ລິ້ງ ສຳຫລັບເຂົ້າຫາ

ປະທານາທິບໍດີສະຫະລັດທ່ານບາຣັກ ໂອບາມາ ກ່າວໃນຄຳປາ
ໄສປະຈຳສັບປະດາຂອງທ່ານໃນວັນເສົາມື້ນີ້ວ່າ ຄວາມເປັນໄປ
ໄດ້ກ່ຽວກັບການແກ້ໄຂ ທາງດ້ານການທູດ ຕໍ່ການທີ່ຊີເຣຍຍອມ ສະລະຫລືມອບອາວຸດເຄມີຂອງຕົນສ່ວນນຶ່ງແລ້ວແມ່ນເນື່ອງມາ ຈາກການຂົ່ມຂູ່ທີ່ໜ້າເຊື່ອຖືຂອງກອງທັບສະຫະລັດ.

ປະທານາທິບໍດີໂອບາມາ ເວົ້າວ່າ ຣັດເຊຍໄດ້ສະແດງໃຫ້ເຫັນ
ເຖິງຄວາມເຕັມໃຈຄັ້ງໃໝ່ ທີ່ຈະເຂົ້າຮ່ວມປະຊາຄົມນາໆຊາດ ໃນການກົດດັນໃຫ້ຊີເຣຍຍອມສະລະອາວຸດເຄມີທີ່ໃຊ້ໃນການ
ໂຈມຕີ ເມື່ອເດືອນແລ້ວ ທີ່ໄດ້ສັງຫານຊາວຊີເຣຍ ຫລາຍກວ່າ
1000 ຄົນນັ້ນ.

ທ່ານໂອບາມາກ່າວເມື່ອນຶ່ງອາທິດຜ່ານມານີ້ວ່າ ອຳນາດການປົກຄອງຊີເຣຍຂອງປະທາ ນາທິບໍດີ Bashar al-Assad ຈະບໍ່ຍອມຮັບຢ່າງເດັດຂາດວ່າ ຕົນມີອາວຸດເຄມີ ແຕ່ໃນ ເວລານີ້ ຊໍ້າພັດຍອມຮັບວ່າ ຕົນມີ.

ປະທານາທິບໍດີເວົ້າວ່າ ກອງທັບສະຫະລັດຈະຮັກສາການມີໜ້າຢູ່ໃນຂົງເຂດຊີເຣຍຈົນ ກວ່າວ່າປະເທດດັ່ງກ່າວ ຍອມສະລະການມີອາວຸດເຄມີຂອງຕົນ.

ປະທານາທິບໍດີໂອບາ ເວົ້າວ່າ ສະຫະລັດແລະປະຊາຄົມນາໆຊາດຕ້ອງໄດ້ກຽມພ້ອມທີ່
ຈະປະຕິບັດງານ ຖ້າການດຳເນີນຄວາມພະຍາຍາມທາງດ້ານການທູດ ຫາກລົ້ມແຫຼວ.

ຜູ້ນຳສະຫະລັດກ່າວວ່າ ພວກເຮົາມີໜ້າທີ່ໆຈະປົກປັກຮັກສາໂລກຂອງເຮົາໃຫ້ປາດສະ ຈາກຄວາມຢ້ານກົວ ຂອງອາວຸດເຄມີ ສຳລັບພວກເດັກນ້ອຍຂອງເຮົາ.

XS
SM
MD
LG