ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ຕຳໜິລັດ
ຖະສະພາສະຫະລັດ ໂດຍສະເພາະແລ້ວ ແມ່ນສະມາຊິກຂອງ
ພັກຣີພັບບລີກັນ ທີ່ບໍ່ໄດ້ດຳເນີນການກ່ຽວກັບຂໍ້ສະເໜີຕ່າງໆທີ່
ແນໃສ່ ເພື່ອຊ່ອຍໃຫ້ພວກເຈົ້າຂອງເຮືອນທັງຫຼາຍ ປະຢັດເງິນ
ຫຼາຍພັນໂດລານັ້ນ.
ໃນລະຫວ່າງ ການກ່າວຄຳປາໄສ ປະຈຳສັບປະດາຂອງທ່ານ
ໃນວັນເສົາມື້ນີ້ ປະທານາທິບໍດີໂອບາມາ ກ່າວວ່າ ລັດຖະສະ
ພາສະຫະລັດໄດ້ຊັກຊ້າບໍ່ດຳເນີນການກ່ຽວກັບແຜນການຂອງ
ທ່ານທີ່ສົ່ງໄປໃຫ້ໃນເດືອນກຸມພາຜ່ານມາທີ່ທ່ານເວົ້າວ່າອາດ
ຈະຊ່ອຍພວກເຈົ້າຂອງເຮືອນປະຢັດໄດ້ເຖິງ 3,000 ໂດລາຕໍ່
ປີໃນການກູ້ຢືມເງິນໃໝ່ສຳຫຼັບເຮືອນເຂົາເຈົ້າໃນອັດຕາດອກ
ເບ້ຍທີ່ຕໍ່າລົງ.
ປະທານາທິບໍດີໂອບາມາເວົ້າວ່າ ຕະຫຼາດຊື້ຂາຍເຮືອນກຳລັງຟື້ນໂຕຄືນຈາກວິກິດການ
ໃນ ປີ 2007 ແລະ 2008 ແລະທ່ານຊຸກຍູ້ໃຫ້ປະຊາຊົນອາເມຣິກັນ ຕິດຕໍ່ໄປຫາສະມາ ຊິກສະພາຂອງພວກເຂົາເຈົ້າ ແລະຮຽກຮ້ອງໃຫ້ສະມາຊິກສະພາເຫຼົ່ານີ້ດຳເນີນມາດຕະ ການ ເວລາສະມາຊິກສະພາກັບຄືນມາຈາກການໄປພັກຜ່ອນ.
ໃນຄຳປາໄສຕອບປະຈຳສັບປະດາ ຂອງພັກຣີພັບບລີກັນນັ້ນ ທ່ານ Vernon Parker ຜູ້ ສະມັກເປັນສະມາຊິກລັດຖະສະພາຂອງພັກຣີພັບບລີກັນຢູ່ລັດອາຣີໂຊນາສະໜັບສະໜຸນ ໃຫ້ມີການຍົກເລີກກົດໝາຍປະກັນໄພສຸຂະພາບຂອງປະທານາທິບໍດີໂອບາມາແລະໂຄສະ ນາຊັກຊວນກ່ຽວກັບແຜນການສ້າງວຽກເຮັດງານທຳຂອງພັກຣີພັບບລີກັນ.
ນອກນັ້ນທ່ານ Parker ຍັງສະໜັບສະໜຸນໃຫ້ມີການປະຕິຮູບກົດລະບຽບໃນການເກັບພາ
ສີ ໂດຍເວົ້າວ່າ ນະໂຍບາຍເສດຖະກິດຂອງລັດຖະບານປະທານາທິບໍດີໂອບາມາ ໄດ້ສ້າງ ຄວາມຍຸ່ງຍາກໃຫ້ແກ່ທຸລະກິດຂະໜາດນ້ອຍ ແລະການສ້າງວຽກເຮັດງານທຳເພີ້ມຕື່ມ.
ປະທານາທິບໍດີໂອບາມາ ແລະທ່ານ Mitt Romney ຜູ້ສະມັກປະທານາທິບໍດີ ຂອງພັກຣີ ພັບບລີກັນຈະປະເຊີນໜ້າກັນໃນວັນພຸດຈະມານີ້ໃນການໂຕ້ວາທີຄັ້ງທຳອິດຂອງຈຳນວນ ທັງໝົດ 3 ຄັ້ງ ກ່ອນການເລືອກຕັ້ງໃນວັນທີ 6 ພະຈິກ.
