ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ໂອບາມາ ຮຽກຮ້ອງ ໃຫ້ຍຸຕິ ການຕັດ ການໃຊ້ຈ່າຍ ແບບອັດຕະໂນມັດ (ວີດີໂອ)


ປະທານາທິບໍດີບາຣັກ ໂອບາມາ ຖະແຫຼງກ່ຽວກັບ ການຕັດງົບປະມານ ແບບອັດຕະໂນມັດ ທີ່ກຸງວໍຊິງຕັນ (19 ກຸມພາ 2013)
ປະທານາທິບໍດີບາຣັກ ໂອບາມາ ຖະແຫຼງກ່ຽວກັບ ການຕັດງົບປະມານ ແບບອັດຕະໂນມັດ ທີ່ກຸງວໍຊິງຕັນ (19 ກຸມພາ 2013)
ປະທານາທິບໍດີສະຫະລັດທ່ານບາຣັກ ໂອບາມາ ໄດ້ຮຽກຮ້ອງໃຫ້
ລັດຖະສະພາ ຍຸຕິການຕັດການໃຊ້ຈ່າຍ ແບບອັດຕະໂຕມັດກ່ຽວ
ກັບໂຄງການພາຍໃນປະເທດ ແລະດ້ານປ້ອງກັນປະເທດ ໃນມູນ
ຄ່າ 1 ພັນ 200 ຕື້ໂດລາ. ມີກຳນົດວ່າ ການຕັດການໃຊ້ຈ່າຍຢ່າງ
ອັດຕະໂນມັດ ຊຶ່ງຮູ້ກັນເປັນພາສາອັງກິດວ່າ sequester ນັ້ນຈະ
ເລີ້ມມີຜົນບັງຄັບໃຊ້ໃນວັນທີ 1 ມີນານີ້.

ໃນຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ຜູ້ນຳຂອງ ສະຫະລັດກ່າວວ່າການຕັດການໃຊ້ຈ່າຍທີ່ວ່ານີ້ແມ່ນຂົ່ມຂູ່ຕໍ່ວຽກ ເຮັດງານທຳຫຼາຍພັນໜ້າວຽກແລະຕໍ່ຄວາມໝັ້ນຄົງແຫ່ງຊາດແຕ່
ກໍສາມາດຫລີກລ່ຽງໄດ້ ດ້ວຍ “ການຜ່ອນສັ້ນຜ່ອນຍາວ ແຕ່ພຽງ
ເລັກນ້ອຍທໍ່ນັ້ນ” ຈາກພັກຣີພັບບລີກັນ.



ແຕ່ແນວໃດກໍຕາມ ທ່ານໂອບາມາກ່າວວ່າ ບໍ່ເປັນຈັ່ງໂຊກ ພັກຣີພັບບລີກັນຢູ່ໃນລັດຖະສະ
ພາສະຫະລັດໄດ້ຕັດສິນໃນໄປແລ້ວວ່າ ແທນທີ່ຈະຮ້ອງຂໍໃຫ້ພວກຄົນຮັ່ງມີອາເມຣິກັນພວກ ເຂົາເຈົ້າຊໍ້າພັດປ່ອຍໃຫ້ການຕັດເຫຼົ່ານີ້ຕົກໃສ່ແຕ່ພວກຊົນຊັ້ນກາງຝ່າຍດຽວ.

ປະທານທິບໍດີໂອບາມາເວົ້າວ່າ ທ່ານເຊື່ອວ່າການຕັດການຂາດດຸນງົບປະມານ ໃຫ້ຫຼຸດຕໍ່າ ລົງນັ້ນ ສາມາດເຮັດໄດ້ໃນວິທີແບບກໍ້າເກິ່ງດ້ວຍການຕັດແບບສະຫຼາດສ່ອງໃສຄືປະຕິຮູບ ການໃຫ້ຄວາມຊ່ອຍເຫຼືອຂອງລັດຖະບານ ແລະປະຕິຮູບການເກັບພາສີ.

ສະມາຊິກສະພາສູງ John Hoeven ຈາກລັດ North Dakota ເປັນຜູ້ກ່າວຄຳປາໄສຕອບ ຂອງພັກຣີພັບບລີກັນ. ທ່ານໄດ້ກ່າວຫາປະທານາທິບໍດີໂອບາມາວ່າ ຂັດຂວາງບໍ່ໃຫ້ເສດຖະ ກິດເຕີບໂຕແລະບໍ່ໃຫ້ພາກສ່ວນເອກກະຊົນສ້າງວຽກເຮັດງານທຳ ດ້ວຍອອກລະບຽບການ ຕ່າງໆ ຂໍ້ບັງຄັບທີ່ເຂັ້ມງວດ ແລະລະບົບບໍລິຫານງານທີ່ມີລະບຽບເຄັ່ງຄັດເກີນໄປ.

ກ່ຽວຂ້ອງກັນ

XS
SM
MD
LG