ໂຕແຍ້ງກ່ຽວ​ກັບ​
ເລື້ອງ​ນີ້ ​ໃສ່ການຮ້ອງໂຮຢູ່​ບຸນ​ບັ້ນ​ນຶ່ງ ​ໃນ​ໄລຍະທີ່ທ່ານ
ເອີ້ນວ່າ ຊ່ວງເວລາທີ່ໜັກໜ່ວງຊ່ວງນຶ່ງຂອງ​ປະ​ເທດ.

ປະທານາທິບໍດີໂອບາມາກ່າວວ່າ “ພວກເຮົາຈະບໍ່ສາ
ມາດແກ້ໄຂບັນຫາຕ່າງໆຂອງຊາດເຮົາໄດ້ ຖ້າ
ຫາກພວກເຮົາຖືກລົບກວນດ້ວຍເລຶ່ອງປີກຍ່ອຍ ແລະພວກທີ່ເຫົ່າຫອນນັ້ນ.”

ທ່ານໂອບາມາກ່າວຕື່ມວ່າ ການ​ຮ້ອງ​ໂຮ​ກ່ຽວ​ກັບ​ເລື້ອງນີ້ ​ໄດ້ລົບກວນ​ແລະ​ຫັນ​ເຫຄວາມ ສົນໃຈ​ໄປຈາກບັນຫາຕ່າງໆ ທີ່ກະທົບຊາວອາເມຣິກັນທັງ ຫລາຍຢູ່ໃນເວລານີ້ ເປັນຕົ້ນວ່າ ອັດຕາການຫວ່າງງານທີ່​ຍັງ​ບໍ່​ລົດ​ລົງ ແລະລາຄານໍ້າມັນ ແອສຊັງ ທີ່​ແພງຂຶ້ນ​ນັ້ນ. ປະທານາທິບໍດີໂອບາມາກ່າວວ່າ:

ທ່ານໂອບາມາ ຖະແຫລງຕໍ່ກອງປະຊຸມ ນັກຂ່າວ ກ່ຽວກັບການເປີດເຜີຍໃບລາຍ ເກີດຂອງທ່ານ, ວັນທີ 27 ເມສາ 2011
ທ່ານໂອບາມາ ຖະແຫລງຕໍ່ກອງປະຊຸມ ນັກຂ່າວ ກ່ຽວກັບການເປີດເຜີຍໃບລາຍ ເກີດຂອງທ່ານ, ວັນທີ 27 ເມສາ 2011

“ພວກເຮົາບໍ່ມີເວລາສໍາລັບເລື່ອງ​ໄຮ້​ສາ
ລະ​ແບບນີ້. ພວກເຮົາມີ​ສິ່ງ​ທີ່​ດີ​ກ່ວາ​ນີ້
ທີ່​ຈະຕ້ອງ​ໄດ້​ເຮັດ. ຂ້າພະເຈົ້າເອງກໍມີ
ສິ່ງທີ່ຈະເຮັດ ຈະທໍາທີ່ດີກວ່ານີ້. ພວກ
ເຮົາມີບັນຫາໃຫຍ່ໆທີ່ຈະຕ້ອງ​ໄດ້ແກ້
ໄຂ ແລະຂ້າພະເຈົ້າກໍໝັ້ນໃຈວ່າພວກ
ເຮົາຈະສາມາດແກ້ໄຂໄດ້ ແຕ່ພວກ
ເຮົາກໍຕ້ອງມຸ້ງໝັ້ນຈົດຈໍ່ ໃສ່ໃນບັນຫາ
ເຫລົ່ານັ້ນ ບໍ່ແມ່ນເລຶ່ອງໃບລາຍເກີດ ຂອງຂ້າພະເຈົ້າ.”

ຕາມລັດຖະທໍາມະນູນຂອງສະຫະລັດແລ້ວ
ຜູ້ທີ່ຈະເປັນປະທານາທິບໍດີ ຈະຕ້ອງເປັນພົນ
ລະ​ເມືອງອາເມຣິກັນ ໃນເວລາເກີດ.

