ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານໂອບາມາ ຂໍໃຫ້ສະພາ ຊ່ອຍຈ້າງ ພວກນາຍຄູຄືນ (ວີດີໂອ)


ປະທານາທິບໍ​ດີ​ສະຫະລັດ ທ່ານ​ບາຣັກ ​ໂອ​ບາ​ມາ ກ່າວ​ວ່າ ຄວາມ​ລົ້ມ​ແຫຼວຂອງລັດຖະສະພາ​
ສະຫະລັດ ທີ່​ບໍ່​ສາມາດ​ດຳ​ເນີນ​ການ​ກ່ຽວ​ກັບ​ຮ່າງ​ກົດໝາຍ​ສ້າງ​ວຽກ​ເຮັດ​ງານ​ທຳ​ຂອງ​ທ່ານ​
ໄດ້​ຂັດຂວາງ​ບໍ່​ໃຫ້​ມີ​ການ​ຈ້າງ​ພວກ​ນາຍຄູ.

​ໃນ​ລະຫວ່າງ​ການ​ກ່າວ​ຄຳ​ປາ​ໄສ​ປະຈຳ​ສັບປະດາຂອງ​ທ່ານ​ໃນ​ວັນ​ເສົາ​ມື້ນີ້ ທ່ານ​ໂອ​ບາ​ມາ​ເວົ້າ
ວ່າ​ໃນ​ໄລຍະ​ສາມ​ປີຜ່ານມາ​ນີ້ມີ​ພວກ​ນາຍຄູ 250,000 ຄົນ​ໄດ້​ສູນ​ເສຍ​ວຽກການເຮັດ. ທ່ານ
​ເວົ້າວ່າການ​ໃຫ້ການ​ອະນຸມັດ​ຕໍ່​ຮ່າງ​ກົດໝາຍ​ສ້າງ​ວຽກ​ເຮັດ​ງານທຳ​ຂອງທ່ານຈະ​ຊ່ອຍ​ໃຫ້​ລັດ​
ຕ່າງໆ ຈ້າງ​ພວກ​ນາຍຄູ​ເຫຼົ່ານີ້ຄືນ​ໃໝ່ແລະ​ປ້ອງກັນ​ບໍ່​ໃຫ້​ມີ​ການ​ປົດ​ພວກ​ນາຍຄູ​ອອກ​ຕື່ມຂະ
ນະ​ທີ່​ງົບປະມານ​ໄດ້​ມີ​ການ​ໃຊ້​ເງິນ​ແບບ​ປະຢັດ​ຫຼາຍຂຶ້ນ.

ປະທານາທິບໍດີ​ໂອ​ບາ​ມາ​ເວົ້າວ່າ ການ​ຈ້າງ​ພວກ​ນາຍຄູ​ ໃຫ້​ກັບ​ຄືນເຂົ້າໄປ​ສອນ​ໃໝ່​ແມ່ນ​ນຶ່ງ
​ໃນ​ຫຼາຍໆ​ບາດກ້າວ ​ທີ່​ຈະຊ່ອຍ​ເຮັດ​ໃຫ້​ເສດຖະກິດ​ເຕີບ​ໃຫຍ່ຂະຫຍາ​ຍ​ໂຕ.

​ໃນ​ຄຳ​ປາ​ໄສ​ຕອບ​ ປະຈຳ​ສັບປະດາ ຂອງ​ພັກຣີພັບບລີ​ກັນນັ້ນ ສະມາຊິກ​ສະພາ​ຕໍ່າ Erik
Paulsen ຈາກ​ລັດ​ມິນ​ເນ​ໂຊ​ຕ້າ​ກ່າວ​ວ່າ ນະ​ໂຍບາຍ​ຂອງ​ປະທານາທິບໍ​ດີໂອ​ບາ​ມາ​ເຮັດ​ໃຫ້
​ເສດຖະກິດ​ເຕີບ​ໃຫຍ່​ຂະຫຍາ​ຍ​ໂຕ​ບໍ່​ໄດ້.

ທ່ານ​ Paulsen ​ເວົ້າວ່າ ກົດໝາຍ​ວ່າ​ດ້ວຍ​ການ​ຮັກສາ​ສຸຂະພາບ ຂອງ​ປະທານາທິບໍດີ​ໄດ້​
ທຳລາຍ​ໂອກາດ ​ທີ່​ຈະ​ເຮັດ​ໃຫ້​ເສດຖະກິດ​ເຕີບ​ໂຕ​ໄດ້ ​ໂດຍ​ສະ​ເພາະແລ້ວ​ໃນ​ໝູ່​ທຸລະ​ກິດ​ຂະ
ໜາດ​ນ້ອຍ.

ທ່ານ​ກ່າວ​ວ່າ ກົດໝາຍ​ວ່າ​ດ້ວຍ​ການ​ຮັກສາ​ສຸຂະພາບ ມີ​ແຕ່​ພຽງ​ຂັບ​ດັນ​ໃຫ້​ຄ່າ​ຮັກສາ​ພະ
ຍາບານ​ແພງ​ຂຶ້ນ​ເທົ່າ​ນັ້ນ.

XS
SM
MD
LG