ລິ້ງ ສຳຫລັບເຂົ້າຫາ

ປະທານາທິບໍດີ ສຫລ ຂໍໃຫ້ສະພາ ດຳເນີນການ ເພື່ອຊ່ອຍສ້າງວຽກເຮັດ

  • ໄພສານ ວໍຣະຈັກ

ປະທານາທິບໍດີສະຫະລັດ ທ່ານບາຣັກ ໂອບາມາ

ປະທານາທິບໍດີ​ສະຫະລັດທ່ານບາຣັກ ​ໂອ​ບາ​ມາ​ ຮຽກຮ້ອງ​ໃຫ້​ລັດຖະສະພາສະຫະລັດປະ​
ຕິບັດ​ຕາມ​ບັນຊີ​ລາຍ​ຊື່​ທີ່​ຕ້ອງ​ກະທຳ ທີ່​ທ່ານ​ເວົ້າວ່າ ຈະ​ຊ່ອຍ​ເສີມ​ຂະຫຍາຍ​ການ​ສ້າງ​ວຽກ​
ເຮັດ​ງານ​ທຳແລະ​ເຮັດ​ໃຫ້​ເສດຖະກິດ​ເຕີບ​ໂຕ.

ປະທານາທິບໍ​ດີ​ໂອ​ບາ​ມາ​ ໄດ້​ເປີດ​ເຜີຍ​ບັນຊີລາຍ​ຊື່​ທີ່​ທ່ານ​ຕ້ອງການ ​ໃນ​ລະຫວ່າງ​ຄຳ​ປາ​ໄສ​
ປະຈຳ​ສັບປະດາ​ຂອງ​ທ່ານ​ໃນ​ວັນ​ເສົາ​ມື້ນີ້ທີ່​ຮວມທັງ​ການ​ໃຫ້​ຄວາມ​ສະໜັບສະໜຸນ​ຂອງ​ລັດ
ຖະສະພາ​ສະຫະລັດ ​ຕໍ່​ຊາວ​ອາ​ເມຣິ​ກັນ​ ທີ່​ພວມ​ພະຍາຍາມ​ຈະ​ກູ້​ຢືມເງິນ​ໃໝ່​ຊື້​ເຮືອນ​ໃນ​ອັດ
ຕາ​ດອກ​ເບ້ຍ​ທີ່​ຕໍ່າ​ກວ່າ​ເກົ່າ.

ນອກ​ນັ້ນທ່ານ​ໂອ​ບາ​ມາ ຍັງ​ຮຽກຮ້ອງ​ໃຫ້​ລັດຖະສະພາ​ສະຫະລັດ​ ຍົກ​ເລີກ​ການຫຼຸດຜ່ອນ​
ພາສີ​ໃຫ້​ແກ່​ບັນດາ​ບໍລິ​ສັດ​ທີ່​ສົ່ງ​ວຽກ​ການ​ໄປ​ຕ່າງປະ​ເທດ. ທ່ານ​ເວົ້າວ່າລັດຖະສະພາ​ຄວນ
​ຈະ​ຊ່ອຍ​ທຸລະ​ກິດ​ຂະໜາດ​ນ້ອຍ​ດ້ວຍ​ການຫຼຸດຜ່ອນ​ພາສີ​ໃຫ້ແກ່​ພວກ​ເຂົາ​ເຈົ້າເພື່ອໃຫ້​ເຂົາ​
ເຈົ້າສາມາດຈ້າງ ​ພວກ​ຄົນ​ງານ​ໃນ​ສະຫະລັດ​ໄດ້ຕື່ມ ແທນ​ການຫຼຸດພາສີ​ໃຫ້​ແກ່​ບໍລິສັດ​ເຫຼົ່າ
ນັ້ນ.

ປະທານາທິບໍດີ​ໂອບ​າມາ​ເວົ້າວ່າ ລັດຖະສະພາ​ຄວນ​ຈະ​ຕໍ່​ອາຍຸ​ໃນການຫຼຸດພາສີໃຫ້​ແກ່​ບັນ
ດາ​ບໍລິ​ສັດຜະລິດ​ພະລັງງານ​ທີ່​ສະອາດ ​ແລະ​ຊ່ອຍ​ພວກ​ນັກ​ລົບ​ເກົ່າ ທີ່ກັບ​ຄືນ​ມາ​ຈາກ​ສະ
ໜາມ​ລົບ​ໃນ​ອີຣັກ​ແລະ​ອັຟກາ​ນິສຖານ.

​ໃນ​ຄຳ​ປາ​ໄສ​ຕອບ​ປະຈຳ​ສັບປະດາ​ຂອງ​ພັກຣີພັບ​ບລີ​ກັນນັ້ນ ສະມາຊິກ​ສະພາ​ຕໍ່າ Kristi
Noem ຈາກ​ລັດ Dakota ​ໃຕ້ກ່າວ​ວ່າ ນະ​ໂຍບາຍ​ຂອງ​ລັດຖະບານ​ທ່ານ​ໂອ​ບາ​ມາ ​ກີດ​
ກັນ​ບໍ່​ໃຫ້​ມີ​ການ​ສ້າງ​ວຽກ​ເຮັດ​ງານ​ທຳ.

ທ່ານນາງ Noem ກ່າວ​ຕື່ມ​ວ່າ ສະພາ​ສູງ​ຂອງ​ສະຫະລັດ​ທີ່ຢູ່​ພາຍ​ໃຕ້​ການ​ນຳພາ​ຂອງ​ພັກ
​ເດ​ໂມ​ແຄຣັທ ກໍ​ປະສົບ​ຄວາມລົ້ມ​ແຫຼວ​ເຊັ່ນ​ກັນ ​ໃນ​ການ​ເຄື່ອນ​ໄຫວເພື່ອ​ໃຫ້ການ​ອະນຸມັດ
ຕໍ່ຮ່າງ​ກົດໝາຍ​ສ້າງ​ວຽກ​ເຮັດ​ງານ​ທຳ ຂອງ​ສະພາ​ຕໍ່າ​ສະຫະລັດ​ ທີ່ຢູ່​ພາຍ​ໃຕ້​ການ​ນຳພາ​
ຂອງ​ພັກຣີພັບ​ບລີ​ກັນນັ້ນ.

XS
SM
MD
LG