ພວກຜູ້ນໍາສະຫະລັດແລະອອສເຕຣເລຍໄດ້ປະກາດຂໍ້ຕົກລົງນໍາກັນສະບັບນຶ່ງ ເພື່ອອະນຸຍາດໃຫ້ກໍາລັງຂອງສະຫະລັດມີໜ້າຢູ່ໃນອອສເຕຣເລຍໄດ້.
ປະທານາທິບໍດີສະຫະລັດ ທ່ານບາຣັກ ໂອບາມາ ແລະທ່ານນາງ Julia Gillard ນາຍົກລັດຖະມົນຕີອອສເຕຣເລຍ ໄດ້ປະກາດໃຫ້ພວກນັກຂ່າວຮູ້ ກ່ຽວກັບຂໍ້ຕົກລົງດັ່ງກ່າວ ຫລັງຈາກເສັດສິ້ນການໂອ້ລົມສົນທະນາກັນໃນວັນພຸດມື້ນີ້ ທີ່ນະຄອນຫລວງ Canberra.
ທ່ານນາງ Gillard ກ່າວວ່າ ຂໍ້ຕົກລົງນີ້ອະນຸຍາດໃຫ້ທະຫານມາຣິນສະຫະລັດຈໍານວນ
ໃນລະຫວ່າງ 200 ຫາ 250 ຄົນ ປະຈໍາການຢູ່ໃນພາກເໜືອຂອງອອສເຕຣເລຍໄດ້ໂດຍ
ມີກໍາໜົດສັບປ່ຽນກັນໃນທຸກໆ 6 ເດືອນ. ທ່ານນາງ Gillard ກ່າວຕໍ່ໄປວ່າ ພວກກໍາລັງ
ເຫລົ່ານີ້ຈະເພີ່ມຂຶ້ນໄປຕາມເວລາເປັນຈໍານວນທັງໝົດ 2500 ຄົນແລະກ່າວຕື່ມວ່າ ນອກ
ນັ້ນ ຂໍ້ຕົກລົງຍັງເປີດຖານທັບຂອງອອສເຕຣເລຍໃຫ້ເຮືອບິນຂອງສະຫະລັດໃຊ້ໄດ້ອີກ.
ສ່ວນທ່ານໂອບາມາກ່າວວ່າ ຂໍ້ຕົກລົງສະບັບນີ້ຈະອໍານວຍໃຫ້ສະຫະລັດສາມາດສະໜອງ
ຕອບໄດ້ດີຂຶ້ນຕໍ່ຄວາມຮຽກຮ້ອງຕ້ອງການການຊ່ອຍເຫລືອທາງດ້ານມະນຸດສະທໍາແລະ
ໄພພິບັດຕະຫຼອດທັງການທ້າທາຍຕ່າງໆທາງດ້ານຄວາມປອດໄພ.
ທ່ານໂອບາມາກ່າວອີກວ່າ ຂໍ້ຕົກລົງສະບັບນີ້ຈະຊ່ອຍຮັກສາໂຄງຮ່າງດ້ານຄວາມປອດໄພ
ຂອງພາກພື້ນເອເຊຍປາຊີຟິກໄວ້ ແລະຈະເຮັດໃຫ້ງ່າຍຂຶ້ນສໍາລັບພວກກໍາລັງຂອງສະຫະ
ລັດໃນການເຝິກແອບແລະຊ້ອມລົບກັບພວກທະຫານທີ່ມາຈາກປະເທດອື່ນໆໃນພາກພື້ນ
ແລະເພື່ອເຝິກ ຝົນແລະປະກອບອຸບປະກອນໃຫ້ພວກປະເທດນ້ອຍໆເພື່ອໃຫ້ເຂົາເຈົ້າສາ
ມາດທໍາການຕອບໂຕໄດ້ໄວຂຶ້ນຕໍ່ວິກິດການຕ່າງໆນັ້ນ.
ເບິ່ງວີດີໂອ ລາຍງານກ່ຽວກັບການຢ້ຽມຢາມຂອງທ່ານໂອບາມາທີ່ອອສເຕຣເລຍ:
