ລິ້ງ ສຳຫລັບເຂົ້າຫາ

ທ່ານໂອບາມາ ກ່າວຄຳປາໄສ ທີ່ແນໃສ່ ການສ້າງສາປະເທດຊາດ (ວີດີໂອ)

  • ໄພສານ ວໍຣະຈັກ

ປະທານາທິບໍດີສະຫະລັດ ທ່ານບາຣັກ ໂອບາມາ

ປະທານາທິບໍດີສະຫະລັດ ທ່ານ​ບາຣັກ ​ໂອ​ບາ​ມາ​ ​ກ່າວ​ວ່າ ຫຼັງຈາກໄດ້​ເຮັດສົງຄາມໃນອັຟກາ
​ນິສຖານມາ​ເປັນ​ເວລາ​ດົນ​ກວ່າ​ນຶ່ງ​ທົດ​ສະ​ວັດ​ ມັນ​ເຖິງ​ເວລາ​ແລ້ວ​ທີ່​ຈະ​ເພັ່ງ​ເລັງ​ໃສ່ການ​ສ້າງສາ
​ປະ​ເທດ​ຊາດບ້ານ​ເມືອງຢູ່ໃນສະຫະລັດ.

ທ່ານ​ໂອ​ບາ​ມາ​ກ່າວ​ໃນ​ຄຳ​ປາ​ໄສ​ປະ​ຈຳ​ສັບປະດາ​ຂອງ​ທ່ານ​ວ່າ ຊາວ​ອາ​ເມຣິກັນ ຕ້ອງ​ໄດ້ຖາມ
​ຕົນ​ເອງ​ວ່າ ມັນ​ເປັນ​ປະ​ເທດ​ແບບ​ໃດ​ທີ່​ພວກ​ທະຫານ​ພວມ​ເດີນທາງກັບ​ຄືນ​ມານັ້ນ. ທ່ານ​ເວົ້າ
ວ່າ ປະ​ເທດ​ຊາດ​ຕ້ອງ​ໃຫ້ການ​ຄໍ້າປະກັນ​ກ່ຽວ​ກັບ​ການປິ່ນປົວ​ພະຍາບານ​ແລະ​ຜົນ​ປະ​ໂຫຍ​ດ
ອື່ນໆ ທີ່​ພວກ​ນັກ​ລົບ​ເກົ່າ​ໄດ້​ຮັບ​ ​ເພື່ອວ່າ​ພວກ​ເຮົາ​ຕ້ອງ​ໄດ້​ຮັບ​ໃຊ້​ພວກ​ເຂົາ​ເຈົ້າ ດັ່ງ​ດຽວ​ກັນ​
ກັບ​ທີ່​ພວກ​ເຂົາ​ເຈົ້າ​ໄດ້​ຮັບ​ໃຊ້ພວກ​ເຮົາ.

ປະທານາທິບໍດີ​ໂອ​ບາ​ມາ​ກ່າວ​ວ່າ ພໍ່​ເຖົ້າຂອງ​ທ່ານ​ສາມາດ​ໄປ​ຮຽນ​ມະຫາວິທະຍາ​ໄລ​ໄດ້​ໂດຍ
​ອາ​ໄສ​ການ​ຊ່ອຍ​ເຫຼືອພວກ​ນັກ​ລົບ​ເກົ່າ​ ຫຼື G.I. Bill ຫຼັງຈາກ​ສົງຄາມ​ໂລກ​ຄັ້ງທີ​ສອງ ເວລາ
​ການ​ໃຫ້​ຄຳ​ໝັ້ນສັນຍາຂັ້ນພື້ນຖານ​ຂອງ​ອາ​ເມຣິກາ ທີ່​ວ່າ ຖ້າ​ທ່ານ​ຫາກ​ເຮັດ​ວຽກ​ເຮັດ​ການ
​ແບບ​ເອົາ​ຈິງ​ເອົາ​ຈັງ​ແລ້ວ ທ່ານ​ຈະ​ມີ​ຖານະ​ດີ​ພໍ​ ເພື່ອ​ລ້ຽງ​ຄອບຄົວ ມີ​ເຮືອນ​ຊານ ​ແລະ​ສົ່ງ​ລູກ
​ໄປ​ຮຽນ​ມະຫາວິທະຍາ​ໄລ​ໄດ້. ປະທາ​ນາ​ທິບໍດີ​ໂອ​ບາ​ມາ​ກ່າວ​ວ່າ ​ເພື່ອ​ຮັກສາ​ຄຳ​ໝັ້ນ​ສັນຍາ​
ທີ່​ວ່າ​ນັ້ນ​ໃຫ້ຍືນ​ຍົງ​ຢູ່​ຕໍ່​ໄປ ​ແມ່ນ​ເລື່ອງ​ທີ່​ສຳຄັນສຳ​ຫຼັບຍຸກ​ສະ​ໄໝ​ຂອງ​ພວກ​ເຮົາ.

