ປະທານາທິບໍດີ ສະຫະລັດ ທ່ານ Barack Obama ສາບານ
ໂຕເຂົ້າຮັບຕໍາແໜ່ງອີກຄັ້ງນຶ່ງ ໃນວັນຈັນມື້ນີ້ ຢູ່ໃນພິທີສາທາ
ລະນະ ຢູ່ພາກຕາເວັນຕົກຕໍ່ໜ້າຕຶກລັດຖະສະພາ ບ່ອນທີ່ທ່ານ
ຈະກ່າວຄໍາປາໄສກ່ອນທີ່ຈະໄປຮ່ວມຍ່າງ ໃນການເດີນສວນ
ສະໜາມ ເພື່ອເປັນຂີດໝາຍການເລີ້ມຕົ້ນການຄອງຕໍາແໜ່ງ
ສະໄໝທີສອງຂອງທ່ານ.
ຄາດວ່າ ຈະມີຝຸງຊົນປະມານ 800,000 ຄົນ ມາເຕົ້າໂຮມກັນຢ່າງໜາແໜ້ນ ຢູ່ບໍລິເວນ ສະໜາມຫລວງແຫ່ງຊາດ ເພື່ອເປັນສັກຂີພິຍານ ໃນເຫດການດັ່ງກ່າວ.
ຈໍານວນຄົນດັ່ງກ່າວນີ້ ແມ່ນຍັງໜ້ອຍກວ່າ ໃນພິທີຮັບຕໍາແໜ່ງຂອງທ່ານ ຄັ້ງທໍາອິດ ຊຶ່ງເວລານັ້ນ ມີເກືອບຮອດ 2 ລ້ານຄົນ
ທີ່ພາກັນມາເບິ່ງພິທີສາບານໂຕ ຂອງປະທານາທິບໍດີ ຜິວດໍາ
ຜູ້ທໍາອິດຂອງປະເທດ.
ທ່ານ Obama ໄດ້ສາບານໂຕເຂົ້າຮັບຕໍາແໜ່ງຢ່າງເປັນທາງການແລ້ວ ໃນວັນອາທິດວານນີ້ ເພາະວ່າ ລັດຖະທໍາມະນູນຂອງສະຫະລັດ ບົ່ງວ່າ ປະທານາທິບໍດີ ຕ້ອງສາບານໂຕໃນວັນທີ 20 ເດືອນມັງກອນ. ຫົວໜ້າສານສູງສຸດ ທ່ານ John Roberts ເປັນຜູ້ທໍາພິທີສາ ບານໂຕ ດັ່ງທີ່ທ່ານໄດ້ເຮັດໃຫ້ ທ່ານໂອບາມາ ໃນປີ 2009.
ທ່ານ Obama ຈະສາບານໂຕອີກໃນວັນຈັນມື້ນີ້ ໂດຍການໃຊ້ປື້ມຄໍາພີ Bible ທີ່ມີຄວາມສໍາຄັນທາງປະຫວັດສາດສອງຫົວ ຫົວນຶ່ງມາຈາກ ສັດຕະວັດທີ 19 ທີ່ເປັນຂອງປະທາ
ນາທິບໍດີ Abraham Lincoln ແລະອີກຫົວນຶ່ງເປັນຂອງຜູ້ນໍາດ້ານສິດທິພົນລະເມືອງ ທ່ານ Matin Luther King Jr ຜູ້ທີ່ຖືກສັງຫານໃນປີ 1968.
ພິທີເຂົ້າຮັບຕໍາແໜ່ງປະທານາທິບໍດີໃນວັນຈັນມື້ນີ້ ແມ່ນກົງກັນກັບວັນພັກລາດຊະການ
ທີ່ເປັນຂີດໝາຍ ວັນເກີດຂອງຂອງທ່ານ King.
![The Second Inauguration of President Barack Obama]()
Photo Gallery:
ຫລັງຈາກພິທີສາບານໂຕໃນວັນຈັນມື້ນີ້ ທ່ານ Obama ແລະພັນລະຍາ ທ່ານນາງ Michelle ກໍຈະນັ່ງລົດແຫ່ ກັບຄືນໄປທໍານຽບຂາວ ຫ້ອມລ້ອມໄປດ້ວຍຂະບວນ ລົດຈັກຕໍາຫລວດ. ພວກທ່ານ ອາດຈະອອກຈາກລົດ ຢູ່ບ່ອນໃດບ່ອນນຶ່ງ ແລ້ວພາກັນຍ່າງໄລຍະທາງສ່ວນນຶ່ງ ດັ່ງທີ່ໄດ້ເຮັດເມື່ອ ສີ່ປີກ່ອນ.
ໃນຕອນແລງ ຄອບຄົວ Obama ຈະໄປຮ່ວມ ໃນງານລ້ຽງສະຫລອງ ຢ່າງເປັນທາງການ ຊຶ່ງຈັດຂຶ້ນສອງແຫ່ງ ກົງກັນຂ້າມຢ່າງຫລວງຫລາຍ ກັບງານລ້ຽງສະຫລອງທີ່ຈັດຂຶ້ນ 10 ແຫ່ງໃນປີ 2009 ນັ້ນ.
