ລິ້ງ ສຳຫລັບເຂົ້າຫາ








ປະທານາທິບໍດີ​ບາຣັກ​ໂອ​ບາ​ມາ​ແຫ່ງ​ສະຫະລັດ​ກ່າວ​ຕໍ່​ພວກ​ທະ​ທານ​ອະ​ເມ​ລິ​ກັນ​ໃນ​ອັຟກາ​ນິສຖານ​ວ່າ ພວກ​ເຂົາ​ເຈົ້າ​ກໍາລັງ​ທໍາ​ຄວາມ​ຄືບ​ໜ້າ​ໃນ​ການ​ຕໍ່ຕ້ານ​ກັບ​ພວກ​ຕາ​ລີ​ບັນ ​ແລະ​ໃຫ້​ຄໍາ​ໝັ້ນ​ສັນຍາ​ວ່າ ອັຟກາ​ນິສຖານ​ຈະ​ບໍ່​ເປັນ​ບ່ອນ​ລີ້​ຊ່ອນ​ທີ່​ປອດ​ໄພຂອງພວກ​ກໍ່​ການ​ຮ້າຍ​ຢູ່​ຕໍ່​ໄປ.

ໃນ​ລະຫວ່າງ​ການ​ຢ້ຽມຢາມ​ທີ່​ບໍ່​ມີ​ການ​ປະກາດ​ໃຫ້​ຮູ້ລ່ວງ​ໜ້າ​ທີ່​ຖານ​ທັບ​ອາກາດ Bagram

ຢູ່​ນອກ​ນະຄອນຫລວງ​ກຸງ​ຄາ​ບູລ ຂອງ​ອັຟກາ​ນິສຖານ ທ່ານ​ໂອ​ບາ​ມາກ່າວ​ຕໍ່​ພວກ​ທະ

ຫານ​ອະ​ເມ​ລິ​ກັນ​ຫລາຍ​ພັນ​ຄົນ​ວ່າ ພວກ​ເຂົາ​ເຈົ້າ​ກໍາລັງ​ທໍາລາຍຄວາມ​ແຂງ​ແຮງ​ຂອງ​ກຸ່ມ

ຕາ​ລີ​ບັນ ​ແລະ​ຈະ​ບັນລຸ​ຄວາມ​ສໍາ​ເລັດ​ໃນ​ການ​ປະກອບ​ພາລະກິດ​ຂອງ​ເຂົາ​ເຈົ້າ​ໃນ​ອັຟກາ

ນິສຖານ​ນັ້ນ.

ນອກ​ນັ້ນ​ທ່ານ​ໂອ​ບາ​ມາ​ຍັງ​ໄດ້​ກ່າວ​ຂອບ​ອົກ​ຂອບ​ໃຈ​ກໍາລັງ​ຂອງ​ຝ່າ​ຍປະສົມ​ນໍາເຊ່ນ​ກັນ

ໃນ​ການ​ຮັບ​ໃຊ້​ຢ່າງ​ມະຫັດສະຈັນ​ຂອງ​ເຂົາ​ເຈົ້າ​ໃນ​ສົງຄາມ​ທີ່​ດໍາ​ເນີນ​ມາເປັນ​ເວລາ​ດົນ​ກວ່າ

9 ປີ ​ແລະ​ການ​ເສຍ​ສະລະ​ຂອງ​ເຂົາ​ເຈົ້າ​ທີ່ເຂົາ​ເຈົ້າ​ກໍາລັງດໍາ​ເນີນ​ໄປ​ໄກ​ຈາກ​ບ້ານ​ເກີດ​ເມືອງ

ນອນ​ຂອງ​ເຂົາ​ເຈົ້າ​ນັ້ນ.

ປະທານາທິບໍດີ​ໂອ​ບາ​ມາ​ໄດ້​ເດີນທາງ​ໄປ​ຮອດ​ອັຟກາ​ນີສຖານ​ໂດຍ​ບໍ່​ໄດ້​ປະກາດ​ໃຫ້​ຮູ້ລ່ວງ

ໜ້າ​ໃນ​ຕອນ​ເດິກ​ຂອງ​ຄືນ​ວັນ​ສຸກ​ວານ​ນີ້ ເປັນ​ເວລາ​ຫລາຍ​ມື້ກ່ອນ​ທາງ​ທໍານຽບຂາວ​ກໍານົດ

ຈະເປີດ​ເຜີຍ​ການ​ທົບ​ທວນຄືນ​ເບິ່ງສົງຄາມ​ທີ່ກໍາລັງ​ບໍ່​ໄດ້​ຮັບຄວາມ​ນິຍົມ​ຊົມ​ຊອບ​ຈາກ​ປະຊາ

ຊົນ​ເພີ່ມ​ຂຶ້ນ​ໃຫ້​ປະຊາຊົນ​ຊາບ​ນັ້ນ.

ເນື່ອງ​ຈາກ​ດິນ​ຟ້າ​ອາກາດ​ບໍ່​ດີ ບັງຄັບ​ໃຫ້​ທໍານຽບຂາວ​ຕ້ອງ​ລົບ​ລ້າງ​ແຜນການຕ່າງໆ​ສໍາລັບ

ປະທານາທິບໍດີ​ທໍາ​ການ​ພົບ​ປະໜ້າ​ຕໍ່ໜ້າ​ກັນ​ປະທານາທິບໍດີ HamidKarzai ​ແຫ່ງ​ອັຟກາ

ນິສຖານ​ໃນ​ກຸງ​ຄາ​ບູລ ທ່ານ​ຈຶ່ງ​ໄດ້​ທໍາ​ການ​ໂອ້​ລົມ​ກັນ​ທາງໂລ​ລະ​ສັບ​ກັບ​ທ່ານ Karzai ຈາກ

ຖານ​ທັບ​ອາກາດ Bagram ນັ້ນ.

ຫລັງ​ຈາກ​ທໍາ​ການ​ຢ້ຽມຢາມ​ອັຟກາ​ນິສຖານ​ເປັຫນ​ເວລາ​ເກືອບ 4 ຊົ່ວ​ໂມງ ປະທານາທິບໍດີ​
ໂອ​ບາ​ມາ​ໄດ້​ເດີນທາງ​ມຸ້ງ​ໜ້າ​ກັບ​ຄືນ​ສະຫະລັດ.

XS
SM
MD
LG