ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ປ. ໂອບາມາ ຮຽກຮ້ອງ ໃຫ້ສະພາ ເຮັດສິ່ງໃດສິ່ງນຶ່ງ ເພື່ອຫຼຸດຜ່ອນ ຄວາມຮຸນແຮງ ຈາກປືນ


ບັນດາຜູ້ເປັນປາກກະບອກສຽງແກ່ປະຊາຄົມ ແລະບັນດາ
ສະມາຊິກ ສາທະລະນະຊົນ ພາກັນຖືປ້າຍ ໃຫ້ກຽດແກ່
ບັນດາຜູ້ເຄາະຮ້າຍ ຈາກຄວາມຮຸນແຮງຂອງປືນ.
ບັນດາຜູ້ເປັນປາກກະບອກສຽງແກ່ປະຊາຄົມ ແລະບັນດາ ສະມາຊິກ ສາທະລະນະຊົນ ພາກັນຖືປ້າຍ ໃຫ້ກຽດແກ່ ບັນດາຜູ້ເຄາະຮ້າຍ ຈາກຄວາມຮຸນແຮງຂອງປືນ.

ປະທານາທິບໍດີ​ບາຣັກ ​ໂອ​ບາ​ມາ​ ກ່າວ​ໃນ​ຄຳ​ປາ​ໄສ​ປະຈຳ​ສັບ
ປະດາ​ຂອງ​ທ່ານ ກ່ຽວ​ກັບ​ຄວາມ​ບໍ່ພໍ​ໃຈ ​ໃນ “ທຸລະ​ກິດ​ທີ່​ຍັງ​ບໍ່
​ເສັດ​ສີ້​ນ” ​ເພື່ອ​ຄວບ​ຄຸມ “ການລະ ບາດ​ຂອງຄວາມ​ຮຸນ​ແຮງ
​ຈາກ​ປືນ” ​ຢູ່ໃນ​ປະ​ເທດ​ໂດຍ​ກ່າວ​ວ່າ “ຖ້າ​ຫາກ​ວ່າລັດຖະສະ
ພາ ໄດ້​ເຮັດບາງ​ຢ່າງ ​ແນວ​ໃດ​ແນວ​ໜຶ່ງ​ ເພື່ອ​ປ້ອງ​ກັນພວກ
ເດັກນ້ອຍ​ຂອງ​ເຮົາ ຈາກ​ຄວາ​ມຮຸນ​ແຮງ​ຂອງປືນ”.

“ພວກ​ເຮົາ​ຮູ້​ວ່າ ເຮົາບໍ່​ສາມາດ​ຢຸດ​ຢັ້ງ​ທຸ​ກການ​ກໍ່​ຄວາມ​ຮຸນ​ແຮງ​
ໄດ້. ​ແຕ່​ຖ້າຫາກ​ພວກ​ເຮົາ​ພະຍາຍາ​ມຢຸດ​ແມ່ນ​ແຕ່ພຽງ​ເທື່ອ
ດຽວ” ປະທານາທິບໍດີ​ໄດ້​ຖາມ​ຊຶ່ງ​ເປັນ ທີ່​ຈະ​ແຈ້ງ ​ສະທ້ອນ​ເຖິງ​
ບັນ​ດາ​ສະ​ມາ​ຊິກ​ສະພາ ທີ່​ໄດ້ປະສົບ​ກັບ​ຄວາມ​ລົມ​ແຫຼວ​ຊໍ້າ
​ແລ້ວ​ຊໍ້າ​ອີກ ​ທີ່​ຈະ​ເອົາ​ບາດກ້າວ​ຕ່າງໆ ​ເພື່ອ​ຫລຸດຜ່ອນ​ການ​ແຜ່ລະບາດນີ້.

ທ່ານ​ໂອ​ບາ​ມາກ່າວ​ວ່າ ​ເມື່ອ​ສາມ​ປີ​ກ່ອນ “​ຮ່າງ​ກົດໝາຍ​ສາມັນ​ສຳນຶກ” ຂອງທັງ​ສອງ​
ພັກການ​ເມືອງ ທີ່​ຈະ​ບັງຄັບ​ໃຫ້​ມີກວດປະຫວັດ​ເບື້ອງ​ຫລັງ​ຂອງ “ທຸກໆ​ຄົນ​ທີ່ຈະ​ຊື້​ປືນ”
ຊຶ່ງມາດ​ຕະການນີ້ ໄດ້​ຮັບ​ການ​ສະໜັບສະໜູນ​ໂດຍ “ປະຊາຊົນ​ອາ​ເມຣິກັນ​ປະ​ມານ
90 ​ເປີ​ເຊັນ.” ທ່ານ​ກ່າວ​ວ່າ ມັນ​ຍັງ​ໄດ້​ຮັບ​ການ​ສະ​ໜັບສະ​ໜູນ​ໂດຍ​ສ່ວນ​ໃຫຍ່​ຂອງ
ສະມາຊິກສະມາຄົມ​ປືນ​ແຫ່ງ​ຊາດ ​ແຕ່​ວ່າ “ພວກ​ຊຸກຍູ້​ປືນ​ໄດ້​ພາກັນ​ວິ່ງ​ເຕັ້ນຕໍ່​ຕ້ານ
​ແລະ​ສະພາ​ສູງ​ກໍ​ບໍ່​ໄດ້​ຮັບຜ່ານ.”

President Obama's Jan. 1, 2016 Weekly Address
please wait

No media source currently available

0:00 0:04:07 0:00

ຜູ້ນຳ​ສະຫະລັດ ກ່າວ​ວ່າ ທ່ານ​ໄດ້​ສັ່ງ​ໃຫ້​ບັນດາ​ພະ​ນັກ​ງານ​ຂອງ​ທ່ານ “​ສຶກສາ​ເບິ່ງການ
​ເອົາ​ບາດກ້າວໃໝ່ ທີ່​ຂ້າພະ​ເຈົ້າ​ສາມາດເຮັດ​ໄດ້ ​ເພື່ອ​ຊ່ວຍ​ຫລຸດຜ່ອນ ຄວາມ​ຮຸນ​ແຮງ
ຂອງ​ປືນ” ​ແລະ​ທ່ານ​ຈະພົບ​ປະ​ກັບລັດຖະມົນຕີ​ຍຸຕິ​ທຳ ທ່ານ​ນາງ Loretta Lunch ​ໃນ​
ວັນ​ຈັນ​ຈະ​ມາ​ເຖິງ​ນີ້ເພື່ອ “ສົນທະນາກ່ຽວ​ກັບ​ທາງ​ເລືອກ​ຂອງ​ພວກ​ເຮົາ”

XS
SM
MD
LG