ລິ້ງ ສຳຫລັບເຂົ້າຫາ

logo-print

ປ.ໂອບາມາ ຂໍຮ້ອງ ໃຫ້ສະພາ ຕໍ່ອາຍຸ ປະກັນໄພ ຄົນຫວ່າງງານ


ໃນຄຳປາໄສປະຈຳສັບປະດາ ໃນວັນເສົາມື້ນີ້ ປະທານາທິບໍດີ ໂອບາມາ ຂໍຮ້ອງ ໃຫ້ສະພາ ຕໍ່ອາຍຸປະກັນໄພ ຄົນຫວ່າງງານ.
ປະທານາທິບໍດີສະຫະລັດທ່ານບາຣັກ ໂອບາມາກ່າວວ່າ ປີ 2014
ຈະເປັນປີແຫ່ງການເຄື່ອນໄຫວປະຕິບັດງານ.

ທ່ານໂອບາມາ ກ່າວໃນວັນເສົາມື້ນີ້ວ່າ ການເຄື່ອນໄຫວປະຕິບັດ
ງານ ຄວນຈະເລີ້ມ ໂດຍໃຫ້ລັດຖະສະພາ ຕໍ່ອາຍຸ ປະກັນໄພຄົນ
ຫວ່າງງານ ສຳລັບຊາວອາເມຣິກັນ 1 ລ້ານ 3 ແສນຄົນ ທີ່ຖືກປົດ
ອອກຈາກວຽກການ ໃນລະຫວ່າງທີ່ເສດຖະ ກິດຕົກຕໍ່າ.

ໃນຄຳປາໄສ ປະຈຳສັບປະດາຂອງທ່ານນັ້ນ ປະທານາທິບໍດີໄດ້
ຮ້ອງໂຄງການຂອງການຂອງລັດຖະບານກາງດັ່ງກ່າວນີ້ວ່າ ເປັນ ເສັ້ນຊີວິດທີ່ສຳຄັນທາງດ້ານເສດຖະກິດທີ່ຊ່ອຍໃຫ້ຜູ້ຄົນສະໜັບ
ສະໜຸນຄອບຄົວເຂົາເຈົ້າ ຂະນະທີ່ເຂົາເຈົ້າ ຊອກຫາວຽກການໃໝ່ເຮັດ.

ປະທານາທິບໍດີໂອບາມາເວົ້າວ່າ ທ່ານຈະພົບປະກັບພວກປະທານມະຫາວິທະຍາໄລຕ່າງໆ ໃນອາທິດໜ້ານີ້ ເພື່ອກຳນົດບາດກ້າວທີ່ສະເພາະເຈາະຈົງ ສຳລັບຊ່ອຍພວກຄົນງານໃນຈຳ ນວນເພີ້ມຂຶ້ນ ຮຽນຮູ້ເອົາຝີມືຄວາມຊ່ຽວຊານໃໝ່ ທີ່ຈຳເປັນ ສຳລັບວຽກງານໃນທຸກມື້ນີ້.

ໃນຄຳປາໄສຂອງພັກຣີພັບບລີກັນນັ້ນ ສະມາຊິກສະພາສູງ Thad Cochran ຈາກລັດ Mis-
sissippi ຮຽກຮ້ອງໃຫ້ຍົກເລີກຫລືບໍ່ກໍຢຸດໃຫ້ເງິນສະໜັບສະໜຸນ ແກ່ກົດໝາຍປະກັນໄພສຸ ຂະພາບ ຂອງປະທານາທິບໍດີໂອບາມາ. ທ່ານເວົ້າວ່າ ສະຫະລັດຄວນຈະເລີ້ມຕົ້ນໃໝ່ ແລະ ນຳສະເໜີແຜນການຮັກສາສຸຂະພາບໃໝ່.

ທ່ານອາດຈະມັກເລື້ອງນີ້ຄືກັນ

XS
SM
MD
LG