ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ກ່າວຊົມເຊີຍສໍາພັນທະມິດລະຫວ່າງ
ສະຫະລັດແລະອອສເຕຣເລຍໃນລະຫວ່າງການຢ້ຽມຢາມຖານທັບແຫ່ງນຶ່ງທີ່ເມືອງ
Darwin ໃນວັນພະຫັດມື້ນີ້ ຊຶ່ງເປັນເມືອງທີ່ຈະມີທະຫານຂອງສະຫະລັດ ໃນຈໍານວນ
ຫລາຍເຖິງ 2500 ຄົນ ໄປປະຈໍາການຢູ່ ໃນອະນາຄົດໃກ້ໆນີ້.
ທ່ານໂອບາມາໄດ້ຖະແຫລງເຊ່ນນັ້ນ ຕໍ່ພວກທະຫານຂອງສະຫະລັດແລະອອສເຕຣເລຍ
ກ່ອນອອກເດີນທາງໄປຮ່ວມກອງປະຊຸມສຸດຍອດ ເອເຊຍຕາເວັນອອກ ທີ່ເກາະບາຫລີ
ອິນໂດເນເຊຍ. ກ່ອນກ່າວຄໍາປາໄສນັ້ນ ທ່ານໂອບາມາໄດ້ໄປວາງພວງມາລາ ເພື່ອລະລຶກ
ເຖິງເຮືອ USS Peary ຊຶ່ງເປັນກໍາປັ່ນກອງທັບເຮືອສະຫະລັດ ທີ່ໄດ້ຖືກທໍາລາຍໂດຍ
ເຮືອບິນຖິ້ມລະເບີດຂອງຍີ່ປຸ່ນໃນປາງສົງຄາມໂລກຄັ້ງທີສອງ.
ກ່ອນໜ້ານັ້ນ ໃນວັນພຸດວານນີ້ ທ່ານໂອບາມາໄດ້ຖະແຫລງຕໍ່ລັດຖະສະພາຂອງອສເຕຣ
ເລຍວ່າ ການເຄື່ອນໄຫວຕ່າງໆໃນພາກພື້ນເອເຊຍປາຊີຟິກ
ສ່ວນໃຫຍ່ແມ່ນຈະເປັນສິ່ງກໍານົດສັດຕະວັດຕໍ່ໄປ ແລະວ່າການມີໜ້າຂອງສະຫະລັດໃນ
ພາກພື້ນດັ່ງກ່າວ ຈະເປັນເລື້ອງບູລິມະສິດຂອງລັດຖະບານຂອງທ່ານ. Sound....
ທ່ານໂອບາມາເວົ້າວ່າ “ແລະພວກເຮົາຈະເສີມສ້າງສະມັດຖະພາບຂອງພວກເຮົາໃຫ້ເຂັ້ມ
ແຂງຕະຫຼອດໄປ ເພື່ອຮັບມືກັບຄວາມຮຽກຮ້ອງຕ້ອງ ການຂອງສັດຕະວັດທີ 21 ນີ້. ຜົນ
ປະໂຫຍດອັນຍາວນານຂອງພວກເຮົາໃນຂົງເຂດ ແມ່ນຮຽກຮ້ອງໃຫ້ພວກເຮົາມີໜ້າຢ່າງ
ຍາວນານຢູ່ໃນຂົງເຂດ. ສະຫະລັດເປັນອໍານາດນຶ່ງໃນເຂດປາຊີຟິກແລະພວກເຮົາຈະຢູ່
ນີ້ຕໍ່ໄປ.”
ຂໍ້ຕົກລົງທີ່ຈະສົ່ງພວກທະຫານຂອງສະຫະລັດໄປປະຈໍາຢູ່ໃນອອສເຕຣເລຍ ທີ່ທ່ານໂອ
ບາມາແລະນາຍົກລັດຖະມົນຕີ Julia Gillard ແຫ່ງອອສເຕຣເລຍ ໄດ້ບັນລຸກັນນັ້ນ ກໍາ
ນົດໃຫ້ມີການສົ່ງທະຫານມາຣິນສະຫະລັດຈໍານວນແຕ່ 200 ຫາ 250 ຄົນໄປປະຈໍາ
ການຢູ່ໃນດິນແດນພາກເໜືອຂອງອສເຕຣເລຍ ຊຶ່ງຈະມີການສັບປ່ຽນກັນໃນທຸກໆ 6
ເດືອນ. ຈໍານວນທະຫານເຫລົ່ານີ້ ຈະຄ່ອຍໆເພີ່ມຂຶ້ນເປັນທັງໝົດ 2500 ຄົນ.
