ລິ້ງ ສຳຫລັບເຂົ້າຫາ

ເຈົ້າໜ້າທີ່ທຳນຽບຂາວໃຫ້ການຄໍ້າປະກັນຕໍ່ພວກຕຳໜິຕິຕຽນວ່າ
ປະທານາທິບໍດີບາຣັກ ໂອບາມາ ຈະບໍ່ລະເລີຍ ຕໍ່ຄວາມວິຕົກກັງ
ວົນ ກ່ຽວກັບການນັບຖືສິດທິມະນຸດ ໃນລະຫວ່າງການເດີນທາງ
ໄປຢ້ຽມຢາມຂົງເຂດເອເຊຍຕາເວັນອອກສຽງໃຕ້ ຄັ້ງຈະມາຂອງ
ທ່ານ.

ປະທານາທິບໍດີໂອບາມາ ຈະອອກເດີນທາງ ໃນວັນເສົາມື້ນີ້ ເພື່ອ
ຢ້ຽມຢາມກຳປູເຈຍ ໄທແລະມຽນມາເປັນເວລາ 3 ມື້. ນີ້ແມ່ນການ
ເດີນທາງໄປຢ້ຽມຢາມຕ່າງປະເທດ ເທື່ອທຳອິດຂອງທ່ານ ນັບຕັ້ງ
ແຕ່ໄດ້ຖືກເລືອກ ໃຫ້ເຂົ້າຮັບຕຳແໜ່ງຕື່ມອີກ ເປັນສະໄໝທີສອງ ຊຶ່ງເປັນການເນັ້ນໜັກໃຫ້ເຫັນເຖິງຄວາມສຳຄັນກ່ຽວກັບການເພັ່ງ
ເລັງໃໝ່ຂອງລັດຖະບານສະຫະລັດຕໍ່ຂົງເຂດດັ່ງກ່າວ.

ຈຸດເດັ່ນໃນການຢ້ຽມຢາມເທື່ອນີ້ ກໍຈະແມ່ນການຢຸດແວ່ເປັນເວລາສັ້ນໆຂອງທ່ານໂອບາ ມາທີ່ປະເທດມຽນມາ ຊຶ່ງເປັນການຢ້ຽມຢາມຄັ້ງທຳອິດໃນປະວັດ ສາດຂອງປະທານາທິບໍ ດີສະຫະລັດຕໍ່ມຽນມາທີ່ເຄີຍປົກຄອງໂດຍລັດຖະບານທະຫານ. ກຸ່ມປົກປ້ອງສິດທິມະນຸດ ບາງກຸ່ມຄັດຄ້ານຕໍ່ການເດີນທາງໄປຢ້ຽມຢາມຂອງປະທານາທິບໍດີ ຮວມທັງທ່ານ Matthew Smith ນັກຄົ້ນຄວ້າຂອງກຸ່ມປົກປ້ອງສິດທິມະນຸດ Human Rights Watch ຊຶ່ງທ່ານກ່າວຕໍ່ວີໂອເອວ່າ ທ່ານໂອບາມາ ຄວນຈະລໍຖ້າ ໄປຈົນກວ່າໃຫ້ມີການປະຕິຮູບ ຫຼາຍໄປກວ່ານີ້.

ທ່ານ Smith ກ່າວວ່າ ສິ່ງທີ່ທ່ານເປັນຫ່ວງທີ່ສຸດກໍຄື ມຽນມາຍັງບໍ່ທັນປ່ອຍພວກນັກໂທດ ການເມືອງທັງໝົດເທື່ອແລະຍັງບໍ່ທັນເຂົ້າແຊກແຊງເພື່ອຍຸຕິການກໍ່ຄວາມຮຸນແຮງຕໍ່ພວກ ມຸສລິມໂຣຮິງຢາ ທີ່ລັດຣາຄີນ ທາງພາກຕາເວັນຕົກຂອງປະເທດ.

ບັນດາສະມາຊິກລັດຖະສະພາສະຫະລັດຫຼາຍຄົນກໍໄດ້ສະແດງຄວາມເປັນຫ່ວງທີ່ຄ້າຍຄື ກັນນີ້. ໃນຖະແຫຼງການສະບັບນຶ່ງທີ່ນຳອອກເຜີຍແຜ່ໃນວັນພະຫັດຜ່ານມາສະມາຊິກຂອງ ກຸ່ມສະໜັບສະໜຸນອິດສະຫຼະພາບ ໃນການນັບຖືສາສະໜານາໆຊາດ ຈາກທັງສອງພັກ
ການເມືອງໄດ້ສະແດງຄວາມຍິນດີນຳການເດີນທາງໄປຢ້ຽມຢາມຂອງທ່ານໂອບາມາ. ແຕ່ ກໍໄດ້ເຕືອນບໍ່ໃຫ້ປະທານາທິບໍດີເອົາບາດກ້າວໃດໆທີ່ອາດຕີຄວາມໝາຍໄດ້ວ່າເປັນການ ໃຫ້ການສະໜັບສະໜຸນຕໍ່ການກະທຳຜິດຫຼືການລ່ວງລະເມີດສິດທິມະນຸດໂດຍລັດຖະບານ ມຽນມາ.
XS
SM
MD
LG