ແຕ່ພວກຝ່າຍຄ້ານທາງການເມືອງຂອງທ່ານໂອບາມາບາງຄົນ ທີ່ຖືກ​ເອີ້ນຊື່ນ້ອຍວ່າ
“Birther” ຫລື ພວກທີ່​ບໍ່​ເຊື່ອ​ວ່າ​ທ່ານ​ໂອ​ບາ​ມາ​ເກີດ​ຢູ່​ສະຫະລັດນັ້ນ ໄດ້ຕັ້ງຄໍາຖາມວ່າ
ທ່ານໂອບາມາ​ໄດ້​ສະ​ແດງຫລັກຖານ ຢືນຢັນການເກີດໃນສະຫະລັດ ແລະຄຸນນະສົມບັດ ເປັນປະທານາທິບໍດີຂອງທ່ານຢ່າງພຽງພໍຫລືບໍ່? ບາງຄົນກໍກ່າວຫາວ່າທ່ານໂອບາມາ
ເກີດຢູ່ໃນປະເທດເຄນຢາ ຊຶ່ງເປັນປະເທດບ້ານເກີດຂອງພໍ່ຂອງທ່ານໂອບາມາ ໂດຍທີ່
ພວກເຂົາເຈົ້າອ້າງຄວາມສົງໃສຂອງ​ພວກ​ເຂົາ​ເຈົ້າ​ວ່າ ມີພື້ນຖານມາ​ຈາກ​ການທີ່ທ່ານໂອ
ບາມາ ບໍ່ໄດ້ຍື່ນສະ​ແດງໃບລາຍເກີດຕົວຈິງຂອງທ່ານ.

ໃນປີ 2008 ໜ່ວຍໂຄສະນາຫາສຽງຂອງທ່ານໂອບາມາ ໄດ້ນໍາສະ​ເໜີເອກະສານທາງ ການຂອງລັດຮາວາຍສະບັບນຶ່ງທີ່ເອີ້ນວ່າ “ໜັງສືຢັ້ງຢືນການເກີດ” ຊຶ່ງເອກະສານດັ່ງກ່າວ ແມ່ນ​ເຮັດອອກ​ໃນ​ເວລາ​ດົນ​ຕໍ່​ມາ​ ຫລັງ​ຈາກ​ວັນ​ເກີດ​ຂອງ​ທ່ານ​ໂອມາ​ບາ ​ແລະໃຫ້ຂໍ້ມູນກ່ຽວ​ກັບພໍ່ແມ່ຂອງທ່ານ ວັນເວລາ ແລະບ່ອນເກີດຂອງ​ທ່ານ.

ລັດຖະບານສະຫະລັດໄດ້ຮັບເອົາເອກະສານສະບັບນັ້ນເປັນຫລັກຖານການເກີດ ແລະປະທາ ນາທິບໍດີ​ໂອ​ບາ​ມາ​ໄດ້ກ່າວວ່າ ນັ້ນກໍ​ຄວນ​ຈະ​ເປັນ​ການພຽງພໍທີ່ຈະຍຸຕິເລຶ່ອງນີ້ໄດ້ແລ້ວ. ທ່ານໂອບາມາກ່າວວ່າ

“​ໄດ້ມີເຈົ້າໜ້າທີ່ທຸກໆ​ຄົນຢູ່ໃນລັດຮາວາຍ ທີ່ເປັນທັງຝ່າຍ ເດໂມແຄຣທ ແລະຣີພັບລິກັນ ທຸກໆວົງການຂ່າວ ທີ່ໄດ້ສືບສວນສອບສວນ ໃນເລຶ່ອງນີ້ ແລະຢືນຢັນວ່າ ຖືກຕ້ອງແລ້ວ ຄວາມຈິງກໍຄືວ່າ ຂ້າພະເຈົ້າເກີດຢູ່ ຮາວາຍ ເມື່ອວັນທີ່ 4 ເດືອນສິງຫາ ປີ 1961 ທີ່ໂຮງໝໍ Kapiolani.”

ແຕ່​ຂໍ້​ໂຕ້​ແຍ້​ງ​ເລຶ່ອງນີ້​ກໍ​ຍັງດໍາ​ເນີນ​ສືບ​ຕໍ່​ມາ ​ໂດຍ​ມີຝ່າຍຣີພັບ​ລິ​ກັນ 45 ​ເປີ ​ເຊັນ​ຂອງ​ພວກທີ່​ຖືກ​ຖາມ​ໃນ​ການ​ຫຍັ່ງ​ສຽງ​ມະຫາຊົນຂອງ CBS/New York Times ​ເມື່ອ​ໝໍ່ໆ​ມາ​ນີ້ ເວົ້າ​ວ່າ ພວກ​ເຂົາ​ເຈົ້າ​ເຊຶ່ອວ່າ ທ່ານ​ໂອ​ບາ​ມາ​ບໍ່​ໄດ້​ເກີດ​ຢູ່​ໃ ສະຫະລັດ​ແທ້.

ດ້ວຍ​ເຫດ​ນີ້ ປະທານາທິບໍດີ ​ໂອ​ບາ​ມາ ຈຶ່ງ​ໄດ້​ຮ້ອງ​ຂໍ​ໄປ​ຍັງ​ລັດ​ຮາ​ວາຍ​ໃຫ້ງົດ ນະ​ໂຍບາ​ຍ ປົກະຕິ​ຂອງ​ຕົນ​ນັ້ນ​ໄວ້​ກ່ອນ ​ແລະ​ອະນຸຍາດ​ໃຫ້​ນໍາ​ເອົາ​ສໍ​າ​ເນົາ​ໃບ​ເກີດ​ຕົວ​ຈິງ​ຂອງ​ທ່ານ​ ອອກ​ເປີດ​ເຜີຍ​ໃຫ້​ສາທາລະນະ​ຊົນ​ຮູ້ເຫັນ.

ທ່ານ Donald Trump
ທ່ານ Donald Trump

ທ່ານ Donald Trump
ນັກທຸລະ​ກິດໃຫຍ່​ຝ່າຍຊື້​ຂາຍ
ບ້ານ​ແ​ລະ​ທີ່​ດິນ​ແລະ​ເຈົ້າ​ຂອງ
ລາຍການທີ​ວີ ຊຶ່ງ​ອາດຈະ​ເປັນ
ຜູ້​ລົງ​ສະໝັກ​ເລືອກ​ຕັ້ງ​ປະທາ
ນາທິບໍດີ​ສະຫະລັດ​ປີ 2012
ນັ້ນ ​ໄດ້​ຕັ້ງຄໍາ​ຖາມ​ຊໍ້າ​ແລ້ວ
ຊໍ້າ​ອີກ​ກ່ຽວ​ກັບ​ການ​ເກີດ ​ຂອງ​ປະທານາທິບໍ​ດີ​ໂອ​ບາ​ມາ​.

ເມື່ອ​ວັນ​ພຸດ​ທີ່​ຜ່ານ​ມາ​ນີ້ ທ່ານ​ດໍ​ໂນລ ທຣັມ ​ໄດ້​ອ້າງ​ເອົາ​ຄວາມ​ດີ​ຄວາມ​ຊອບ​ໃນ​ການ​ບີບບັງຄັບ​ໃຫ້ມີ​ການ​ນໍາ​ເອົາ​ມາ​ເປີ​ດ​ເຜີຍ ​ໃບ​ເກີດ​ຕົວ​ຈິງ​ຂອງ​ປະທານາທິ ບໍດີ​ໂອ​ບາ​ມາ ​ແລະ​ທ່ານທຣັມ ກໍຫວັງ​ວ່າ ​ເລຶ່ອງນີ້​ຈະ​ຍຸດຕິ​ລົງ​ໄປ.

ຂ້າພະ​ເຈົ້າກໍ​ຢາກ​ຈະ​ເບິ່ງໃບ​ເກີດ​ນັ້ນ​ຢູ່ ​ແຕ່​ຂ້າພະ​ເຈົ້າກໍ​ຫວັງ​ວ່າມັນ​ເປັນຄວາມ ຈິງ ​ເພື່ອ​ວ່າ​ພວກ​ເຮົາ​ຈະສາມາດ​ຫັນ​ເຫ​ໄປ​ໃສ່​ໃນ​ເລຶ່ອງທີ່​ສໍາຄັນ​ຫລາຍ​ກວ່າ​ນີ້ ​ແລະ​ພວກ​ນັກ​ຂ່າວ​ກໍ​ຈະ​ຢຸດ​ຊັກ​ຖາມ​ຂ້າພະ​ເຈົ້າ​ໃນ​ເລຶ່ອງນີ້. ທ່ານ​ໂອ​ບາ​ມາຄວນ ​ຈະ​ເຮັດ​ສິ່ງ​ນີ້​ມາ​ແຕ່​ດົນ​ນານ​ແລ້ວ.”

ພວກ​ເຈົ້າໜ້າ​ທີ່​ປະຈໍາ​ທໍານຽບຂາວ​ຫວັງ​ວ່າ ການ​ປະກາດ​ກ່ຽວກັບ​ເລື້ອງ​ນີ້ ​ແມ່ນ​ຈະ​ອໍາ​ນວຍ​ໃຫ້​ພວກ​ເຂົາ​ເຈົ້າກ້າວ​ເດີນ​ຕໍ່​ໄປ​ຂ້າງ​ໜ້າ​ ກ່ຽວ​ກັບ​ເລຶ່ອງທີ່ໜັກໜ່ວງ​ຫລາຍ​ກວ່າ​ນີ້.

XS
SM
MD
LG