ເບິ່ງວີດິໂອ ກ່ຽວກັບປະຊາຊົນ ທີ່ພາກັນລຸຫລັ່ງໄປຮ່ວມພິທີສາບານໂຕ ຕັ້ງແຕ່ເຊົ້າມືດ:
ໂຕເຂົ້າຮັບຕໍາແໜ່ງອີກຄັ້ງນຶ່ງ ໃນວັນຈັນມື້ນີ້ ຢູ່ໃນພິທີສາທາ
ລະນະ ຢູ່ພາກຕາເວັນຕົກຕໍ່ໜ້າຕຶກລັດຖະສະພາ ບ່ອນທີ່ທ່ານ
ຈະກ່າວຄໍາປາໄສກ່ອນທີ່ຈະໄປຮ່ວມຍ່າງ ໃນການເດີນສວນ
ສະໜາມ ເພື່ອເປັນຂີດໝາຍການເລີ້ມຕົ້ນການຄອງຕໍາແໜ່ງ
ສະໄໝທີສອງຂອງທ່ານ.
ຄາດວ່າ ຈະມີຝຸງຊົນປະມານ 800,000 ຄົນ ມາເຕົ້າໂຮມກັນຢ່າງໜາແໜ້ນ ຢູ່ບໍລິເວນ ສະໜາມຫລວງແຫ່ງຊາດ ເພື່ອເປັນສັກຂີພິຍານ ໃນເຫດການດັ່ງກ່າວ.
ຈໍານວນຄົນດັ່ງກ່າວນີ້ ແມ່ນຍັງໜ້ອຍກວ່າ ໃນພິທີຮັບຕໍາແໜ່ງຂອງທ່ານ ຄັ້ງທໍາອິດ ຊຶ່ງເວລານັ້ນ ມີເກືອບຮອດ 2 ລ້ານຄົນ
ທີ່ພາກັນມາເບິ່ງພິທີສາບານໂຕ ຂອງປະທານາທິບໍດີ ຜິວດໍາ
ຜູ້ທໍາອິດຂອງປະເທດ.
ທ່ານ Obama ໄດ້ສາບານໂຕເຂົ້າຮັບຕໍາແໜ່ງຢ່າງເປັນທາງການແລ້ວ ໃນວັນອາທິດວານນີ້ ເພາະວ່າ ລັດຖະທໍາມະນູນຂອງສະຫະລັດ ບົ່ງວ່າ ປະທານາທິບໍດີ ຕ້ອງສາບານໂຕໃນວັນທີ 20 ເດືອນມັງກອນ. ຫົວໜ້າສານສູງສຸດ ທ່ານ John Roberts ເປັນຜູ້ທໍາພິທີສາ ບານໂຕ ດັ່ງທີ່ທ່ານໄດ້ເຮັດໃຫ້ ທ່ານໂອບາມາ ໃນປີ 2009.
ທ່ານ Obama ຈະສາບານໂຕອີກໃນວັນຈັນມື້ນີ້ ໂດຍການໃຊ້ປື້ມຄໍາພີ Bible ທີ່ມີຄວາມສໍາຄັນທາງປະຫວັດສາດສອງຫົວ ຫົວນຶ່ງມາຈາກ ສັດຕະວັດທີ 19 ທີ່ເປັນຂອງປະທາ
ນາທິບໍດີ Abraham Lincoln ແລະອີກຫົວນຶ່ງເປັນຂອງຜູ້ນໍາດ້ານສິດທິພົນລະເມືອງ ທ່ານ Matin Luther King Jr ຜູ້ທີ່ຖືກສັງຫານໃນປີ 1968.
ພິທີເຂົ້າຮັບຕໍາແໜ່ງປະທານາທິບໍດີໃນວັນຈັນມື້ນີ້ ແມ່ນກົງກັນກັບວັນພັກລາດຊະການ
ທີ່ເປັນຂີດໝາຍ ວັນເກີດຂອງຂອງທ່ານ King.
The Second Inauguration of President Barack Obama
Monday's public inauguration ceremony will be witnessed by hundreds of thousands of people on the National Mall in Washington, DC.
ຫລັງຈາກພິທີສາບານໂຕໃນວັນຈັນມື້ນີ້ ທ່ານ Obama ແລະພັນລະຍາ ທ່ານນາງ Michelle ກໍຈະນັ່ງລົດແຫ່ ກັບຄືນໄປທໍານຽບຂາວ ຫ້ອມລ້ອມໄປດ້ວຍຂະບວນ ລົດຈັກຕໍາຫລວດ. ພວກທ່ານ ອາດຈະອອກຈາກລົດ ຢູ່ບ່ອນໃດບ່ອນນຶ່ງ ແລ້ວພາກັນຍ່າງໄລຍະທາງສ່ວນນຶ່ງ ດັ່ງທີ່ໄດ້ເຮັດເມື່ອ ສີ່ປີກ່ອນ.
ໃນຕອນແລງ ຄອບຄົວ Obama ຈະໄປຮ່ວມ ໃນງານລ້ຽງສະຫລອງ ຢ່າງເປັນທາງການ ຊຶ່ງຈັດຂຶ້ນສອງແຫ່ງ ກົງກັນຂ້າມຢ່າງຫລວງຫລາຍ ກັບງານລ້ຽງສະຫລອງທີ່ຈັດຂຶ້ນ 10 ແຫ່ງໃນປີ 2009 ນັ້ນ.
ເບິ່ງວີດິໂອ ກ່ຽວກັບປະຊາຊົນ ທີ່ພາກັນລຸຫລັ່ງໄປຮ່ວມພິທີສາບານໂຕ ຕັ້ງແຕ່ເຊົ້າມືດ:
