ລິ້ງ ສຳຫລັບເຂົ້າຫາ

ວັນພະຫັດ, 07 ກໍລະກົດ 2022

ປ.ໂອບາມາ ຮຽກຮ້ອງໃຫ້ ເສີມຄວາມເຂັ້ມແຂງ ແກ່ຊົນຊັ້ນກາງ (ວີດີໂອ)


ປະທານາທິບໍດີ ສຫລ ທ່ານບາຣັກ ໂອບາມາ
ປະທານາທິບໍດີສະຫະລັດທ່ານບາຣັກ ໂອບາມາ ໃຊ້ຄຳປາໄສ ປະຈຳສັບປະດາຂອງທ່ານ ເພື່ອຊຸກຍູ້ໃຫ້ມີການຕໍ່ລອງທີ່ດີຂຶ້ນ
ສຳລັບພວກຊົນຊັ້ນກາງ.

ໃນວັນເສົາມື້ນີ້ ທ່ານໂອບາມາຮຽກຮ້ອງໃຫ້ຊາວອາເມຣິກັນແນ່
ໃຈວ່າ ທຸກໆຄົນທີ່ໄດ້ເຮັດວຽກຢ່າງເອົາຈິງເອົາຈັງ ມີໂອກາດທີ່
ຈະປະສົບກັບຄວາມກ້າວໜ້າ ໃນເສດຖະກິດຂອງສັດຕະວັດທີ 21.

ທ່ານໂອບາມາກ່າວວ່າ ໄດ້ມີການສ້າງວຽກເຮັດງານທຳຂຶ້ນໃໝ່ຫຼາຍກວ່າ 7 ລ້ານໜ້າວຽກ ໃນໄລຍະ 40 ເດືອນທີ່ຜ່ານມານີ້. ທ່ານເວົ້າວ່າ ການຂາດດຸນງົບປະມານພວມຫຼຸດລົງແລະ ຄ່າປິ່ນປົວພະຍາບານທີ່ເພີ້ມຂຶ້ນກໍພວມຊ້າລົງ. ນອກນັ້ນແລ້ວ ທ່ານຍັງຊີ້ໃຫ້ເຫັນ ໃນສິ່ງທີ່ ທ່ານເອີ້ນວ່າ ການປັບປຸງໃຫ້ດີຂຶ້ນເມື່ອໄວໆມານີ້ ຂອງອຸດສາຫະກຳລົດໂອໂຕສະຫະລັດ ແລະຕະຫຼາດຊື້ຂາຍເຮືອນ.

ປະທານາທິບໍດີໂອບາມາເວົ້າວ່າ ໃນໄລຍະຫຼາຍໆອາທິດຂ້າງໜ້ານີ້ທ່ານຈະເປີດເຜີຍໃຫ້ ຊາບກ່ຽວກັບຄວາມຄິດຂອງທ່ານ ຢູ່ຕາມຫົວເມືອງນ້ອຍໃຫຍ່ໃນທົ່ວປະເທດ.

ນອກນັ້ນ ທ່ານຍັງໄດ້ປະຕິເສດຕໍ່ຂໍ້ສະເໜີທີ່ຈະຍົກເລີກໂຄງການຮັກສາສຸຂະພາບ Oba-
macare ນັ້ນ ບໍ່ຍອມຢຸດເຊົາການຈ່າຍໜີ້ສິນຕ່າງໆຂອງປະເທດ ແລະອັດການປະຕິບັດ ງານຂອງລັດຖະບານ ຊຶ່ງໝາຍເຖິງການໃຫ້ຄຳໝັ້ນສັນຍາຂອງພັກຣີພັບບລີກັນທີ່ຈະເອົາ ທ່າທີຄັດຄ້ານຕໍ່ຕ້ານການເພີ້ມເພດານໜີ້ສິນຂອງປະເທດນັ້ນ.

ໃນຄຳປາໄສປະຈຳສັບປະດາ ຂອງພັກຣີພັບບລີກັນນັ້ນ ຜູ້ນຳສຽງສ່ວນຫຼາຍຢູ່ໃນສະພາ
ຕໍ່າ ທ່ານ Eric Cantor ໄດ້ກ່າວຕອບປະທານາທິບໍດີ ໂດຍເວົ້າວ່າ ພັກຣີພັບບລີກັນ ຈະ ແກ້ໄຂບັນຫາຂອງປະເທດ ໂດຍທັບມ້າງປາບປາມການສໍ້ໂກງລັດຖະບານ ການໃຊ້ຈ່າຍ ແບບບໍ່ມີປະໂຫຍດ ການໃຊ້ໄປໃນທາງຜິດ ແລະການກ້າວກ່າຍລ່ວງລໍ້າ.

ທ່ານກ່າວຕື່ມວ່າ ຮ່າງກົດໝາຍທີ່ນຳສະເໜີໃໝ່ ຈະບັງຄັບໃຫ້ລັດຖະສະພາສະຫະລັດໃຫ້ ການອະນຸມັດຕໍ່ລະບຽບການໃດໆກໍຕາມທີ່ນຳສະເໜີໂດຍເຈົ້າໜ້າທີ່ໆບໍ່ໄດ້ຮັບການເລືອກ
ຕັ້ງ ແລະບໍ່ໃຫ້ອົງການເກັບພາສີລາຍ ຫຼື IRS ໄດ້ມີສ່ວນກ່ຽວຂ້ອງໃດໆກັບເລື່ອງການຮັກ
ສາສຸຂະພາບ.

ທ່ານອາດຈະມັກເລື້ອງນີ້ຄືກັນ

XS
SM
MD
LG