ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປ. ໂອບາມາ ເຂົ້າຮ່ວມ ກອງປະຊຸມສຸດຍອດທຸລະກິດ ທີ່ໂຄລົມເບຍ


ປະທານາທິບໍດີໂຄລົມເບຍ ທ່ານ Juan Manuel Santos (ຊ້າຍ) ຈັບມືກັບປະທານາທິບໍດີສະຫະລັດ ທ່ານ Barack Obama ໃນຂະນະທີ່ໄປເຖິງທຳນຽບ San Felipe Castle ເພື່ອຮັບປະທານອາຫານຮ່ວມກັນກ່ອນ ກອງປະຊຸມສຸດຍອດ ຂອງບັນດາປະເທດໃນປະວີບອາເມຣິກາ ທີ່ເມືອງ Cartagena, ວັນທີ 13, ເດືອນເມສາ 2012
ປະທານາທິບໍດີໂຄລົມເບຍ ທ່ານ Juan Manuel Santos (ຊ້າຍ) ຈັບມືກັບປະທານາທິບໍດີສະຫະລັດ ທ່ານ Barack Obama ໃນຂະນະທີ່ໄປເຖິງທຳນຽບ San Felipe Castle ເພື່ອຮັບປະທານອາຫານຮ່ວມກັນກ່ອນ ກອງປະຊຸມສຸດຍອດ ຂອງບັນດາປະເທດໃນປະວີບອາເມຣິກາ ທີ່ເມືອງ Cartagena, ວັນທີ 13, ເດືອນເມສາ 2012

ປະທານ​າທິບໍດີສະຫ​ະລັດອາ​ເມ​ຣິ​ກາ ທ່ານບາຣັກ ​ໂອ​ບາ​ມາ ກ່າວ​ວ່​າ ສະຫະລັດ ​
“ເປັນຜູ້​ລົງ​ທືນ​ຕ່າງປະ​ເທດ​ລາຍໃຫ່ຍທີ່​ສຸດ” ​ໃນ​ລາ​ຕິ​ນອາ​ເມ​ຣິ​ກາ ​ແລະ “​ເປັນ​ລູກ​
ຄ້າລາຍ​ໃຫ່ຍທີ່​ສຸດ​ຂອງ​ຜະລິດ​ຕະພັນ​ສໍາ​ເລັດ ​ຮູ​ບຕ່າງໆ” ທີ່​ມາຈາກປະ​ເທດ​ຕ່າງໆ ​
ໃນ​ຊີກ​ໂລກຕາ​ເວັນ​ຕົກ​.

ທ່ານ​ໂອ​ບາ​ມາ ມີແຜນ​ການທີ່​ຈະ​ກ່າວຄຳ​ປາ​ໄສ​ ຕໍ່​ພວກ​ຜູ້ນຳ​ທຸລະ​ກິດ​ຢູ່​ໃນຂົງ​ເຂດ ​
ໃນ​ກອງ​ປະ​ຊຸ​ມສຸດ​ຍອດຄະນະ​ບໍລິຫານ​ ໃນ​ວັນ​ເສົາມື້ນີ້ ​ທີ່​ເມືອງ Cartagena
ປະ​ເທດ Colombia ຊຶ່ງ​ຈະ​ມີ​ຂຶ້ນບໍ່ເທົ່າ​ໃດ​ຊົ່ວໂມ​ງ ກ່ອນກອງ​ປະ​ຊຸມສຸດ​ຍອດຂອງ
ບັນດາ​ປະ​ເທດ​ໃນ​ທະ​ວິບອາ​ເມ​ຣິ​ກາ​ໄຂ​ຂຶ້ນ.

ປະທານາທິບໍ​ດີ ​ໂຄລົ​ມ​ເບຍ ທ່ານ Juan Manuel Santos ​ແລະ ປະທານາທິບໍດີ
ບຣາຊິ​ລ ທ່ານ​ນາງ Dilma Rousseff ຕ່າງ​ກໍ​ໄດ້​ເຂົ້າ ຮ່ວມກອງ​ປະ​ຊຸມສຸດ​ຍອດ​
ທາງ​ດ້ານ​ທຸລະ​ກິດ​ໃນ​ຄັ້ງນິ້.

ທ່ານ​ໂອບາ​ມາ ກ່າວ​ວ່າ ທ່ານ​ໄດ້ໝາຍ​ໝັ້ນ​ຕັ້ງໃຈຢ່າງ​ແນວ​ແນ່ແລ້ວວ່າ ສະຫະລັດ
ຈະ “ເປັນ​ພາຄີ​ດ້ານ​ເສດຖະກິດ​ທີ່ໜັກ​ແໜ້ນ​ກວ່າ​ເກົ່າ​ອີກ" ຢູ່​ໃນ​ຂົງ​ເຂດ. ທ່ານ​ກ່າວ​
ວ່າ ມີ​ການຄາດ​ຄະ​ເນ​ວ່າການ​ຄ້າ​ຢູ່ໃນທົ່ວຊີກ ​ໂລກ​ຕາ​ເວັນ​ຕົກ​ແມ່ນ​ມີແຕ່​ພຽງ​ເຄິ່ງນຶ່ງ
ທີ່​ມັນຄວນ​ຈະ​ເປັນ​ໄປໄດ້ທໍ່​ນັ້ນ.

ປະທານາທິບໍດີສະຫະລັດມີ​ແຜນ​ທີ່​ຈະ​ເວົ້າ​ເຖິງ ການປະກາດຂອງ​ທ່ານ ​ໃນ​ວັນ​ສຸກ
ວານ​ນີ້ ກ່ຽວ​ກັບ​ການ​ສ້າງຕັ້ງຕາໜ່າງທຸລະ​ກິດ​ຂະໜາດ​ນ້ອຍ ​ເພື່ອ​ຊ່ວຍ​ໃຫ້ບໍລິສັດ​
ຕ່າງໆ ​ໄດ້ສົ່ງ​ສີນ​ຄ້າ​ອອກ​ສູ່​ບັນດາຕະຫລາດ​ໃໝ່ ​ແລະຂໍ້​ລະ​ເລີ້ມ​ເພື່ອ​ຊ່ວຍພວກນັກ
ທຸລະ​ກິດ​ຜູ້ຍິງ.

ນອກ​ນັ້ນ ທ່ານໂອ​ບາ​ມາຍັງ​ມີແຜນ​ທີ່​ຈະ​ສົນທະນາ ຊຶ່ງ​ທ່ານ​ຮ້ອງ​ວ່າ " ​ເປົ້າ​ໝາຍ​ທີ່​ມີ
ຄວາມ​ກະຕືລື​ລົ້ນ​ໃໝ່” ທີ່ທົ່ວໂລກຈະ​ມີໄດ້​ໃຊ້ໄຟຟ້າໃນ​ປີ 2022. ທ່ານ​ກ່າວ​ວ່າ​ ການ
ບັນລຸ​ເປົ້າໝາຍ​ດັ່ງກ່າວ​ນີ້ຈະ​ເຮັດ​ໃຫ້​ຊີວິດ ການ​ເປັນ​ຢູ່​ຂອງ​ປະຊາຊົນ​ແລະ​ທຸລະ​ກິດ​
ໃນ​ທົ່ວ​ຂົງ​ເຂດ “ມີ​ຄວາມແຕກ​ຕ່າງ​ຢ່າງ​ບໍ່​ໜ້າ​ເຊື່ອ”

XS
SM
MD
LG