ລິ້ງ ສຳຫລັບເຂົ້າຫາ

site logo
ວັນພະຫັດ, 26 ພຶດສະພາ 2022

ປ. ໂອບາມາ ປະກາດໃຫ້ທຶນ ຄົ້ນຄວ້າໂຣກ AIDS 100 ລ້ານໂດລາ (ວີດີໂອ)


Obama Ups US Contribution to Global AIDS Fund
please wait

No media source currently available

0:00 0:00:42 0:00
ລິງໂດຍກົງ
ປະ​ທາ​ນາ​ທິບໍດີສະຫະລັດ ທ່ານ Barack Obama ​ໄດ້​ປະກາດ​
ການ​ລິ​ເລີ້ມໃໝ່ ​ເພື່ອ​ເພີ້​ມທະວີ​ການຄົ້ນ​ຄວ້າ ກ່ຽວ​ກັບ​ການ​ປິ່ນ
ປົວຜູ້​ຕິດ​ເຊື້ອ​ HIV​ ​ໃຫ້ຫາ​ຍດີ​ໄດ້.

ປະທານາທິບໍດີ Obama ກ່າວ​ວ່າ ລັດຖະບານ​ຂອງ​ທ່ານ ຈະ​ສັ່ງ​
ໃຫ້​ສົ່ງ​ເງິນ 100 ລ້ານ​ໂດ​ລາໄປ​ໃຫ້​ແກ່ສະ​ຖາ​ບັນ​ສຸຂະພາບ​ແຫ່ງ
​ຊາດຫຼື NIH ​ເພື່ອ​ພັດທະ ນາການ​ປິ່ນປົວແບບ​ໃໝ່ ​ເພື່ອ​ຕໍ່ສູ້​ກັບ
​ເຊື້ອ​ HIV ​ແລະ​ໂຣກ AIDS.

ທ່ານ Obama ​ໄດ້​ປະກາດ​ທີ່ ນະຄອນຫລວງວໍ​ຊິງ​ຕັນ ​ໃນ​ວັນ​ຈັນ
ວານນີ້ ​ເພື່ອ​ເປັນ​ຂີດ​ໝາຍ ​ເນື່ອງ​ໃນ​ໂອກາດ​ວັນ​ຕໍ່ຕ້ານ​ໂຣກ AIDS
ຂອງໂລກ ຊຶ່ງ​ຕົກ​ໃສ່ ວັນ​ອາທິດທີ່​ຜ່ານ​ມາ.

ທ່ານ​ໂອ​ບາ​ມາ​ເວົ້າວ່າ “ສະຫະລັດ ສົມຄວນ​ເປັນ​ຜູ້​ນໍາໜ້າ ​ໃນ​ການ
​ຄົ້ນ​ພົບ​ໃໝ່ ກ່ຽວ​ກັບ​ວ່າ​ ຈະເຮັດ​ໃຫ້​ເຊື້ອ HIV ລົດ​ລົງໃນ​ລະຍະ​ຍາວ
​ແບບ​ໃດ ໂດຍ​ປ​າສະ​ຈາກ​ຕ້ອງ​ໄດ້ປິ່ນປົວ​ໃນ​ລະຍະ​ຍາວ ຫລື​ດີກ​ວ່າ​
ນັ້ນ ກໍາຈັດ​ໃຫ້​ໝົດໄປເລີຍ.”

ປະທານາທິບໍດີ ຍັງ​ໄດ້​ໃຫ້​ຄໍາ​ໝັ້ນ​ສັນຍາ​ວ່າ ສະຫະລັດ ຈະ​ປະກອບສ່ວນ 5 ພັນ​ລ້ານ​ໂດ​ລາ​ເພື່ອ​ຕໍ່ສູ້​ຕ້ານກັບເຊື້ອ HIV ​ແລະ​ໂຣກ AIDS ​ໃນ​ສາມ​ປີ​ຂ້າງ​ໜ້າ​ນີ້ ​ໃນ​ຂະນະ​ທີ່​ບັນດາ​ປະ​ເທດຕ່າງໆ​ໃນ​ໂລກ​ ຮ່ວມສົມທົບ 10 ພັນ​ລ້ານ​ໂດ​ລາ. ​ເງິນ​ດັ່ງກ່າວ​ນີ້​ ຈະ​ນໍາ​ໄປ​ໃຫ້ກອງ​ທຶນ​ໂລກ ​ເພື່ອ​ຕໍ່ຕ້ານ
ໂຣກ AIDS ປອດແຫ້ງ ​ແລະ​ໄຂ້ປ່າ ຂອງ​ໂລກ.

Obama AIDS
please wait
Embed

No media source currently available

0:00 0:00:22 0:00


ທ່ານອາດຈະມັກເລື້ອງນີ້ຄືກັນ

XS
SM
MD
LG