Belgium ສົ່ງພວກທະຫານອອກປະຕິບັດງານຕາມຖະໜົນ
ຫົນທາງສາຍຕ່າງໆໃນວັນເສົາວານນີ້ເປັນເທື່ອທຳອິດໃນ
ຮອບຫຼາຍທົດສະວັດຜ່ານມາ ໃນການຊຸກຍູ້ເພື່ອເອົາມາດ
ຕະການຮັດແໜ້ນຂຶ້ນໃນເຂດຕ່າງໆຂອງຊາວຢີວ ແລະໃນ
ເຂດອື່ນໆທີ່ອາດຈະຕົກເປັນເປົ້າໝາຍການໂຈມຕີຂອງ
ພວກກໍ່ການຮ້າຍໄດ້ນັ້ນ.
ການເຄື່ອນໄຫວຕ່າງໆດ້ານຄວາມປອດໄພ ໃນນະຄອນຫຼວງ
Brussels ແລະເຂດ Antwerp ມີຂຶ້ນພາຍຫຼັງຕຳຫຼວດທຳ
ການບຸກໂຈມຕີໃນວັນພະຫັດຜ່ານມາ ທີ່ໄດ້ສັງຫານພວກຜູ້
ຊາຍ 2 ຄົນ ທີ່ສົງໄສວ່າ ທຳການວາງແຜນ ໃນອັນທີ່ບັນດາ
ເຈົ້າໜ້າທີ່ Belgium ເຊື່ອ ວ່າ ຈະເປັນໄປໄດ້ຫຼາຍທີ່ສຸດ ທີ່ການໂຈມຕີຂອງພວກກໍ່ການ
ຮ້າຍຈະເກີດຂຶ້ນນັ້ນ. ການວາງແຜນທີ່ໄດ້ພົບເຫັນກ່ອນ ໄດ້ສ້າງຄວາມຢ້ານກົວຂຶ້ນຢ່າງ
ສູງໃນທົ່ວຢູໂຣບ ທີ່ພວກຫົວຮຸນແຮງທາງສາສະໜາ ກຳລັງກະກຽມເພື່ອທຳການໂຈມຕີຕື່ມອີກ ຄ້າຍຄືກັນກັບການສັງຫານໝູ່ທີ່ປາຣີ ທີ່ໄດ້ເຮັດໃຫ້ຜູ້ຄົນເສຍຊີວິດໄປ 17 ຄົນ ໃນຕົ້ນເດືອນນີ້.
ທີ່ປະເທດ Greece ໃນແລງວັນເສົາວານນີ້ ຕຳຫຼວດໄດ້ພະຍາຍາມຊອກຫາການເຊື່ອມໂຍງກັນທີ່ເປັນໄປໄດ້ ລະຫວ່າງ ພວກຜູ້ຄົນ 4 ຄົນທີ່ຖືກຈັບກຸມ ແລະກຸ່ມຜູ້ຕ້ອງສົງໄສ Belgium ທີ່ແນເປົ້າໝາຍໃສ່ ໃນວັນພະຫັດຜ່ານມານີ້.
ສຫລ ແລະ ອັງກິດ ສ້າງຕັ້ງ ໜ່ວຍຄວາມປອດໄພ ອິນເຕີແນັດ
ມີການລາຍງານຂ່າວຢ່າງແຜ່ຫຼາຍ ວ່າ ຄົນນຶ່ງໃນບັນດາຜູ້ຕ້ອງສົງໄສທີ່ຖືກຈັບກຸມໃນນະ
ຄອນ Athens ມີລັກສະນະຖືກຕ້ອງອັນດຽວກັນກັບນາຍ Abdelhamid Abaaoud ທີ່
ສົງໄສວ່າ ເປັນຫົວໜ້າວາງແຜນ ຢູ່ Belgium ແຕ່ໄດ້ຮັບການຢືນຢັນວ່າ ບໍ່ມີສາຍພົວ
ພັນກັນໃນເຊົ້າວັນອາທິດມື້ນີ້.
ກ່ອນໜ້ານີ້ ບັນດາເຈົ້າໜ້າທີ່ກ່າວວ່າ ນາຍ Abaaoud ຊຶ່ງເປັນພົນ ລະເມືອງ Belgium ເຊື້ອສາຍ Morocco ແມ່ນຄຶດກັນວ່າ ກຳລັງລີ້ຊ່ອນໃນ Greece ນັ້ນ.
ໃນອີກດ້ານນຶ່ງນັ້ນ ບັນດາເຈົ້າໜ້າທີ່ໃນເມືອງ Rheim ຂອງຝຣັ່ງ ກ່າວວ່າ ນຶ່ງໃນບັນດາພວກທຳການໂຈມຕີ່ທີ່ປາຣີ ທີ່ຖືກສັງຫານໂດຍກຳລັງຮັກສາຄວາມປອດໄພຂອງຝຣັ່ງເມື່ອຫຼາຍມື້ຜ່ານມານັ້ນ ໄດ້ຖືກຝັງໄວ້ໃນຂຸມຝັງສົບທີ່ບໍ່ໃສ່ຊື່ແຫ່ງນຶ່ງຢູ່ໃກ້ໆກັບເມືອງນັ້ນ.
ເຈົ້າຄອງກຳແພງເມືອງ Rheim ກ່າວວ່າ ມືປືນ Said Kouachi ໄດ້ຖືກນຳໄປຝັງ ໃນແລງວັນສຸກຜ່ານມາ ແລະວ່າກົດໝາຍຂອງຝຣັ່ງ ອະນຸຍາດໃຫ້ຝັງຜູ້ກ່ຽວໄດ້.
