ລິ້ງ ສຳຫລັບເຂົ້າຫາ

site logo
ວັນເສົາ, 28 ພຶດສະພາ 2022

ປ.ໂອບາມາ ຮຽກຮ້ອງ ໃຫ້ສະພາ ຊ່ອຍທ່ານ ສ້າງວຽກ ການເຮັດ (ວີດີໂອ)


ປະທານາທິບໍດີສະຫະລັດ ທ່ານບາຣັກ ໂອບາມາ

ປະທານາທິບໍດີສະຫະລັດ ທ່ານບາຣັກ ໂອບາມາ ຮຽກຮ້ອງໃຫ້ລັດ
ຖະສະພາ ຊ່ອຍທ່ານ ສ້າງວຽກເຮັດງານທຳ ແລະບູລະນະສ້າງສາ
ໂຄງລ່າງພື້ນຖານ ຂອງປະເທດຄືນໃໝ່.

ໃນຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ ປະທານາ
ທິບໍດີໂອບາມາຊີ້ໃຫ້ເຫັນເຖິງການເລີ້ມສ້າງສູນກາງຮາຍເທັກໃໝ່
ສອງແຫ່ງ ແລະການແຂ່ງຂັນເພື່ອບູລະນະສ້າງສາຄືນໃໝ່ຖະໜົນ
ຫົນທາງ ຂົວ ລະບົບຂົນສົ່ງມວນຊົນ ທ່າກຳປັ່ນ ແລະທາງລົດໄຟ.

ປະທານາທິບໍດີໂອບາມາ ເວົ້າວ່າ ຮ່າງກົດໝາຍທີ່ພວມນຳສະເໜີ
ຕໍ່ລັດຖະສະພາ ໃນເວລານີ້ ຈະສ້າງຕາໜ່າງສູນກາງການຜະລິດຂຶ້ນຢູ່ໃນທົ່ວປະເທດ.



ນອກນັ້ນແລ້ວ ທ່ານໂອບາມາຍັງກ່າວວ່າ ທ່ານຈະສົ່ງງົບປະມານໄປໃຫ້ສະພາໃນອາທິດໜ້າ ນີ້ ຊຶ່ງຈະຮວມທັງ ການບູລະນະສ້າງສາຄືນໃໝ່ ລະບົບການຂົນສົ່ງຂອງປະເທດ ຊຶ່ງສາມາດ ພາໃຫ້ມີການວ່າຈ້າງຄົນເຂົ້າເຮັດວຽກຫຼາຍໆລ້ານຄົນ.

ໃນຄຳປາໄສ ຂອງພັກຣີພັບບລີກັນນັ້ນ ສະມາຊິກສະພາຕໍ່າ Ann Wagner ຈາກລັດ Mis-
souri ຢາກໃຫ້ປະທານາທິບໍດີອະທິບາຍສູ່ຟັງ ກ່ຽວກັບລາຍງານຂອງລັດຖະບານທີ່ວ່າ ຈະ
ມີ ພວກຄົນງານຫຼາຍເຖິງ 11 ລ້ານຄົນຈະຈ່າຍຄ່າປະກັນໄພສຸຂະພາບທີ່ແພງຂຶ້ນຍ້ອນກົດ ໝາຍຮັກສາສຸຂະພາບໃໝ່ ທີ່ຮູ້ກັນໃນນາມ Obamacare ນັ້ນ.

ທ່ານອາດຈະມັກເລື້ອງນີ້ຄືກັນ

XS
SM
MD
LG