ຖະສະພາສະຫະລັດ ໂດຍສະເພາະແລ້ວ ແມ່ນສະມາຊິກຂອງ
ພັກຣີພັບບລີກັນ ທີ່ບໍ່ໄດ້ດຳເນີນການກ່ຽວກັບຂໍ້ສະເໜີຕ່າງໆທີ່
ແນໃສ່ ເພື່ອຊ່ອຍໃຫ້ພວກເຈົ້າຂອງເຮືອນທັງຫຼາຍ ປະຢັດເງິນ
ຫຼາຍພັນໂດລານັ້ນ.
ໃນລະຫວ່າງ ການກ່າວຄຳປາໄສ ປະຈຳສັບປະດາຂອງທ່ານ
ໃນວັນເສົາມື້ນີ້ ປະທານາທິບໍດີໂອບາມາ ກ່າວວ່າ ລັດຖະສະ
ພາສະຫະລັດໄດ້ຊັກຊ້າບໍ່ດຳເນີນການກ່ຽວກັບແຜນການຂອງ
ທ່ານທີ່ສົ່ງໄປໃຫ້ໃນເດືອນກຸມພາຜ່ານມາທີ່ທ່ານເວົ້າວ່າອາດ
ຈະຊ່ອຍພວກເຈົ້າຂອງເຮືອນປະຢັດໄດ້ເຖິງ 3,000 ໂດລາຕໍ່
ປີໃນການກູ້ຢືມເງິນໃໝ່ສຳຫຼັບເຮືອນເຂົາເຈົ້າໃນອັດຕາດອກ
ເບ້ຍທີ່ຕໍ່າລົງ.
ປະທານາທິບໍດີໂອບາມາເວົ້າວ່າ ຕະຫຼາດຊື້ຂາຍເຮືອນກຳລັງຟື້ນໂຕຄືນຈາກວິກິດການ
ໃນ ປີ 2007 ແລະ 2008 ແລະທ່ານຊຸກຍູ້ໃຫ້ປະຊາຊົນອາເມຣິກັນ ຕິດຕໍ່ໄປຫາສະມາ ຊິກສະພາຂອງພວກເຂົາເຈົ້າ ແລະຮຽກຮ້ອງໃຫ້ສະມາຊິກສະພາເຫຼົ່ານີ້ດຳເນີນມາດຕະ ການ ເວລາສະມາຊິກສະພາກັບຄືນມາຈາກການໄປພັກຜ່ອນ.
ໃນຄຳປາໄສຕອບປະຈຳສັບປະດາ ຂອງພັກຣີພັບບລີກັນນັ້ນ ທ່ານ Vernon Parker ຜູ້ ສະມັກເປັນສະມາຊິກລັດຖະສະພາຂອງພັກຣີພັບບລີກັນຢູ່ລັດອາຣີໂຊນາສະໜັບສະໜຸນ ໃຫ້ມີການຍົກເລີກກົດໝາຍປະກັນໄພສຸຂະພາບຂອງປະທານາທິບໍດີໂອບາມາແລະໂຄສະ ນາຊັກຊວນກ່ຽວກັບແຜນການສ້າງວຽກເຮັດງານທຳຂອງພັກຣີພັບບລີກັນ.
ນອກນັ້ນທ່ານ Parker ຍັງສະໜັບສະໜຸນໃຫ້ມີການປະຕິຮູບກົດລະບຽບໃນການເກັບພາ
ສີ ໂດຍເວົ້າວ່າ ນະໂຍບາຍເສດຖະກິດຂອງລັດຖະບານປະທານາທິບໍດີໂອບາມາ ໄດ້ສ້າງ ຄວາມຍຸ່ງຍາກໃຫ້ແກ່ທຸລະກິດຂະໜາດນ້ອຍ ແລະການສ້າງວຽກເຮັດງານທຳເພີ້ມຕື່ມ.
ປະທານາທິບໍດີໂອບາມາ ແລະທ່ານ Mitt Romney ຜູ້ສະມັກປະທານາທິບໍດີ ຂອງພັກຣີ ພັບບລີກັນຈະປະເຊີນໜ້າກັນໃນວັນພຸດຈະມານີ້ໃນການໂຕ້ວາທີຄັ້ງທຳອິດຂອງຈຳນວນ ທັງໝົດ 3 ຄັ້ງ ກ່ອນການເລືອກຕັ້ງໃນວັນທີ 6 ພະຈິກ.