ລິ້ງ ສຳຫລັບເຂົ້າຫາ

ປ. ໂອບາມາ ຮຽກຮ້ອງ ໃຫ້ສະພາ ອອກກົດໝາຍ ບໍ່ຂຶ້ນພາສີ (ວີດີໂອ)


ປະທານທິບໍດີບາຣັກ ໂອບາມາ ຖະແຫຼງຕໍ່ກອງປະຊຸມ ກ່ຽວກັບເລື່ອງເສດຖະກິດ ທີ່ທຳນຽບຂາວ ກັບບັນດາຜູ້ນຳລັດຖະສະພາສະຫະລັດ ໃນວັນສຸກ ທີ 16 ພະຈິກ ຊຶ່ງຢູ່ຂ້າງຊ້າຍ ຂອງປະທານາທິບໍດີ ກໍຄືປະທານສະພາຕໍ່າສະຫະລັດ ທ່ານ John Boehner.
ປະທານາທິບໍດີສະຫະລັດ ທ່ານບາຣັກ ໂອບາມາ ຮຽກຮ້ອງໃຫ້
ລັດຖະສະພາ ຮັບຜ່ານຮ່າງກົດໝາຍທີ່ປ້ອງກັນບໍ່ໃຫ້ມີການຂຶ້ນ
ພາສີແບບອັດຕະໂນມັດຕໍ່ສ່ວນບຸກຄົນແລະທຸລະກິດຕ່າງໆໃນ
ວັນທີ 1 ມັງກອນຈະມານີ້.

ໃນລະຫວ່າງການກ່າວຄຳປາໄສປະຈຳສັບປະດາຂອງທ່ານໃນ
ວັນເສົາມື້ນີ້ທ່ານ ໂອບາມາເວົ້າວ່າ ພວກຊົນຊັ້ນກາງບໍ່ຄວນຈະ
ຖືກຈັບໄວ້ເປັນໂຕປະກັນ ໃນຂະນະທີ່ລັດຖະສະພາສະຫະລັດ
ອະພິປາຍກັນກ່ຽວກັບການຕັດພາສີພວກທີ່ມີລາຍໄດ້ຫຼາຍກວ່າ
250,000 ໂດລາຕໍ່ປີ.



ປະທານາທິບໍດີໂອບາມາເວົ້າວ່າ ທ່ານໄດ້ທຳການພົບປະແບບສ້າງສັນກັບບັນດາຜູ້ນຳ ລັດຖະສະພາສະຫະລັດໃນວັນສຸກວານນີ້ ກ່ຽວກັບການຕັດງົບປະມານ ປົກປ້ອງພວກ ຊົນຊັ້ນກາງ ແລະເສີມຂະຫຍາຍເສດຖະກິດໃຫ້ເຂັ້ມແຂງ.

ໃນຄຳປາໄສຕອບປະຈຳສັບປະດາຂອງພັກຣີພັບບລີກັນນັ້ນ ສະມາຊິກສະພາສູງ Kelly Ayotte ຈາກລັດ New Hampshire ກ່າວວ່າ ທ່ານນາງ ແລະບັນດາເພື່ອນຮ່ວມງານ ຕ້ອງໄດ້ບັນລຸການຕົກລົງ ເພື່ອຫຼີກລ່ຽງບໍ່ໃຫ້ມີການຂຶ້ນພາສີແລະການຕັດງົບປະມານລົງ ຢ່າງຫຼວງຫຼາຍໃນຫຼາຍໆດ້ານເຊັ່ນດ້ານປ້ອງກັນປະເທດເປັນຕົ້ນ.

ທ່ານນາງ Ayotte ເວົ້າວ່າ ການກຳຈັດການໃຊ້ຈ່າຍແບບຟູມເຟືອຍຄວນເປັນທາງເລືອກ ອັນທຳອິດ ແທນທີ່ຈະເປັນການຂຶ້ນພາສີ ຍ້ອນມັນອາດເປັນອັນຕະລາຍບໍ່ຮ້າຍແຮງຕໍ່ເສດ ຖະກິດ ໂດຍສະເພາະແລ້ວແມ່ນທຸລະກິດຂະໜາດນ້ອຍ ແລະຜູ້ຄົນທີ່ກຳລັງຊອກຫາວຽກ ເຮັດງານທຳ.

ກ່ຽວຂ້ອງກັນ

XS
SM
MD
LG