ປະທານາທິບໍດີ​ໂອ​ບາ​ມາ​ເວົ້າວ່າ ການ​ຟື້ນ​ໂຕ​ຄືນຈາກ​ວິ​ກິດ​ການ​ເສດຖະກິດ​ທີ່​ຮ້າຍແຮງ​ສຸດ
​ນັບຕັ້ງ​ແຕ່​ໄດ້​ເກີດ​ສະພາບ​ເສ​ດຖະກິດ​ຕົກ​ຕໍ່າຂອງໂລກ​ນັ້ນ ​ແມ່ນ​ວຽກ​ງານ ທີ່​ພວມດຳ​ເນີນ​
ໄປ​ດ້ວຍ​ຄວາມ​ກ້າວໜ້າ.

ປະທານາທິບໍດີ​ໂອ​ບາ​ມາ ​ກ່າວ​ວ່າ ປະ​ເທດ​ຊາດ​ ຈຳ​ເປັນ​ຕ້ອງ​ໄດ້​ລົງທຶນ​ ໃນ​ດ້ານວຽກ​ການ
ການ​ສຶກສາ ພະລັງງານ​ທີ່​ສະອາດ ການຄົ້ນຄວ້າ​ດ້ານ​ການ​ແພດຕະຫຼອດທັງ​ຕາໜ່າງການ​
ຄົມມະນາຄົມ​ຂົນ​ສົ່ງ​ແລະ​ການ​ສື່ສານ​ທີ່​ໄວ​ຂຶ້ນ. ທ່ານ​ເວົ້າວ່າ ບູລິ​ມມະ​ສິດ​ຂອງ​ປະ​ເທດ​ຊາດ
ບໍ່​ຄວນ​ຈະ​ຮວມທັງ​ການ​ຕັດ​ພາສີ​ໃຫ້​ແກ່​ພວກເສດ​ຖີທັງຫຼາຍ.

ສະມາຊິກ​ສະພາ​ສູງ Bob Corker ຈາກ​ລັດ​ເທັນເນັສຊີກ່າວ​ໃນ​ຄຳ​ປາ​ໄສ​ຕອບປະຈຳ​ສັບປະ
ດາ​ຂອງ​ພັກຣີພັບ​ບລີ​ກັນ​ວ່າ ການ​ໃຊ້​ຈ່າຍ​ແລະ​ການ​ຕິດ​ໜີ້​ ໃນ​ວໍຊິງຕັນ ທີ່​ຈິງ​ແລ້ວ​ພວມ​ລັກ
ຂະ​ໂມ​ຍເອົາ​ໂອກາດ​ຂອງ​ພວກ​ຄົນ​ຮຸ້ນ​ຕໍ່​ໄປໃນ​ການ​ທີ່ຈະ​ດຳລົງ​ຊີວິດ​ເພື່ອ​ບັນລຸ​ຄວາມ​ໄຝ່ຝັນ
​ຂອງ​ຊາວ​ອາ​ເມຣິກັນ​.

ທ່ານ Corker ​ເວົ້າວ່າ ງົບປະມານ​ຂອງ​ປະທານາທິບໍດີ​ໃນ​ປີນີ້ ທີ່​ຈິງ​ແລ້ວ ​ຈະ​ເຮັດ​ໃຫ້ການ
​ເຕີບ​ໂຕ​ຂອງ​ເສດຖະກິດ​ຫຼຸດລົງ ​ໃນ​ທົດ​ສະ​ວັດ​ຕໍ່ໜ້າ.

ສະມາຊິກ​ສະພາ​ສູງ​ຈາກລັດ​ເທັນເນັສຊີທ່ານ​ນີ້​ ຍັງ​ເວົ້າວ່າ ການ​ເຮັດ​ໃຫ້ພາກ​ເອກ​ກະ​ຊົນ​ເຕີບ ​
ໂຕ​ແທນ​ທີ່​ຈະ​ແມ່ນ​ລັດຖະບານຈະ​ໃຫ້ການ​ຄໍ້າປະກັນ​ວ່າພວກ​ເຮົາ​ຍັງ​ສືບ​ຕໍ່​ເປັນປະ​ເທດ​ທີ່​ເຂັ້ມ​
ແຂງ​ທີ່​ສຸດ​ໃນ​ໂລກ.

XS
SM
MD
LG