ທ່ານ ໂອບາມາ ວ່າ ພວກທີ່ທ່ານແຕ່ງຕັ້ງ ຈະຕໍ່ສູ້ ເພື່ອ ຊາວອາເມຣິກັນ

ໃນຄຳປາໄສປະຈຳສັບປະດາຂອງທ່ານນັ້ນປະທານາທິບໍດີບາ
ຣັກ ໂອບາມາ ໄດ້ກ່າວເຖິງ ການແຕ່ງຕັ້ງ ທ່ານນາງ Mary Jo
White ຂອງທ່ານ ເພື່ອໃຫ້ເປັນຫົວໜ້າກຳມາທິການຕະຫຼາດ
ຫຼັກຊັບແລະຊື້ຂາຍຮຸ້ນ ຫຼື SEC ແລະຄວາມຈຳເປັນເພື່ອໃຫ້
ທ່ານ Richard Cordray ສືບຕໍ່ເປັນຜູ້ອຳນວຍການອົງການ ປົກປ້ອງຄຸ້ມຄອງດ້ານການເງິນຜູ້ບໍລິໂພກ.

ປະທານາທິບໍດີໄດ້ກ່າວເຖິງບຸກຄົນທັງສອງວ່າເປັນຜູ້ຄຸ້ມຄອງ
cops on the beat ທີ່ສາມາດຈັດຕັ້ງປະຕິບັດການປະຕິຮູບ
ຢ່າງເຄັ່ງຄັດທີ່ແນໃສ່ເພື່ອປົກປ້ອງຜູ້ບໍລິໂພກແລະລະບົບການ
ເງິນຂອງສະຫະລັດ.

ປະທານາທິບໍດີໂອບາມາເວົ້າວ່າ ທ່ານນາງ White ມີປະສົບ
ພະການເປັນເວລາຫຼາຍສິບປີ ໃນການປາບປາມພວກອາຊະຍາກອນທີ່ບົງການ ແລະນຳ
ເອົາພວກຄົນຮ້າຍແລະພວກກໍ່ການຮ້າຍມາລົງໂທດ.

ປະທານາທິບໍດີເວົ້າວ່າ ທ່ານ Cordray ແມ່ນແຊ້ມປ້ຽນສຳລັບຜູ້ບໍລິໂພກຊາວອາເມຣິກັນ ໃນຖານະຜູ້ນຳຂອງອົງການປົກປ້ອງຄຸ້ມຄອງດ້ານການເງິນຜູ້ບໍລິໂພກ.

ປະທານາທິບໍດີ ໄດ້ແຕ່ງຕັ້ງທ່ານ Cordray ໃຫ້ເຂົ້າຮັບຕຳແໜ່ງດັ່ງກ່າວ ໃນປີກາຍນີ້ ຫຼັງ ຈາກທາງສະພາສູງໄດ້ປະຕິເສດບໍ່ຍອມລົງຄະແນນສຽງຮັບເອົາ.

ສະມາຊິກສະພາສູງ John Thune ຈາກລັດ Dakota ໃຕ້ ເປັນຜູ້ກ່າວຄຳປາໄສຕອບ ຂອງພັກຣີພັບບລີກັນປະຈຳສັບປະດາ. ທ່ານເວົ້າວ່າມັນເຖິງເວລາແລ້ວທີ່ວໍຊິງຕັນຄວນ ຈະຮ່າງງົບປະມານແລະສ້າງວຽກເຮັດງານທຳແລະໃຫ້ໂອກາດແກ່ບັນດາຄອບຄົວແລະ ພວກຄົນງານຊາວອາເມຣິກັນ.