ເວລານີ້ ປະທານາທິບໍດີບາຣັກ ໂອບາມາ ກໍາລັງຢູ່ທີ່ນະຄອນຫລວງ New Delhi ຫລັງ
ຈາກໄດ້ທໍາການໂອ້ລົມສົນທະນາເລື້ອງທີ່ຫລໍ່ແຫລມກ່ຽວກັບສາຍພົວພັນຂອງສະຫະລັດກັບ
ປາກິສຖານ ໃນລະຫວ່າງການພົບປະກັນກັບພວກນັກສຶກສາອິນເດຍ ໃນນະຄອນມອມໄບ.
ນາຍົກລັດຖະມຸນຕີອິນເດຍ ທ່ານ Manmohan Singh ໄດ້ໄປຮັບຕ້ອນທ່ານໂອມາບາ
ເວລາທ່ານເດີນທາງໄປຮອດສະໜາມບິນ ທີ່ເມືອງຫລວງຂອງອິນເດຍໃນວັນອາທິດມື້ນີ້
ຊຶ່ງເປັນບ່ອນຢຸດແວ່ແຫ່ງທີສອງ ຂອງທ່ານໂອບາມາ ໃນການຢ້ຽມຢາມຂົງເຂດເອເຊຍເປັນ ເວລາ 10 ມື້ ຂອງທ່ານ.
ຜູ້ນໍາທັງສອງມີໝາຍກໍານົດ ທີ່ຈະພົບປະກັນອີກທີ່ງານລ້ຽງອາຫານຄໍ່າໃນຕອນແລງວັນອາ
ທິດມື້ນີ້ ກ່ອນຈະປະກາດຂໍ້ຕົກລັງກັນຊຸດນຶ່ງໃນວັນຈັນມື້ອື່ນກ່ຽວກັບເລື້ອງຕ່າງໆຮວມທັງ
ເລື້ອງການຕໍ່ຕ້ານການກໍ່ການຮ້າຍ ແລະການປ່ຽນແປງຂອງດິນຟ້າອາກາດ.
ທ່ານໂອບາມາກ່າວໃນວັນອາທິດມື້ນີ້ວ່າ ສະຫະລັດກໍາລັງດໍາເນີນງານຢ່າງຂະຫຍັນຂັນແຂງ
ເພື່ອຕໍ່ສູ້ກັບໂຣກມະເຮັງຂອງພວກມຸສລິມຫົວຮຸນແຮງຈັດ ແຕ່ເວົ້າວ່າ ຄວາມຄືບໜ້າຈະບໍ່ມາ
ໄວເທົ່າທີ່ສະຫະລັດຢາກຈະໃຫ້ມັນເປັນໄປ.
ອິນເດຍຖິ້ມໂທດໃສ່ປາກິສຖານວ່າ ສົ່ງເສີມພວກມຸສລິມຫົວຮຸນແຮງຈັດທີ່ໄດ້ທໍາການໂຈມຕີ
ນະຄອມມອມໄບ ໃນປີ 2008 ຊຶ່ງໄດ້ເຮັດໃຫ້ມີຜູ້ຄົນເສຍຊີວິດໄປຫລາຍກວ່າ 160 ຄົນນັ້ນ.
